سرقت قلبي

الحلقه ٢٢

عبدالله : ها يا ادهم لقيتها يابني
ادهم : لسه يا عمي .. قلبت عليها الدنيا .. و سألت عند كل صحابها مش لاقيها
عبدالله : بنتي .. انا اللي ضيعتها بأيدي .. اه اه
ادهم : عمي الووو
ام جوانا : عبدالله عبدالله .. الحقوني !!
جري ادهم عشان يلحق عبدالله هو كان قريب للبيت
عبدالله بصعوبه : قولي لجوانا تسامحني أ أ
..........
اميرة: يااااه دا انتي حكايتك حكايه ولا الافلام و الروايات .. طب انتي هتروحي فين دلوقتي
جوانا : والله مانا عارفه يا اميرة .. ارض الله واسعه
اميرة : طب بصي .. انتي هتيجي معايا البيت انا عايشه لوحدي بابا و مااما مهاجرين .. مفيش غير ولاد خالتي اللي بيطلو عليا كل شويه
جوانا : مش عايزة اعملك ازعاج
اميرة : لا ازعاج ايه .. انتي هتونسيني و بالمرة نشوف حل لمشكلتك
.........
ام جوانا : طمني يا دكتور ابوس ايدك
الدكتور : للاسف حالته مش مستقرة خالص .. هيفضل تحت الملاحظه كدا فتره ع مانشوف حالته هتتحسن ولا هنضطر لعمليه ولا ايه الحكايه
ام جوانا : هو عنده ايه
الدكتور : انتو متعرفوش انه عنده ازمه قلبيه و ممنوع عليه الصدمات
ام جوانا : لا معرفش .. اكيد يا حبيبي خاف علينا و مرضاش يقولنا
و بدات تعيط
ادهم : اهدي بس يا طنط انشاء الله هيبقى كويس .. متشكرين يا دكتور
ام جوانا : عبدالله و جوانا مرة واحدة اهئ اهئ
ادهم : صدقيني يا طنط انا حاسس اني السبب بس اقسملك بالله انا ضاحيه ملعوب حقير من واحدة اسمها سالي
ام جوانا : مصدقاك يا ابني انا بعرف الكذاب من عينيه و انت صادق بس لازم نثبت دا
ادهم : انا هروح لابو سالي .. اسمع انه راجل كويس و بتاع ربنا .. يمكن نطلع منه بفايدة
.............
اميرة :نورتي يا مزة
جوانا : بنورك يا اميرة .. ميرسي ليكي اووي
اميرة : بقولك ايه فكك من جو ميرسي و السيسي دا و تعالي افرجك ع الشقه
جوانا : جميله اووي مشاء الله
اميرة : انتي احلى .. انا ولاد خالتي راجعين بكرا من السفر و هيجو يطلو عليا .. هتحبيهم اووي .. نفسي تتعرفي عليهم
جوانا : انشاء الله .. انا قلقانه اوووي ع بابا و ماما .. و دينا كمان
اميرة : تسمحيلي اقولك حاجة من غير ما تزعلي
جوانا : طبعا
اميرة : اولا انا بدرس علم نفس و فلسفه .. و بفهم ف الناس و عدت عليا قصص و حاجات كتير قبل كدا.. و بصراحه حاسه ان حكايه ادهم دي فيها انه
جوانا : يعني ايه
اميرة : حاسه ان دا اتفاق او خطه و انه مظلوم
جوانا : اي ان كان .. فالحقيقه مصيرها هتظهر .. بس انا مش عايز اتكلم ف الموضوع دا تاني عشان خاطري
اميرة : بالبساطه دي هتنسيه
جوانا : هو اللي باعني
........
تاني يوم
ادهم : السلام عليكم .. ابو سالي موجود
الخادم : ايوه يا فندم اقوله مين ..
ادهم : ادهم الاسيوطي .. زميل سالي
الخادم : طب اتفضل
بعد ان اخد الخادم الاذن من عز الدين المصري والد سالي .. دخل ادهم ..
ادهم : السلام عليكم
عز الدين : وعليكم السلام اي خدمه
ادهم : بصراحه انا جاي لحضرتك ف موضوع خاص
عز : اتفضل يا ابني
بدا ادهم يحكي لعز كل اللي حصل من ساعه ما عرف سالي و مطاردتها ليه ف كل مكان .. لحد اللي حصل ف الغردقه
نسيبهم يحكو شويه و نروج لمكان تاني
........
