#طغيان_هارون
#بقلم_الراوية
#الفصل_الستـون_والأخير
قبل لا نبلش بالبارت
صلوا على النبي ❤️
تعليق+تصويت و متابعة الحـساب 🙊💋
لا تنسون اخـوتنا بفلسطين و لبنان من الدعاء ❤️❤️
.
خاتون
قبـل نصف ساعة چـنت بخير
قبل هاي النص ساعة چانت الدنيا بعيني بعدهـا تمشي و ما تـوگف على أحد
و منشغلة بعملـي و ماكو شي بالـي
بالمستشفى تفاجئت بوجوده لـ حكم
الي من شافني اجـا ناحيتي ، أول ما شفته حسيت وضعـه غريب
سلم عليه و أني سألته
- خوما صاير شي ؟
- لا ماكو شي
حچاها و هو يخلي ايديه بجـيبه و كمل
- بس نجمة شويه مالها خلگ
- ياا هي هنا
- لا بالبيت
سكت و أني قطبت حاجبي و بقلق گـلت
- حكـم صاير شي و أني ما اعرف
- مو گتلچ نجمة مالها خلگ
و كلش تعبانه من گعدت الصبح ، و ردت اجي اخذچ حتى تضربيها الابرة
- ليش اخذتها لدكتور ؟
- على الصيدلية رحت
- چان جبتها هنا
- وديتها بعد
هي شوية حرارتها مو شي قوي
ما چنت مقتنعة ، بس گلت و أني ارفع تلفوني
- بس اخابر معاذ انطي خبر
- أني خابرته بعدين ما رايحه لأحد غريب أنتِ
هزيت رأسي بأي و انتبهت لمكالمة من شهد
تلفوني ما بقى بي شحن و طفى مع ما ردت اعيد الاتصال بيها
بس گلت هسا راجعه و اشوف شبيها
أخذت اجازة زمنية و طلعت وياه
چنت حاسه صاير شي أكبر من مرض نجمة
حكم كأنه كاتم شي بگلبه، طول الطريق ما چان يحچـي
بس ساكت
من وصلنا للمنطقة مالتنا استغربت ما دخل بالفرع الي ساكنين بي
انما عبره و دخل للفرع الي بي بيتنا
التفتت عليه و بتعجب گلت
- شو جبتني هناا
ما رد و عضلات گلبي بدت تنقبض
بلشت احس الوضع مو طبيعي و أكو مصيبة لو سالفة تنتظرنـي
من دخلنا لفرعنا و گدرت المح بيتنا
شهگـت و أني احط ايدي على گلبي و احچي بفزع
- حكممم شصاير شهد بيها شي
ما چنت مفكره غير إنو شهد انتكست و صار بيها شي
ما چنت اعرف الي ينتظرني مصيبة أكبـر
باب بيتنا چان مفتوح ، الجوارين ملتمه
و الي يبعث الخوف أكثر سيارتين شرطـة طابگه قريب منه
أنت تقرأ
| طُغـيان هارون |
عاطفيةرواية حقيقية ⭕⭕ لـم يكن حبًا الذي بينـنا كـان شيء يشـبه الموت بـارد، موحـش، غـامض لم يكـن الذي بينـنا شيء استطيع فهمه لا أنـت و لا أنا استطـعنا أن نطلق عليه مسمى كـنت تردعنـي عنك وكنت أبعدك عنـي، لكـن في نهاية الأمر أجـدنا تحـت مظلة واحده تقيـنا من...
