Doh Hate The Player Hate The Game

62

>Lia<

Me and Kayla went out to enjoy ourselves since Ziddy gone bout him business and mi promise mi nah tek har no weh again.

Mi seh afta we done shopping and decide fi go a wah likkle chinese restaurant,e gurl see wah old oman come inna e place wid eyelash and braid and them things deh a act like young gurl,she look crawny stills.

Is like she come fi meet up wid wah man or sumn and then mi hear dis sudden outburst.

"Damian a which scrawny body gyal dis  yuh hitch up inna restaurant wid!"she said chawing her mouth like some cow.

When mi look nuh wah young bwoy him a talk to,kayla well invested inna dem convo.

The old oman di deh a talk bout how fi har goody nice and look weh him come tek up and wah whole bag a sumn,till e manager a e place come and tell har seh she haffi leave,she decide seh she ago throw hands and pull e gurl ova e table. Mi seh one lick e gurl gi e old oman and har false teeth drop out pon e floor.

Dutty Kayla start laugh like wah,she nearly most drop off a di chair.

"No sah dis no real a bloodclaat,"she said wheezing as she tried to catch her breath.

All mi a tell har fi stop e laughing she still a  laugh afta e old oman. Police come escort e oman outta e place cause she start attack e manager when him a try part e fight.

"Oh deh grandma yah lef yuh teeth,"mi hear Kayla say and mi haffi really look pon har cause mi shock yuh fuck.

"Gyal yuh mad,"i hissed.

The old oman glared at Kayla and one of the police man dem tek up e dentures gi har,a literally scorn e man a scorn e.

Afta dat mi  kinda lost mi appetite so we lef.

"Mi cyah believe yuh seh dat to e oman,"I said as i got into the car.

"Wah?...afta mi no wah inna e place a eat wid har dentures lef pon e groun,"and she start laugh again.

"Yuh doh serious,"i said as i shook my head and drove off.

I stopped at the courier to collect the clothes i bought off shein.

"Yah come in deh wid mi?"i asked her.

"No mi really haffi reflect pah wah happen inna dah restaurant...which goody she did a seh nice..."she started.

"Gurl....mi no inna it,"i said laughing.

I left the car and went inside the place.

"Good afternoon how may i help?"the lady asked.

"I'm here to pick up a package under the name Amelia Billings,"i said and she nodded.

I gave her my ID for verification and then i paid the money,a so much clothes mi did buy mek e bag look so big.

I took the package and turned around bumping into someone's chest.

"Yo unuh no know seh people need space,"i said crossly and i looked up just to see Mr skullman.

"Sorry,"he smiled and mi know seh mi face neva proper.

"You want help carrying the package?"he asked and i immediately refused.

"Mi have hand and God gimi dem fi use,"i said.

"So how yah move so wid mi,"he said and i frowned.

"Mi deven know yuh bredda yuh tink mi go round a smile up smile up wid people,"i said and he grinned.

"Alright then...so mi cyah get fi know yuh?"he asked.

"No thank you,"i replied feeling agitated mi mood swings dem kinda a get rapid these days.