قدرنـا الصبر

part 25

بقلمي:-الكاتبة رحَــمة ....
قـــدرُنــا الصَـــبر

~~~~~~~~~~~~~~~
‏﴿ فَاذْكُرُونِي أَذْكُرْكُمْ ﴾ 🤍🌸

- سبحان الله
- الحمدلله
- لاإله إلا الله
- الله أكبر
- سبحان الله وبحمده
- سبحان الله العظيم
- لا حول ولا قوة إلا بالله
- اللهم صل وسلم على نبينا محمد
- لاإله إلا أنت سبحانك إني كنت من الظالمين🤍

~~~~~~~~~~~~~~~~~~~~~~~

تبارك:- فرضاً لو قبلت؟ اخوج يجي يخطبني يقبل بوحده بيها سرطان؟؟

نورس صفنت وكالت بعدم فهم:-

نورس:- شنو مفهمت؟

-ضحكت بقهر ومن بين دموعي كلت:-

تبارك:-نورس اني بيه مرض السرطان .

-كلتها هاي كلها دفعه وحده ودرت وجهي، سمعت بس شهكتها وسكوتها الي اعلن عن صدمتها،كالت بصدمه وهيه تأشر عليه:-

نورس:- يعني انتِ انتِ بيج مرض السرطان؟؟

مسحت دموعي ودرت وجهي وكلت بأبتسامه:-

تبارك:-  اي اني، وها اخوج من راح يعرف راح يبقه على حبه مثل مدتكولين لو راح ينسحب؟

نورس صحت من صدمتها وكالت بثقه وبفخر:-

نورس:- متأكده ميه من ميه اخوي راح، يبقه يحبج وراح يرجع يخطبج مره ثانيه وراح تشوفين

هزيت راسي بأستهزاء وكلت:-

تبارك:- نشوف، شعدنا

كمت من مكاني وكلت بهدوء:-

تبارك:-اني اترخص،

-عفتها ومشيت وكلبي ينزف من نقاشنه رحت للقاعه مالتي صح اني ماتخالط ويه البنات بكثره بس شفت

-اهتمامهم الي من اجيت كلهن اجن سلمن عليه، بس اني جنت منتضره مياده شويه واجت ملهوفه، مستعجله كالعاده وتباوع هيج وهبج تريد تلمحني لوحت الها بأيده وصحت بأبتسامه:-

تبارك:- ميااده

-باوعت لأتجاه الصوت وضحكت اجت تركض حضنتني بكل قوتها، مشتااقتلها مووت كلت الها واني اضحك:-

تبارك:- لج ها ملعونه، شلونج

مياده:- زينه، وانتِ ولج، يمممه عزه مشتاقتلج

-رجعت حضنتني وتضحك، وخرتها وكلت بأبتسامه:-

تبارك:- يوو يلا كافي، خلي نحش بـ العالم مشتاقه لهاي سوالفنه

-كالت وهيه تطلع فلوس من جنطتها وتكول بصوت مستهتر:-

مياده:- لكك مو تدلل ضلعي وهسه نجيب حب شمس، من ام علاوي، واضرب الدروس علمودك ضلعي

-ضحكت وضربتها على ضهرها ورحنه خذنا حب شمس من ام علاوي وكعدنا بمكانه المفضل وكعدنا نسلسل حب ونحجي على البنات:-