*البويز قاعدين ولتاني مرة ع التوالي من غير حشيش ولا سجاير وقاعدين ملايكة خالص هما الخمسة ع كنبة واحدة وكل واحد ماسك الساندوتش بتاعه وبيتفرجوا علي طرزان وفجأة الباب خبط ولا اكن حد شافهم وهما بيحششوا علي كبري لندن وبلغ عنهم والشرطة جاية تقبض عليهم قام نايل يفتح لقي جيسي *
نايل " مش تخبطي براحة ايه شغل الحمير ده يا جاموسة "
هاري "سيبها يا عم صحتها مساعداها "
جيسي " ايه ده هو ده هاري "
نايل " لا ده امو السيد ..خشي ياختي "
دخلت جيسي وفضلت تتصفح البيت وبصت لهاري وقالتله
جيسي " والله وكبرت يا هاري "
هاري " ايوه يعني عاوزة ايه عندك عروسة مثلا جواز شهنتجوز خطوبة شهنخطب مشي شهنمشي انا كدة حبيت حياتي وانا سينجل "
جيسي " عروسة مين يالي تنشك اومال انا روحت فين "
بصلها ليام بقرف كدة وقالها
ليام " بت انتي رغاية بغباء ايه اللي جابك عاوزة ايه "
جيسي " جيت اقعد معاكم شوية "
نايل " يخربيت معرفتكم انتي والفرقة كلها "
لوي " بقولك يا جيس .. شايفة يا حبيبتي المكتبة اللي هناك ديه "
جيسي " اه مالها "
لوي " قومي حطي الكتاب ده هناك بقي "
جيسي " بس المكتبة ديه عالية اوي "
لوي " شايفة الكرسي اللي هناك ده .. جمبيه سلم اطلعي وحطي الكتاب "
جيسي " حاضر "
لوي " حضرلك الخير كله ياختي يا بطة انتي "
قامت جيسي وراحت للمكتبة وقال لوي
لوي" يلا يكش تقعي من فوق يا شيخة "
قالها ولقي جيسي نطتت ف قفاه
جيسي " انا حطيته "
لوي " شاطرة ياختي حبيبة بابا "
قعدت جيسي قدام نايل ولقيته قاعد قعدة متكدرة كدة
جيسي " مالك يا نايل "
نايل " انتي ليه بتسألي السؤال ده "
جيسي " عادي شيفاك مش طبيعي "
نايل " لا انا كويس منا زي القرد اهو "
جيسي " متحاولش تخبي اصلا انا بعرف البني ادم اللي قدامي من وشه "
نايل " ازاي "
جيسي " معرفش احنا عيلتنا كلها كدة "
نايل " بس بس بس متحسسنيش ان عليتكوا متربية ع الحنية والوطنية "
