ورود سامة

Part32

ورود سامة
يحيى ادريس
‏32 part

ديسمبر 2013 ..
ملتمين ف حوش خالتهم الكبيرة عشان فرح ولدها
رضيه : حطت سطل بوريك ..
مبروكه :سلمك جيابه نردوه ففرح سموني ان شاء الله..
رضيه : ان شاء الله..
صفاء :  نا درتلك سلاطات ..
مبروكه:فزعتكن ما ننساها نردها لكن ف الفرح والهناء
..
برا ياسمين واقفه اطلع ف العوايز وغاده تساعد فيها
غادة : حوش بروحه والفرح صيف جاي ..
ياسمين : ربي يتمملك على خير ان شاء الله..
غادة : يارب عقبالك نفرحو بيك ..
ابتسمت ياسمين ..
برا شوي كانت امل معاها ورده ..
امل : خلاص هانت اخر سنة لك تفتكي من قراية ..
وردة : ندمت خشيت جامعة كان خشيت معهد را من زمان متريحه ..
امل : بالعكس جامعة احسن حتى راتبك اعلى يبقى
وردة : عليك فرح مكسد
امل : بكل تعرفي الفرح هذ ناقصه من
وردة : من
امل : ناقاصته الفرخة توليب ..
وردة : توليب مكملتها متنفسنه
امل : ربي يكون ف عونها اللي صار معاها مش شوي
وردة : شافت لملاك تلعب مع لصغار ..
..
آيآن : عليش ما مشينا الفرح حتى نحنا ..
زهراء : عشان مدرستك  ..
آيآن :مانحبها المدرسة بعدين حتى ملاك مشت فرح
زهراء : مادخلني بحد نا عليا بيك وتلبس فيه طاقيه صوف وهو عاقد حواجبه ومطرم شواربه قدام ضحكت وسمعو صوت الباص طلع ..
خشت زهراء ردت ع المكالمه الو اهلين دكتورة ..
لا تمام معقوله ننسى اكيد ف الموعد صكرت مكالمه وقعمزت ف صاله فخرية مدت صفرة قهوة
فخرية : بدك شي تاني ..
زهراء : شكرا شربت من فنجال ومررت نظرها ع الخدم يلمو ف طاولة الفطور وراجلها كان قاعد
مع جماعة معينه ويتكلمو عن الاعمال اللي كله
مستنقع ياخذو فلوس ع اساس لشعب ويحطو
ف جيوبهم ..
..
ياسمين : توقعتك جيتي ف العشيه عشان تجيبي لصغار معاك ..
صباح : يحيى مباش قعد ف الحوش والباقي ..
ياسمين : كيف يقعد بروحه ..
رضيه : مقوى عزمك سيبتيه وحده ف الحوش
صفاء : الوقت يخوف ي رضيوه مش كيف قبل شي حد يزقب ..
رضيه : نا مسيبه توليب وليه كبيرة ومعاها خوتها وخايفه يدي ع قلبيي ما بالك من عيل ..
ياسمين : توا نكلم زهراء وهي جايه تجيبه معاها ..
صباح : لا توا نكلم احميدا يجيبه ..
..
ف الليل كان يحيى راقد قدام دفايه ..
خش خوه الكبير وعاه ومعاه ورده ومعاه اخته ..
ضمو دبش اللي مسيبينيه ف الحوش وطلعو وقف
قدام محل مواد غذائية وقتها معجب ب وردة ..
وجاب شوكولاطة ومد شكارة لوردة اللي كانت جنب
يحيى ومروه من قدام معاها ولدها عمره سنتين..
وردة : وزعت عليهم وعطت يحيى اللي عرم شوكولاطات ف جيوبه وطول طريق حكايات وضحك
خشو للحوش وطول يحيى خش مربوعه مليانه شباب عشان فرح ولد خالته طاح ع فراش اللي جا قدامه ورقد ما وعا الا ف صبح كلهم راقدين كان يوم جمعة شاف خوه اصغر منه ب عام يتفرج ع رسوم
متحركة اسمها بطاريق مدغشقر وياكل ف شوكولاطات اللي كانن ف جيب يحيى ضيق عيونه
بعدين قعمز حذاه وقعد ياكل معاه ويتفرجو ع رسوم لعند سمعو اصوات ف كوجينه ..
ياسمين اطلع ف كبابي من دولاب خلاص هانت اليومين هذين وينتهى ع خير ..
