*البويز كلهم قاعدين مع بعض،بس المرة دي من غير حشيش ولا حتي سجاير *
هاري " خلاص يا ليام متزعلش بس احنا لازم نخلي زين يرجع لبيري ده مهما كان بردو صاحبنا مننا وعلينا خلي قلبك ابيض "
ليام " لاااه مش انا اللي يتشتم ويتقاله ريحة عرقك معفنة من البت المعفصة ديه "
نايل " معلش يا ليمو متزعلش مفيش انسان ريحة عرقه مش وحشة كلنا ريحة عرقنا مقرفة واحنا عارفين كدة "
زين " انت يا حيوان .. مش انت اللي قولتلي انها بتخوني مع الواد عبده بتاع الكبدة "
نايل " احم خلاص يا زين ما انت كمان كنت بتبوس لحد ما بتزهق سيب البت ترفه عن نفسها يا اخي"
زين " ومش انت بردو اللي قولتلي ان امها بخيلة "
نايل " معلش بردو يمكن كانت قايمة من ع الاكل جعانة وقالت تشيل شوية لنفسها "
هاري " خلاص يا جماعة انا هتصل ببيري تيجي .. ايه رأيك يا لوي "
لوي كان قاعد وحاطط رجل علي رجل وباصص فوق،وعمال يلعب ف بؤه
ًلوي " انا حاسس ان فيه بصيص امل "
ليام " ملكش دعوة بلوي دلوقتي هو بيرد،بأجابات ملهاش دعوة بالسؤال "
هاري " خلاص انا هتصل ببيري "
قام هاري واتصل ببيري وقالها تيجي عندهم البيت عشان زين تعبان وبيموت وبيفرفر وبيلتقط انفاسه الاخيرة وعاوز يشوفها قبل ما يودع وقاموا قاعدين مستنينها بقي
زين " اهي يا عم وحلني بقي عقبال ما تيجي "
نايل " معلش يا زيزو انت عارف بقي البنات بتحب تتصنفر قبل ما تنزل "
قعدوا يحكوا شوية وبعدين الباب خبط هاري قال لليام يقوم يفتح وليام قام غصب عنه وهو حالف ان لو لقي معاها اني هيتعارك معاها ويعمل معاها الصح بس لما فتح لقي بيري لوحدها وكان شكلها بنت ناس كدة ولابسة نضارة
ليام " بيري ؟!! .. مالك يابت نضيفة كدة ليه اومال لو مكناش قايلينلك ان زين بيفرفر "
بيري،" ليام زين زيزو زنزونتي ماله راح فين ايه اللي حصله "
زين " ازاكي ابيري "
بيري " اوه مايجاه قلبي وقع "
ليام " معلشي معلشي .. خشي ياختي خدي نفسك البيت كبير وواسع اهو "
دخلت بيري وقعدت بكل الاطة وخلعت النضارة بقي وكان شكلها وااو ولا اكنها من جاردن سيتي المعفنة
بيري " مالك يا لوي شكلك زعلان .. انت لسة زعلان من المرة اللي فاتت "
لوي " طب بزمتك كدة لو دخلتي بيتك ولقيتي نايل بيلتهم التلاجة بتاعتكم وانا وهاري قاعدين بلبوصة وزين وليام سايحين ف البيت هتعملي ايه "
