ورود سامة
بقلم يحيى ادريس 55 part
ياسمين : ايوا زهراء ..
زهراء : تمشي ف كوجينه ويديها ف وسطها من حذاك
ياسمين : البنات ..
زهراء : باهي نبو نجو اليوم ..
ياسمين عقدت حواجبها ب ابتسامه غريبه مش عوايدك قبل تجي الخميس وجمعه دايره لدهورة
زهراء : جايه معاي وردة ..
ياسمين : وردة روحت شخبارها ..
زهراء : خايفه من امي ومن خوتي ..
ياسمين : طلعت من حذا البنات ومشت للحاجر قعمزت والله نا بروحي مضايقه كل مره مشكله وقطيعه مع وحده وقطيعتنا مش كيف ناس ..
بالسنين دمعو عيونها ياريت نرجس ترد حتى تليفونها مصكر وامي قالت اللي مايجيني ومايدورني ماندوره ..
زهراء : نرجس ساهله خلينا ف وردة موضوعها اكبر
ياسمين : مسحت دموعها ماعليك
...
بعد الغداء طول ...
كانت غفران تكنس ف الصاله ..
خطمت رهف قالتلها كذا حولي وجلبتها وخشت لدار ياسمين
ف الكوجينة ملاك وامنه يغسلن ف العوايز ويضاحكن
ملاك : كلمتني ماما قالت جاية خالتي وردة ..
امنه : يستر الله وخلاص
ملاك : تعرفي احسن حاجه ردينا نلتمو كيف قبل
امنه : امي تقول عندنا خاله اخرى
ملاك : خالتي نرجس
امنه : عمرك شفتيها
ملاك ؛. مانتذكرهاش واجد
خشت ياسمين عليهن شن صار ف شاهي خضرا
ملاك : يديها معبيات صابون شوفي فيش نعانو
ياسمين : وين رهف
ملاك : ك العاده
ياسمين : البنت هذ اسملا ع اللي بياخذها
امنه : ضحكت وقالت يا بخته وي هناه
ياسمين : ريت ريت ماتحمل شي ف اختها
امنه : طبيعي مش اختي
ع العصر ..
ف حوش عيلة عبد الله ..
نواره : بأي وجه جايني ي نصاب ..
غمض عيونه : يمي مانصبتش انتي قلتيلي اجوز وخوذ مصنع صح ولا
نوارة : شن درت ضحكت علي وهربت بالفلوس ومراتك برا لبلاد ياريت حتى رزقكم بالذرية ..
عبد الرحمن : لا حمدلله صار منا وردة حامل ..
نوارة : كيف
عبد الرحمن:طبس مسك يديها سامحيني يمي نحبها
نوارة : هزت راسها
عبد الرحمن : سامحتيني
نوارة : طبطبت ع يده مسامحتك مسامحتك
ابتسم وباس يديها وباس راسها وعبد الله يشوفلهم ب ابتسامه
عبد الرحمن : لو بنت نسميها نوارة ..
نوارة شافت لعبدالله قالوها قبلك واجد وف الاخير شوخة صبايا
عبد الرحمن : مانسمي الا عليك ي غاليه
نوارة : شن تغديت
ولقاء ثاني ..
خشت زهراء ومعاها عيالها بعدين وراها وردة
ياسمين قدمت حضنت وردة وباستها ونشدت عن حالها وبعدين بنات خواتها وخوها ورضيه كانت
تصلي ف العصر وردة قعمزت وهي خايفه ماسكه شنطتها ومتوقعه اي ردة فعل مع خشة آيآن اللي كان ياكل تفاحه يمضغ بعدين وقف مكانه كان بيطلع لما شاف وردة بعدين قال نا شايفها وين ..
ياسمين : آيآن تعال هذ خالتك وردة ..
وردة آيآن ابتسمت
آيآن خالتي شير عليها وقال ماتقوليش خالتي بس نا عندي خاله طرف وصغيرة هك ضيقت ياسمين عيونها وقال من بعدك ي سيمو ضحكت وردة وناضتله كابر ي معفن وسلمت عليه بالخد
صفر آيآن وقال بكلاوة ..
ضحكت وردة بس تلاشت ضحكتها وين شافت امها
مشت تسلم عليها حضنتها رضيه واثنيهن تباكن
لين خلاص بعدين خشت توليب واخر من جا نسرين
وردة : خشت كوجينه نفس ماهي ماتغيرتش ..
ياسمين ؛ من سكنا ف الحوش ماغيرنا فيها حاجه
وردة : ابتسمت شن تبي ديري
ياسمين : العشاء
وردة : خليك توا ندير رز
ياسمين انصدمت : تعرفي
وردة : شرايك
نسرين : ماشاء الله وردة تسوي
توليب : لا قعدت وليه رسمي
وردة : وقريب نبقى ام
نسرين ب إزدراء : ماني عارفه عليش فرحانه ع الهم
ف صاله ..
ملاك توري ف صور لخالتها
زهراء : لا هذي احلى
ملاك ابتسمت : صح حتى نا كانت عجبتني بكل
زهراء : انتي اللي تحلي الحاجه لوكه مش هي
الاء : بعد مانكبر بنبقى زي ملاك
زهراء : ديما تقول فيها بنبقى زيها
ضحكت الاء نجكليا انتي اسمح مني
الاء : لا انتي سمحه وشعرك طويل وحلوه
رهف : تشوفلهم وساكته
رضيه مقعمزه قدام لعداله وجنبها امنه ..
امنه : قالي بلال تحفظي الربع نجيبلك نقال حديث ..