اميرة : حمدالله ع السلامه وحشتوني
بنت خالتها : انتي اكتر .. اعترفي مين اللي وحشك انا ولا الواد خطيبك دا
اميرة : مش تكسيفيني بقى يابت ..او بمعنى اصح مش تكسفي نفسك عشان هو طبعا
بنت خالتها : بقى كدا .. ماشي ماشي يا اميرة
ابن خالتها : اديكي اتكسفتي اتكتمي بقى
اميرة : استنوا عايزة اعرفكم ع واحدة .. جوانا تعالي
جت جوانا
جوانا : مش معقول .. ليلى !!
ليلى :جوانا !! .. انتي جيتي هنا ازاي
كريم قلبه بيدق و خايف ..
اميرة : ايه دا انتو تعرفوا بعض ..
ليلى : عز المعرفه .. احنا صحاب و دفعه واحدة
اميرة : اوووبا بقى .. ع كدا تعرفي خطيبي كمان
جوانا ترفع عنيها تشوف كريم : كريم .. قصدي استاذ كريم .. انت صاحب ادهم مش كدا
كريم بتوتر : اه اه
اميرة : فعلا صدفه غريبه
ليلى : تعالي احكيلي ايه اللي حصل معاكي بعد ما نزلتي القاهرة
جوانا : هحكيلك دا موضوع طووويل اووي
........
عز الدين : معقول حاله بنتي وصله لدرجادي
ادهم : انا اسف .. بس كان لازم اجي لحضرتك لان انا حياتي اتخربت .. و خطيبتي الله اعلم هي فين .. انا اسف ف الكلمه بس انا متأكد ان بنت حضرتك ليها علاقه بكل دا و هي اللي مخططاله
عز : انا لازم اتصرف معاها .. انا دلعتها بزيادة
ف اللحظه دي دخلت سالي
سالي : دادي حبيبي وحشتني .. مين ادهم .. هاهاها مش قلتلك ف الاخر هترجعلي انا
عز يضربها بالقلم " والله تستاهلي ". و يمسكها من شعرها : انتي قلتي ايه لجوانا .. و ازاي جبتي ادهم اوضتك .. قولي بدل ما هتموتي ع ايدي النهارده
سالي : اه اه .. سيب شعري
عز ساب شعرها و رماها ع الارض: بقولك انطقي
سالي : ايوة انا اللي عملت كل دا .. عارف ليه عشان انا ميتقليش لأ .. " و بدأت تسرد الاتفاق "
..........
ليلى : كل دا حصل
جوانا : شوفتي و انا اللي كنت فاكرة بيحبني .. حتى اهلي وقفوا ف صفو .. اهئ اهئ
كريم بيسمع و ضميره بيتأنب .. خصوصا لما عرف انها هربت من اهلها .. و كمان طلعت صاحبه اخته و خطيبته
اميرة : اهدي خلاص يا جوجا .، متعيطيش
جوانا : عشان خاطري يا ليلى و انت يا استاذ كريم .. بلاش حد يعرف اني هنا
.......
ادهم : هو كريم الكلب انا قلت كدا من الاول
عز : انا متأسف جدا يابني .. و بنتي انا لازم اعرضها ع دكتور نفسي .. هي كدا زودتها.. هي من زمان و هي بتتعامل و كأن كل حاجة بتاعتها هي بس .. حته ان ابوها رجل اعمال مشهور مخلياها مريضه نفسه .. انا كنت ع طول بكدب نفسي و اكدب الناس اللي يقولولي انها مريضه .. بس دلوقتي مش هينفع اكدب حد .. انا اسف اووي .. و ياريت تسامحوني انت و جوانا
ادهم : يارب الاقيها بس
عز : انشاء الله هتلاقيها
........
جوانا: انا هطلع اصلي عن اذنكم
ليلى : كويس انها قامت .. كريم انا و انت لازم نتكلم مع ادهم .. ادهم عمره ماكان كدا .. الحكايه دي كلها اكيد متدبرة
اميرة : ايووة بليز يا كريم .. حرام هي صعبانه عليا اووي
كريم بتردد : انا .....
..............
ياترى كريم هيعترف .. و جوانا هتعرف الحقيقة .. ولا هيسكت عشان خايف .. و ادهم هيلاقي جوانا .. و عبدالله هيحصله ايه ..
الحلقه الجايه هتبقى الاخيره .. و بعدها هنزل روايه نقطة البدايه
مش تنسو تقولولي رأيكم و توقعاتكم للنهايه
فووووت + كومنت + فولو بلييييييز