مـأوى الـزهـور

حلقـه (43)

مـأوى الـزهـور🥀
بقلـم يــاســة الحلقة (43)

وبيــن علــى عيــونــي حبـــك
ثـــاري هيــج الشـــوگ فـاضـح
انتَ حبـك مثـل عطري شلون أضمه العاشگ تفضحـه الملامح
جنت كلش فوضوي وما تلمني دنيا
وعلى المشاكــل راد رايــح
محرب ولمن عشگتك بلعجل ذبيت سيفي
وگمت اسولف على التسامح

..................................

منى :- اي فدوة إمتنان انهزمت من بابا فدوة ختليني عندج اليوم حالف يموتني

إمتنان :- تخبلتي عزا بعينج

منى :- فدوة إمتنان الخاطر ريان دخليني والقرآن اليوم حالف عليه يـذبــحني

-- فوتي

مثاب :- اوگفي شتفوت منووو هاي

هي فاتت بالطرمه ومثاب صار بوجهها مانعها تدخل اكثر ويباوعلي وعاد السؤال من جديد

-- منوو هاي

-- هذه بنت قاسم

-- وشعندها جايه بهذا الوقت وليش هيج حالها وليش ابوها يموتها شكو

-- ما اعرف

منى :- فدوة إمتنان اذا حچيتي وياه ما راح يأذيني لان يحبج ويريد خاطرج الله عليج ساعديني

مثاب :- شمسويه من طرگاعه ما ناقصين الخلفج المخبل

منى :- ما سويت شي ما سويت

إمتنان:- بس خلِ تدخل ونفهم منها الموضوع شبيك

دخلت منى واني ومثاب وراها دخلنا گعدت بالصاله وكلها ترجف ودموعها عشرة عشرة

إمتنان :- هسه اني شأسوي شلون اخلصج من عنده وانتِ مصخمه وجهه الف مره نصحتج والف مره حچيت وياج مستهترة ادب سزز ولج بس لا ورطتي أمجد وياج

-- لا مو أمجد

مثاب :- إمتنان شنو الموضوع

حچاها بجدية واعصاب سكتت ما اعرف ارد خطيه شلون افضحها گدامه رجع عاط بيه مره ثانية

-- ويااامن احچييييي شكوووو شمسوية هاااي من مصيييبه

-- ابوها لازمها تخابر و ضاربها

-- وانتِ شكو تجي مهزومه يمج

منى :- ابوية يحبها واذا اجيت هنا ما يأذيني بعد لان حالف يموتني اليوم وامي هزمتني گالت روحي البيت إمتنان

-- حبكم عزائيل انتِ وابوج وامج گومي أرجعييي البيتكم

إمتنان :- شبيك وياها متشوف حالتها

-- يطبهااا مرض مسؤولين منها احنا شكو إمتنان اتصلي بـ ابوها يجي ياخذها لا احطها اني واكتلهااا والله

-- مثاب شبيك هاي انتِ ابو الغيرة والشهامة معقوله هيج تسوي وياها خطيه متعرف قاسم اذا لزمها يموتها