🥀 អ្នកប្រមាញ់ 🔥

ភាគទី : 01» [កើតមកដើម្បីកម្ចាត់បិសាច]
TaeKook Novel
___________
ស្ទីលឡាជាត្រកូលនៃអ្នកប្រមាញ់ដែលស្ថិតនៅក្នុងតំបន់មួយក្បែរព្រៃ វិមានស្ទីលឡាគឺពិតជាធំខ្លាំង ហើយក៏មានបរិវារជាច្រើនតាមហែរហម ពួកគេមានអំណាច កម្លាំងនិងភាពជាអ្នកដឹកនាំក្នុងអម្បូរចចកនៃអ្នកប្រមាញ់បិសាចជញ្ជក់ឈាម ។
ជុងហ្គុក ស្ទីលឡា ជាកូនប្រុសច្បង និងជាអ្នកស្នងតំណែងឆាប់ៗនេះជាអ្នកដឹកនាំរាល់ការប្រយុទ្ធជាមួយពួកបិសាច

នាយជាមនុស្សមានចិត្តដាច់ឃោឃៅនិងមិនដែលលើកលែងឲ្យពពួកបិសាចដែលតែងតែយាយីមនុស្សលោកស្ថិតក្រោមការគ្រប់គ្រងរបស់ត្រកូលស្ទីលឡាឡើយ ដូច្នេះទើបតំណែងមួយនេះសាកសមនឹងបានទៅលើនាយតែម្នាក់គត់ ។
ស្ទីលឡាមិនមែនមានតែជុងហ្គុកម្នាក់ទេ ក៏នៅមានកូនប្រុសពៅម្នាក់ទៀតដែរ ឈ្មោះថា ជីមីន ស្ទីលឡា ប៉ុន្តែអត្តចរឹកបងប្អូនទាំង2 ខុសគ្នាដាច់ស្រឡះ ជីមីន
គ្រាន់តែជាកូនចចកសម្បុរសតូចមួយគួរឲ្យស្រលាញ់ រាងកាយតូចមួយនេះចូលចិត្តតែភាពស្ងប់ស្ងាត់ប៉ុណ្ណោះ

ទោះបីជាមិនអាចប្រកែកបានថាមិនចង់មានការប្រយុទ្ធកាប់សម្លាប់ណាមួយ ប៉ុន្តែជីមីនហាក់បង្ហាញប្រាប់បងប្រុសឲ្យដឹងថាខ្លួនចង់រស់នៅជីវិតសាមញ្ញដូចមនុស្ស
ធម្មតាទូទៅ មិនចង់រ៉ាប់រងអម្រែកទាំងអស់ក្នុងត្រកូលអ្នកប្រមាញ់ដូចជុងហ្គុកទេ