قدرنـا الصبر

part 23

ابقلمي:- لكاتبة رحَــمة .

قـــدرُنــا الصَـــبر
~~~~~~~~~~~~

‏﴿ فَاذْكُرُونِي أَذْكُرْكُمْ ﴾ 🤍🌸

- سبحان الله
- الحمدلله
- لاإله إلا الله
- الله أكبر
- سبحان الله وبحمده
- سبحان الله العظيم
- لا حول ولا قوة إلا بالله
- اللهم صل وسلم على نبينا محمد
- لاإله إلا أنت سبحانك إني كنت من الظالمين🤍
~~~~~~~~~~~~~~~~~~~~

-طلعو العالم بنان خابرت بابا وكلتلته هوه رد عليها بصوت محتقن:-

حيدره:-اي خابروني عاجبهم البيت اني العصر اجي حته نتكاتب

-بس جان كلش ضايج
اجتي بنان يمنه اني داوكل بغزل وايوته كالت بقهر:-

بنان:- ضي عاجبهم البيت اليوم يتكاتبون لج عيني بابا صوته تعبان سوده عليه

-حجت هيج واني دموعي كامت تنزل واشهك، وساده حلكي علمود متسمع ميار خاف تكعد وو ريتاج ومحمد بنان شابكتهم وتعضلي شفتها حته اسكت كلت واني اناشغ:-

ضي:- لج بنان بابا تعبان صارلهم ، 3اسابيع بـال مستشفى بلكي ماما تصير زينه ويطلعوها تعبنه لج تعبنه لج راح يخلص رمضان واحنه مشايفيهم لج بعدلي اسبوع وادخل بشهر الـ9 منو اليه منو يروح وياي ماكدر اذا مو هيه وياي

-ريتاج؛ حجت وكأنها ناسيه شي وهسه، وتذكرته:-

ريتاج: هيه ماما مجهزه لـ ولادتج ومن عرفت انتِ بيج ولد جهزتلج ملابس يخبلن خلي اروح اجيبهم الج شوفيهم هيه مقبلت تنطيهن الج تكول موزين اله تفتوت بل9 يلا

-راحت تركض واني وبنان وحده تباوع بوجه الثانيه، وعيونه تدمع شويه ونزلت ريتاج، وبديها جنطه لون سمائي و اكياس ، كعدنه بل كاع وريتاج تفتح بل اكياس
والجنطه بنان فتحتها وتطلع بل ملابس ومميات زرك

وبيهن شذر تجنن اباوعلهم وماحس بأي لهفه وبنان تريد تغيرلنا جو بس ما متحمسه ابد وافكر منو يروح وياي واني ولادتي عمليه كال بنان بنان بأبتسامه وهيه تباوع على الملابس:-

بنان:- يمه يمه فدوه عمري شوفي هاذا الاوفر يجننن، اكلج انتِ شراح تسمي؟

-كلت بحسره وقهر:-

ضي:- هوه بكيفي شبيج خيه هيه بكيف عمتؤ، تكول اريده اسم جود

بنان غمتني وكالت بعدهي ممكمله:-

بنان:- امداااا...

-بعدهي ممكمله وكلنه فزينه ع صوت ميار تعيط
ركضنه كلنه للغرفه، دخلنا للغرفه وانصدمنا لكينه ميار تملخ بشعرها وجاحضه عيونها وتعيط وهيه تكول:-

ميار:- وخروو يمم يمه يمه دم دم اشم ريحه دم

-بنان، شبكتها وتهدأ بيها وهيه مستمره تعيط واني لازمه الجهال يخافون من العياط انطيتهم لريتاج ولمحمد وكتلهم اخذوهم بل حديقه راح ينصكون من الخوف