#طغيان_هارون
#بقلم_الراوية
#الفصل_الثامن_و الخمسونقبل لا نبلش بالبارت
صلوا على النبي ❤️تعليق+تصويت و متابعة الحـساب للاستمرار 🙊💋
.
خاتون
ابـاوعلها من بعـيد و الدمعة بعيـني
و لـسان حالي يدعي ربي ما يفجـعني بيهاأكثر مـن النصف ساعة يلا طـلعوها من الـمفراس
ما ان عبرت الباب حتى حضنتهـا و أني امسـح على ظهرها أريد اطمـئنها
رغم أني احتاج احد يطـمني، اجا معاذ الي چان متماسك أكثر مني، و هو يگـول- لازم نروح للدكتور ينتظرنـا
حركت رأسي بأي و شهد بدون ما تحچـي مشت ويانا
چنت كل شوية التفـت عليها هادئـه كلشمادري شلون گدرت اطلع من المستشفى و أخذ تكـسي بعد ما أتصل بيـه معاذ و هو يگـول شهد وگـعت و هسا أخذتها للمستشفـى
كلشي ما فهمت بوقتها ، بس إنو بنتي مو بخـير
و هـسا ما تتذكر أي شي ، لا وقت الصبح و لا حتـى تتذكر إنها راحت لمكتبـة أدهم و هناك فقدت وعيـهادخلنا عند الدكتور الي استقبلنا و هو لابس كمامته و يطلب من عدنا الـجلوس
گعدت شهد الي كل شوية تباوعـلي بنظرات قلق و خـوف
تعدل الـدكتور و تقدم بگعدته و هو يسند أيـديه على المكـتب امامه
- شهد صح ؟
- أي
جاوبتـه و هي باوعت لأبوها الي گعد گدامهـا
رجع الدكتور يسألها بتـلطيف للجو- عاشت الأسامي ، بنتـي هماتين إسمها شهد
اندگ الباب و دخل أحد المشرفين الي چانـوا على المـفراس
و هنا أخذهن و بلش يطالعـهن بنظرات طبيـة
و بسبب خبرتي فهمت صاير شي، تقربت لـمعاذ و همست- المـفراس مو نظيف
- گولي يا الله بلكي ماكو شي
بقيت اردد يا الله بداخلي عشرات المرات بس چنت متأكدة اكـو شي
ترك أشعة المـفراس و باوع لشهد الي چانـت شبه ضايعة بنظراتـها- أي شهوده ، خلي نحچي شوية أني وياچ
بس هزت رأسها بأي و هو استرسـل
- هاي الدوخة من شوكـت تجيچ
- مو من زمان
- عندچ ألم بالرأس ، او صداع ؟
باوعتلي و أني أشرتلها تحچي و ما تسكت
لهذا گالت بـتعلثم- أي ، دائمـاً چان يجيني صداع قوي
بس يروح و يرجع- تأخذين أي أنواع مسكنات
- بندول او براسـتول
جاوبته و هنا الدكتور وجه سؤاله لمعاذ
أنت تقرأ
| طُغـيان هارون |
Romanceرواية حقيقية ⭕⭕ لـم يكن حبًا الذي بينـنا كـان شيء يشـبه الموت بـارد، موحـش، غـامض لم يكـن الذي بينـنا شيء استطيع فهمه لا أنـت و لا أنا استطـعنا أن نطلق عليه مسمى كـنت تردعنـي عنك وكنت أبعدك عنـي، لكـن في نهاية الأمر أجـدنا تحـت مظلة واحده تقيـنا من...