رضيه : واحفظي بنيتي وخليه يجيبلي عشان نصحتك
امنه : ضحكت وهزت راسها
وف الكوجينه مقعمزه غفران تصنت ف عماتها ..
وردة : شافتلها بنت من فيكن هذ ..
توليب : هذ غفران ..
وردة شهقت فيش ياكلو المفرخ هذول
ضحكت غفران وخمست بيديها ..
توليب العيال كبرت ريتي ..
غفران : لالا را نا مواليد 2010 صغيرة انتن العجايز
وردة بضحك : دامك صغيرة ايش قعدك مع صبايا
غفران رفعت حاجبها وطلعت
وردة : شفتن حركات امها
نسرين : البنت قليلة ادب
ياسمين ؛ صغيرة ي بنات
توليب : لصغير يكبر ويتمادى بعدين هذ شارفه
ياسمين : غفران مش زي امها
نسرين : ماسمعتش الكلمة اللي قالتها
غفران وهي ماشيه ..
قالت زهراء غفران معلش عميمه خوذي آسر اغسلي يديه ..
غفران : اهي بنتك قاعده خليه هي تغسل لخوها
انصدمت زهراء وشافت ل امها ورضيه دارت روحها ماسمعتش تجنبا لمشاكل ع اساس لاهيه ف شاهي
وزهراء وجهها حمر وملاك ورهف ساكتات والاء عقدت حواجبها وحقدت ع غفران ..
اما غفران ركبت ل شقتهم ..
فتحت الباب كان صوت ضحك امها ..
سحر : ملتمات اللفاعي لا فكيني ماعنديش نيه لهن
قعمزت غفران وهي قارنه حواجبها طلعت تليفونها وقعدت تفرج ع حالات واتس بعصبيه ركزت عليها امها باهي سمر نحكو بعدين هي بسلامه بسلامه سلمي ع لعويله شافت لبنتها وهي ساكته تبيها تحكي ما قالت شي تنهدت سحر كنك ركبتي ..
غفران : قلتلهم مزلت صغيرة ردت وردة قالتلي باهي ي صغيرة شن قعدك مع لكبار ..
سحر : ريت ريت اليوم غير جت وصاحبتهم بتبدا ف الجو محد طلع وراك
غفران : سمعتها تقوللهم قريب نبقى ام
سحر : شهقت قصدك حامل كيف
غفران : مش عارفه هك قالت
سحر : ايش قاعد يصير بزبط كنها دنيا ماتمشيش زي مانا خططت ..
غفران : شنو ماما
سحر : شي امشي اقري قرايتك
نفخت غفران وناضت من حذاها
هارون : طلع من دار ديري فنجال قهوة
خشت دارتله مدت فنجال بعدين
قعمزت حذاه وهو يشرب تخش ليليان تبكي ..
سحر : كنك
ليليان : ميرال ضربتني ضربتها ضربتني عميمه نسرين وقالت عدي لحوشكم
سحر تنهدت ب اصطناع معلش
هارون سيب فنجال وسحر تقول وينك ي هارون
تعال فوتهم خلاص اشرب قهوتك ي راجل وهو طلع
وهي مقعمزه مكانه ع اساسه تعيطله هارون بعدين قعدت تلحن ف اسمه هارون هارون هارون تصفق وترقص وهي مقعمزه وبنتها اللي كانت تبكي ضحكت ع امها
خش هارون عليهم شاف ميرال فنص فيها لين البنت كشت وانطمرت ورا ياسمين وهو يعيط نسرين
وردة جمدت ف كوجينه ..
نسرين : نعم
هارون : حوشي وحوش عيالي اكثر منك انتي مش تلزي بنتي عشان بنتك
نسرين : بنتك قالتلي كلمة مش كويسه وكان تذكر زمان ضربت رهف كف عشان قالت لمرتك كلمة عيب
هارون : متخلينيش نلزك انتن هن تجن ل امكن لكن الحوش هذ لنا نحنا ماتحلمنش من اكثر ب زيارة زي ضيوف حاليا بعدين لمًا نقسمو انتن صبايا رجاله ..
هو يتذكر ف كلام سحر ..
سحر : شرعا ي حبيبي الورثة تقسم عليك انت وخوتك لكن بنات عليش راهن متزوجات مش مسؤولين عليهن انتو ..
هارون : شن خطرها عليك تفتحي موضوع
سحر : حسيت نسرين كم مره تلمح ع بيعة حوش تبي تشري شقة لراجلها
هارون : ف عينها وعين عينها
سحر / بعد عمر طويل لعمتي بس اضمنو حقكم من توا
...
ياسمين : شنو كلام هذ هارون كنك
هارون : صكري فمك انتي
رضيه : دمعو عيونها تعاركو ونا حيه وتقسم ف الورث ونا مزالت ع وجه دنيا
هارون طلع وسيبهم رقيتله ..
ملاك جابت كباية اميه لحنها
توليب : كله منها فتانه اكيد هي فاتنته
سحر واقفه عند دروج تصنت رفعت حواجبها ريت ريت توليب طلعلها لسان وردت زهراء حسبي الله ونعم الوكيل سحر هزت راسها انتن سوس وافاعي
مش بتاعات قدر ولمه..
KAMU SEDANG MEMBACA
ورود سامة
Romansaقمر تسرق نقود من زوج اختها وتهرب مع حبيبها وتترك اختها واطفالها ف ازمه حيث تتوالى معاناة رضيه مع بناتها المراهقات ومرور سنين وكل شخصية لها احداث عن بيت العائلة والترابط الاسري وزوجات الابناء وعن طمع وعقوق الوالدين
