دەوڵـەمەنـدێـڪے نابینا||𝐊•𝐓𝐇(کۆتایی هاتوە)

⤵ 𝐶ℎ𝑎𝑝𝑡𝑒𝑟 ° 𝑇𝑤𝑒𝑛𝑡𝑦 𝐹𝑖𝑣𝑒 ⤴²⁵

تەنها ویستم لای من دڵخۆش بیت
زیاترم نەدەویست.

" تایهیۆنگ دەستەکانت" لارا بە خەندەوە داوای دەستی تایهیۆنگی کرد، تایهیۆنگ دەستەکانی لە ئاستێکی بەردەمی ڕاگرت و بە ئەنقەست کەمێک لەبەرزی ڕاگرت، لارا دەستەکانی تایهیۆنگی گرت و وای لێکرد کەمێک نزم بێتەوە و دەستی لەسەر کەروێشکەکە دانا " هەستی پێ دەکەیت؟ کەروێشکێکی سپی و چاوی ڕەشە، بچکۆلەیە وە گوێچکەکانی بچکۆلەیە" لارا بە خەندەوە وەسفی کەروێشکەکەی کرد بۆ تایهیۆنگ.

" ڕێک وەک تۆ" قسەکەی تایهیۆنگ وای لە لارا کرد کوڵمەکانی سوور ببنەوە، بێگوومان تایهیۆنگ ئەو دیمەنە شیرینەی بینی بەڵام بەڕوونی نا، بەڵکوو زەردەخەنە بچکۆلانەکەی لارای بینی کە لە لەسەر لێوە نازدارەکەی دەروست بوو.

لارا تا خۆی بدزێتەوە لەوێ هەڵسا و بەرەو لای کەروێشکێکی تر چوو،تایهیۆنگ بە خەندەوە سەیری کەروێشکە سپیەکەی دەکرد، دەستی بەسەر توکەکەی دادەهێنا کە چەندە نەرم و پاکە.

──•~❉᯽❉~•──

" نا سوپاس مامۆژن هیچم ناوێت" تایهیۆنگ بە خەندەوە وای وت کە یێنڤا لەبەردەم دەرگاکە پرسیاری لە تایهیۆنگ کرد کە ئاخۆ هیچی پێ دەوێت، چونکە ئەوان بەیەکەوە لەگەڵ هاوسەرەکەی ئەمشەو دەچنە لای ناسیاوێکیان.

" باشە کەواتە کوڕەکەم ئاگاداری خۆت بە، لارا شیرینەکەم تۆش ئاگاداری خۆتبە " یێنڤا بە بزەوە وای وت و دوای باوەشێک ماڵئاوای لەوان کرد و لەماڵەکە چوونە دەرەوە، لارا هەناسەیەکی ئاسوودەی دایەوە و بەرەو ژورەکەی چوو.

دەرگای ژورەکەی داخست و جلەکانی دانا و چوە گەرماوەکە، هەموو بیرەوەیەکانی ئەمڕۆی هاتەوە خەیاڵ و بە هەموو هێزیەوە جەستەی دەشۆرد و ئەو جێگایەی ئەو پیاوە مۆری کردبوو دەیشۆرد تا جێگاکەی نەمێنێت.

لەدوایی گەرماوێکی گەرم لارا هاتە دەرەوە و جلەکانی پۆشی، کابۆیەکی ڕەساسی و بەدیەکی سوفی ڕەش، قژی وشک کردەوە و لەژورەکەی چوە دەرەوە و بەرەو هۆڵەکە چوو، هەر کە هاتە هۆڵەکە تایهیۆنگ بە بۆنەکەی زانی لارا لە دورەوە بەرەو لای دێت، سەری نە جوڵاند بەڵام لارا هەر زوو لەبەردەم چاوەکانی دەرکەوت، دڵی بە شێوەیەکی ناڕێک لێیدەدا کە لارای بینی بەرەو لای دێت و لە بەردەمی دانیشت.