Writer: حِوار آلـ سُليمان
لا تنسون التصويت والتفاعل بين الفقرات حَبيبيني ؟
ولكنـهُ قـد يأتـي في أي لَحظـه !!
ـــــــــــــــــــــــــــــــــــــــ
اتعشينا بـ مطعم و صعدنا بالسيارة راجعين للبيت ، رجعت راسي على الكشن من شفت فضل نام ردت اريح راسي شوي ما احس الا انشخطت السيارة و صاح ايهم ..
ـ خااااايب وعممممممه
نزل من السيارة و رهام لطمت على صدرها و صارت صفره ،
رِهام: رَحيــم !!!! شجابــو !!!!
اني خفت على خوفها شفت عصَبية أيهم و رَحيم واگف يتمضحك و يحاول يباوع على سيارتنا ،
رِهام: نزلـي الجامه أنتِ قريبـة خل نسمع شعيسوووي هينَ
نزلت الجامه وقربت نفسي صرت اسمع لقطات من حديثهم ..
أيهم: أنتِ مهبووووول ؟؟؟؟؟
ـ صراحةً مهبول بـ رِهامو
ـ يَوووول ترى انـه مو جدك هذاك وينـو روحلو وفضها شكو جايني لـ هينَ !!
ـ اسلم عليكم يَول ايهم شنهي تنكر عشرتنا يا حبيبي
ـ ما ناكر انـه ما اتدخل لا تسوي مشاكل !
ـ عمي شمسوي انـه بس ادحگ رِهام واروح
ـ شتدحگ !!
ـ ايهم وحق علي هساعَ ادوس بانزين واطبب سيارتي بـ سيارتك وتدري أسويها ما يهمني أحد
استغفر أيهم وضرب البَنيد مال رَحيم ، ابتسم رحيم واتقرب للسياره ..
درت عيني على رِهام الي عيونها صارت تلمع مدري دموع مدري مشاعر ..
فتح الباب وصعد فتح ايده بـ حركه حضن وهي عاطت ،
ـ اتخبلتتتتت رحيييم !!
ـ هاي شنهي عجل وينـو حبچ
ـ مشتاقتلـك !
لان عن الضحك و تغيرت ملامحه ، جرها لـ حضنه حضنها كل قوته و دفن راسه بـ رگبتها من فوگ الشال ..
صرت اسمع صوت بچيها و هو يهديها و يوعدها بـ الزواج غصباً عنهم ، حسيت وجودي غلط واستحيت انزل تالي دفنت روحي وره الكشن كلش صرت ما أبين والسيارة ظلمه ..
شويه وانفتح الباب ايهم جر رحيم عاط بيه ، رحيم سَلم على رِهام من بعيد و راح وهيَ صارت تمسح بـ وجهها وتعدل بـ نفسها
بچى فضل رجعته لـ حضني ادفيه و اسكته انطيته ممه ما راد يدفع بيها ،
اسمع ايهم و رِهام يسولفون بس بالي مو يمهم ، عيني على الشوارع واتأمل اشوف بيها عضيد !
أنت تقرأ
مأوى الغربية
Randomمِن مَن تهرُب ؟ وكُل المَلاجِئ مُغلقـة ! بـ مَن تستنجـد ؟ وكُلهم وحَوش مستبلَدة .. مُتعطشين لـ أشبـاع انفُسهم فَتياتًا .. وأيـن هيَ تُلك البُقعة مِن العِراق مَحماها ؟ و مـاذا ستجِد بـ مُناسبة فـرحاً لأحَـد أثريـاء الغربيـة !
