مأوى الغربية

part 40

Writer: حِوار آلـ سُليمان

لا تنسون التصويت والتفاعل بين الفقرات حَبيبيني ؟

لا تَحزني فـ يُصيبني مَدمعكِ ،
سنقتسِمُ الاسى إننيّ هُنا مَعكِ ..

أكثر اقتباس احسه يوصف حُب وحنية عَضيد على إمامتهُ ..

               ــــــــــــــــــــــــــــــــــــــ

فرغت كُل اهتمامي عليه اريد افتهم الموضوع اريد اعرف شصار وليش واصلين هالمَواصيل ؟

ـ يَول من نسيت المستمسكات ونزلت اجيبهن ما لگيت بطاقة السَكن گلت يمكن ضامتها جوه الدوشگ ما لگيت غيرو هالدَفتـر ..

اتنهَد ومسح وجهَا بـ تعب ، نصيت راسي خجلانه من الموضوع حتى لو ماضي يأثر بيه !

ـ ما اتصرفت تا اعرفو لـ سَّوَار و اعرف اخلاقو واعرفچ أنتِ هم ، صعدت ما گدرت احاچيچ واعاملچ طبيعي اريد احچي اهجس الكلمه تجَمرني وما تطلع ،

وصلنا للشِمال ردت انسى كل المصايب واعيش وياچ بالآخر انـه ما اريد انساچ ولا اريد ابعد عنچ و افتهم منچ الموضوع بس هجست روحي تفور ما گدرت اكضب روحي عن الموضوع اكثر !

ولا گلبـي انطاني اجي اسألچ انتِ تحبين ابن عمي ؟ صعبه ترى صعبه !!

نزلت دموعي مسدت على أيده و هو فتح دگم الدشداشه و فتح الجَامه شغل التبريد كل قوته كأنُ هوى الدنيا كُله ما راح يطفئ ناره !

ـ ما تحملت انفجرت عليچ كسرت البيت كلو و ما چنت اسمع صوت خوف ابني من يبچي ولا ادحگ خوفچ ولا ادحگ شي نعميت عمي ..

عفتچ و طلعت افتر تالي اتصلت على سَوار الموضوع اكل گلبي اكل ، ادحگو يتمضحك نار و گبت بيه درت السيارة ورديت للانبار كل سرعتي ..

غير عن المخالفات و الوصولات النگصن بس ما همني ،

وصلت للانبار بـ طلاع الروح و اول ما طبيت لزمتو دگ هو ما مفتهم شنهي الموضوع صار اصفر هبطه مدري من الضرب ..

سَوار: شبلاااااك چلبك الشمال وردك علينا

ـ تحبك مو ؟ ولك تخوني انتَ وياهاااا ؟

ـ شخون شبلاك خويه بالع شي ما تعرفو

ـ اليوم انـه ابلعك يا كلب يا ابن الكلب

رجعت اضربو و هو صار يصد الضربات و يردهن و مرتو هرجت البيت بالعياط و الصياح ،

تالي سحلتو للغرفه و طلعت الدفتر گدام عيونـو هو يدحگ مصدوم شنهي اسمه بـ كلمات غزل ومن منو ؟ منچ إمَامَة منچ !!

گام يتحلف ما عندو شي ولا واصلچ ولا يعرف شي عن الموضوع كلو ، تالي طردتو من البيت وهو حظرچ و سناريا من فهمت الموضوع حقدت عليچ وهم حظرتچ ..