سرقت قلبي

الحلقه ٧

شكرا لكل اللي بيشجعوني .. مش تنسوا .. #فوت + #كومنت بليييز
....
وصلنا الحلقه اللي فاتت لما جوانا كانت مشيت خطوتين و فجأه ....
.....: جواااااااااااااااانا
تلفظ ادهم بالاسم دا و جري بسرعه ع جوانا .. كانت جوانا دايخة و اغم عليها و خلاص هتقع .. لحقها ادهم و مسكها من خصرها و شالها ع دراعه و طلع بيها على بيته
و هو طالع كان سالم نازل ..و شاف المنظر ..
سالم : انسه جوانا .. انت مين .. و هي مالها
ادهم و هو بيجري ع السلم : تعالى اتفضل عندي بس نلحقها و هفهمك .. انت تعرفها
سالم : اه اعرفها ..دي زي اختي الكبيرة
ادهم و هو بيرن الجرس و بيرزع ع الباب : طب اتفضل
يارا : حاضر حاضر جايه افتح اهوو .. اكيد دا مودي وصل
تفتح الباب و تصعق ..
يارا : ايه دا ملها دي و هي مين اصلا
ادهم : مش وقت رغي .. هاتي مايه بسكر بسرعه و اندهي ماما
يارا : يا ماما .. يا ماما ..الحقي ابنك طالعلنا بمصيبه
الام : ياساتر يارب .. مين دي يا ابني و مالها
ادهم و قد فقد اعصابه : مغم عليها .. هاتوا  نفوقها الاول و بعدين حققوا معايا
و فعلا بعد محاولات من تفويقها فاقت و استعادت وعيها
جوانا بصوت واطي و مرهق : ا.. ا. انا فين
ادهم : حمدلله ع سلامتك قلقتيني عليكي
جوانا بخوف : ادهم !!
ادهم : ايوة ادهم .. انتي عندي ف البيت لان اغم عليكي
جوانا و التفتت حوليها لقت ناس ف الاوضه ..استريحت نوعا ما : انا اسفه اوووي سببتلكم ازعاج
الام نورا : يا حببيتي المهم انتي كويسه
جوانا : الحمدلله .. تعبتكم معايا
يارا : ولا تعب ولا حاجة .. الا صحيح يا ادهم مش تعرفنا
ادهم : دي جوانا معانا ف الكليه " وغمز ليارا ف فهمت "
يارا : اهلا بيكي اتشرفنا
جوانا : الشرف ليا
ادهم : و دي يا ستي .،ماما الحاجة نورا ..و دي يارا العروسه
جوانا : اهلا بحضرتك يا طنط .. و الف مبروك يا انسه يارا
يارا: الله يبارك فيكي يا جميل عقبالك .. بس بقولك ايه انا جبتلك المايه بالسكر .. يعني بقى بينا مايه و سكر فشيلي الالقاب بقى احنا هنبقى صحاب
جوانا : لا احنا بقينا صحاب خلاص .. احنا لسه هنتستنى نبقى
يارا : والله سكر .. و طبعا هتشرفيني ف الفرح
جوانا : انشاء الله
ادهم : جوانا .. انتي تعرفي حد اسمه سالم
جوانا : ااااه صح انا كنت رايحالهم بس اللي حصل لغبطني خالص .. بس لحظة انت تعرفه منين
ادهم : اصله شافني وانا شايلك مدخلك هنا و كان قلقان اوووي عليكي .. و فضل معانا و لسه طالع من خمس دقايق يطمن مامته ونازل تاني
جوانا : اييييه !! انت كنت شايلني ؟
ادهم باسف : اه .. انا اسف بس اي حد مكاني كان هيعمل كدا .. لان مكنش ينفع اسيبك تقعي
يارا : خلاص يا جماعه حصل خير .. تشربي ايه بقى يا جوجو
جوانا : لا شكرا .. انا هقوم امشي بقى
الام نورا : لا طبعا مينفعش قومي يا يارا معايا نجيب الحلويات
يارا : يلا يا ماما
و خرجوا سوا و فضل ادهم و جوانا بس ف الاوضه
ادهم : هو انتي زعلانه مني
جوانا : هزعل ليه .. انا متشكرة
ادهم : عينك بتقول غير كدا ... و بتقول كمان انك زعلانه و مش طيقاني .. جوانا انا اسف اني شيلتك بجد مش كان قصدي كان كل همي اني الحقك
جوانا : حصل خير
ادهم : بجد يعني خلاص مش زعلانه .. والله كان غرضي شريف اني الحقك
جوانا : خلاص محصلش حاجة انا مش زعلانه
ادهم : يعني صافي يالبن
جوانا بابتسامه : حليب يا قشطه
تدخل يارا: حليب ايه انا جيبالك كركاديه
جوانا : هههه مكنش ليه داعي تتعبي نفسك
يارا : تعبك راحة يا قمر.. ادهم الا صحيح محمد مجاش ليه
ادهم : معلش اضطر يرجع القسم عشان يعمل محضر للعيال السيس اللي كانو تحت
يارا : اوك
جوانا : انا هضطر اني امشي دلوقتي عشان اهلي
ادهم : طب انا هاجي اوصلك
جوانا : لالا ملوش داعي انا كويسه
يارا مينفعش تنزلي وانتي تعبانه كدا .. بصي استني هاجي معاكو نوصلك لاكن مش هنسيبك تمشي لوحدك
جوانا : بس انا مش عايزة اتعبكم اكتر من كدا ..
يارا : لا تعب ولا حاجة ادوني دقيقة بس اخد العبايه عليا
ونزلوا سوا هما التلاته ..و وصلوها عند باب العماره ..
يارا : مش معقول انتي ساكنه ف وحش القاعه اللي هيتعمل فيها فرحي.. كدا ملكيش حجة متجيش .. لو مجتيش هطلعلك بالفستان اجيبك من شعرك
جوانا : هههههههه وليه الطيب احسن .. انا هاجي بكرامتي
يارا: بجد انا حبيتك اوووي
جوانا : وانا كمان ..انتي من هنا ورايح اختي لاني وحيدة
يارا : وانا اطول ابقى اختك
ادهم : هو انتو مش ملاحظين اني واقف محدش يشاركني ف الحوار كدا
جوانا بهزار و كانت تقريبا اتعودت عليه : لا .، انت جيت امتى ههههههههه
ادهم : هالله هالله .. دانتي اخدتي عليا اوووي و بتحرجيني قدام اختي كمان
جوانا : متنساش انها اختي انا كمان
ادهم : ماشي ماشي .. اتصاحبتو ع طول انتو
يارا : طبعا
جوانا : ميرسي ع التوصيل .. لازم بقى نتقابل قريب يا يارا قبل الفرح
و سلمت عليها و حضنتها ... و شكرا جدا يا ادهم .. مش عارفه من غيرك كان حصلي ايه
ادهم : احم احم .. لا داعي للتصفيق دعونا نعمل بصمت
جوانا : هههههههه ماشي يا عم الواثق .. يلا مع السلامه
ادهم و يارا : مع السلامه
..
اكملكو الحلقه الجايه .. معلش انا عارفه ان البارت قصير بس انا ورايه مذاكرة كتير انتو عارفين الامتحانات ع الابواب و انا ثانوي ..
فوت + كومنت = هكمل.