صباح : صدقتي وحطت تبسي دحي ف صفره ..
يحيى : خير
ياسمين : صباح الخير ي وجه الطير ..
صباح ابتسمت : امتى جيت
يحيى : ف الليل جيت مع احميدا
ياسمين : قعمزو نحطلكم فطور ..
يحيى : آيآن مزال ما جا ..
ياسمين : لا
ياسين : امي نبي فلوس
صباح : شن تبي فيهن
ياسين : بنشري خط لوح والعاب ناريه خشت صباح وراها ياسين وقعدو يحيى وياسمين ف كوجينة ..
ياسمين : شخبار المدرسة ..
يحيى : علينا ابلة باردة تهزب فينا بتاع الحساب ..
ياسمين : كنها
يحيى : كل يوم امتحان وتسميع وتجلد
ياسمين : نا نوريها توا نكلمها
يحيى ابتسم تمام ..
...
جا آيآن وكلهم بدو يلعبو ف الحاجر الخلفي كورة
يومهم كلهم لعب الا ف اوقات العشاء والغداء ..
صبح السبت
ياسمين : بسرعة ماطولش
يحيى تمام ..
آيآن : وين ماشي ..
يحيى : محل وطلعو آيآن وياسين معاه شور محل
خذا كرت بيانا لياسمين بعدين شاف شوكولاطة تويكس ابتسم وخطرت ع باله فكره خذاها ..
وهم طالعين ..
ياسين : عطينا ..
يحيى : لالا
آيآن : عليش مكر
يحيى : مش لكم ومشا لكوجينه محد يلحقني شاف ياسمين قاللها تعالي جاته مدلها كرت وقاللها كلميلي سميه
ياسمين بضحكه : عليش
يحيى : غير كلميها
ياسمين خشت كلمت سميه
ويحيى اول ما شافها مزلت متذكر هذك اليوم
قلبي دق بقوة طلعت طرف شوكولاطة وقلتلها نحبك
وهي واقفه تبحت فيه طلعو آيآن وياسين يضحكو
ويصفقو يحيى يبي سميه يحيى يبي سميه وسميه
تخش تجري تبكي كنت هنلحقها نراضيها بس كوجينة مليانه صبايا تحشمت ولحقت ياسين وآيآن نضرب فيهم بالحيط عشان يسكتو وهم يضحكو يحيى يحب سميه يحيى يبي سميه خشت ياسمين
تضحك وتهز ف راسها يمين ويسار ..
..
يوم الفرح ف الليل كان عندهم عمهم مريض نقص نمو عنده كان ف الحمام ونحنا نلعبو ف كورة طلعت وحده متخمره تبيني نوصلها لسيارة راجلها طلعت نوصل فيها عند سيارة اما خشيت لقيتهم
قدام مربوعة ويضحكو وروشن مربوعة كبيرة
يحيى : كنكم
وشفت عمهم يشير علي خوي الكبير عيطلي خشيت
وقال توا نوريك ف الحوش عرفت ان ياسين وآيآن تباوعو الراجل ف الحمام والراجل عزق التهمه علي
رغم مكنتش قاعد قعمزت ف مربوعه وهم كملو
لعب وضحك برا تميت منقهر شفتهم يوزعو ف شاهي قلت الي يوزع نبي مدلي طاسه كانت ساخنه ومزلت بنشرب منها هو كمل توزيع وعزق منشف بقوة انقلبت طاسه ع الفرشه وخويا كبير فنص وعم العريس اللي عنده نقص نمو جا يهزب وقعد يمسح
ف شاهي اللي انكب ع الفرشه ونا غمتلي طلعت قدام الباب لانه كلهم قعدو يهزبو ..
تعاركو ياسين وآيآن سمعت آيآن غلط ف امي ..
آيآن : امشي ي ولد ال**
ياسين : قدمله ضربه
وآيآن رد ضربه عبد الله كان يدخن جا يجري يحز
ف العركه وخذا ولده وقعد يمسك فيه وآيآن يغلط
فينا ونحنا نشوفو لباته كيف مايهزبش فيه ولا يقلل
من قيمته شفتلهم بحده وهو خذا ولده وجو خواله
يبصرو معاه ويحكو كلهم وهو يضحك وبوه يضحك
مشينا نا وياسين قعدنا جنب حوش طلعت طرف
شوكولاطة خذيت نا طرف وهو طرف مسحت دمعه نزلت مني بسرعه وكليت من شوكولاطه ...
..