The Rebels

Chapter 02

Dedicating this chapter to
Skyblue_Shadow03

──⊹⊱✫⊰⊹──
02. The Beginning
──⊹⊱✫⊰⊹──

"R-R-Rafie!" nanginginig na tawag ni Mr. Han, ang kanilang direct superior, sa kanya habang sinusundan nya ang dalagang salubong ang kilay at matatalas ang mga matang halos hindi na kumurap.

Kasunod nito ay si Levi na halos nakaakbay na sa dalawang binata na nahuli nila kanina lamang. Sinipa nito ang pintuan papasok at lahat ng kalalakihan ay napatalon sa ginawa nya.

"PUN-" hindi naituloy ng unit superior na naroon ang pagmumura nito ng masalubong ang nanlilisik na mga mata ng dalaga. Madalas ay mas gusto nyang naka-shades na lang ito kaysa makita ang matang halos patayin na sya. "M-Ms. Vera!" nauutal na sambit nito sa pangalan ng dalaga.

Padabog nyang inilapag ang report paper na nakuha nila kanina. "Who the hell reported plate number 07 JM 1103 under theft?" walang sumagot sa kanya. Rafie and Levi are known to be most notorious duo in the Ministry of Defense.

Timothy Stellar proudly raised his hand. "It was reported as a getaway car after stealing money from..."

"Did you check the database of the car owner?" kunot pa rin ang mga noo ni Rafie nang tanungin nya iyon. Nakapamewang ito sa harapan ng lalaking may katangkaran.

Napalunok ng sariling laway ang binata, "w-well..."

"Who reported the theft?" tanong nya sa iba pang taong naroon at lahat sila ay hinanap ang call history ng kanilang departamento.

"Mr. Kal," sagot ng isang baguhan. "Iyon po ang pangalan ng nag-report."

Magtatanong pa sana si Rafie ng biglang may umentrang lalaki na naka-suot ng gray suit, may katandaan at manipis ang buhok. Kasunod nito ay ang tatlo pang lalaking nakasuot ng katulad nya.

"Boss! Ang magnanakaw!" turo ng maliit ng lalaking nasa likuran nito na sa tingin ni Rafie ay si Mr. Kal.

Nagngingitngit ang boss nila at akmang lalapitan si Storm nang humarang si Levi sa pagitan nila. "Hanggang dyan ka lang," banta nya rito.

"NINAKAW NYA ANG PERA KO!" galit na galit namang sagot ng lalaki at nagtakip ng ilong ai Levi.

Umeksena naman kaagad si Timothy dahil sya ang may hawak ng kasong ito. Nais nyang patunayan na magaling sya at hindi sya nararapat sa support unit. "Mr. Kal, we are already investigating your claim and rest assured that these two rascals will be put behind bars."

Napataas ang kaliwang kilay ni Rafie at napailing naman si Levi na animo'y may nakakahiya itong sinabi habang nagsisikuhan naman sina Storm at Sky, tila ba nagsisisihan sa nangyari.

Umupo si Rafie sa bakanteng lamesa, nasa pagitan sya ngayon ng grupo ni Mr. Kal at ng dalawang binata. "Aba, dapat lang! Ninakawan nila ako ng two hundred thousand pesos, pati ang tsebrolet ko ninakaw rin! Either ikulong ang dalawang delingkwenteng yan o magbayad sila ng sampung milyon!" maangas at ma-awtoridad nitong pagbibitaw ng mga salita.

"Aba, dapat lang! Ninakawan nila ako ng two hundred thousand pesos, pati ang tsebrolet ko ninakaw rin! Either ikulong ang dalawang delingkwenteng yan o magbayad sila ng sampung milyon!"

Napatingin sila sa gawi ni Rafie ng i-play nya ang kanyang recording. Halatang na-offend ang lalaki at kanyang mga kasamahan ng sandaling iyon, maging si Timothy ay tila nainis.