سرقت قلبي

الحلقة ١٠

علي : دينا انا عايز اقولك حاجة
دينا : قول
علي : بصراحه كدا و من غير مقدمات ولا لف و دوران .. انا معجب بيكي او بمعنى اصح انا بحبك و عايز اتجوزك
دينا قلبت طماطم و بتحاول تخفي الابتسامه : ------
علي: انا حاولت كتير اني استنى شويه لحد ما تتعودي عليا .. و بعدين اطلبك رسمي من اهلك بس بصراحه مش قادر .. انا من زمان معجب بيكي .. و كنت بقول لسه صغيرة و مش هتوافق عليا و هتفضل تكمل دراستها .. بس دلوقتي خلاص انا مش قادر .. دينا انا مستعد اجي اكلم اهلك دلوقتي بس اسمع منك الاول
...........
جوانا: كفايا كدا تعالى نروح لدينا و علي
ادهم : زهقتي مني ولا ايه
جوانا : لا والله ابدا .. بس عايزة ارخم عليهم .. اوريها ان مش هي بس اللي بتعرف ترخم
ادهم: طب يلا
.......
دينا بكسوف واضح : عايز تسمع ايه
علي : انا ايه بالنسبالك .. مفيش اي شعور تجاهي
دينا : انا ...
و قطع صوتها صوت جوانا :بتعملوا ايه
علي : وقتك انت و هي .. امشوا من هنا .. نصايه و ارجعوا
ادهم : احنا بنطرد ولا ايه
علي : مدام ممشتوش بالزوق يبقى هتطردوا بجد .. يلا يا بابا انت و هي من هنا . بيتك بيتك .. خليني اعيش حياتي .. كانت هتنطق منكم لله .. امشي ياض .. امشي يا بت
و قام يجري وراهم بالشوز بتاعه .. لحد ما جريوا " ههههههههههههههههه "
دينا هتنفجر من الضحك : ههههههههههههههههه
علي : بتضحكي ابووس ايدك قولي انتي ايه
دينا : انا كمان معجبه بيك
علي : لولولولولولولولولي .. باركيلي ياما .. الدنيا ضحكتلي
دينا : بس يا مجنون
علي : بحبك .. بحبك .. بحبببببببببببببببببك .
دينا : ششششششش .. هتفضحني
علي :انا عايز ميعاد مع الحاج النهارده
دينا : النهارده يا مجنون
علي : تصدقي انتي صح .. ايه الجنان دا .. انهارده ازاي .. دلوقتي حالا يلا
و اخدها و جري
.......
جوانا : احنا نطرد بالطريقه دي هههههههههههههه
ادهم: هههههههههه انا هموت من الضحك .. شوفتي خلع الشوز وقام يجري ورانا ازاي
جوانا : ههههههه امم ياترى بيقولوا ايه
ادهم : هيكونوا بيقولوا ايه .. صاحبتك زمانها اتخطبت
جوانا : الكلبه معزمتنيش
ادهم : لا .. دانتي مجنونه رسمي هههههههه
جوانا : سر المهنه
ادهم : ههههههههههه
جوانا : هو علي بيحبها
ادهم :اه
جوانا : طب كويس اوووي هي كمان بتحبه
ادهم: عقبالك
جوانا :انت الاول
ادهم: طب ايه رأيك لو نبقى مع بعض
جوانا بحدة : ادهم لوسمحت فيه حدود
ادهم : انا اسف مكنش قصدي
جوانا : طيب عن اذنك انا هروح
ادهم : طب اوصلك
جوانا : قلتلك قبل كدا معايا عربيتي
ادهم: انتي لسه زعلانه
جوانا : لا خلاص محصلش حاجة
ادهم : يبقى خلاص انتي اللي هتوصليني لان عربيتي ف السيرفس بيتعملها تشيك اب .. و بيجهزوها عشان هزف بيها يارا ف الفرح
جوانا : اوك طيب يلا
ادهم : يلا
.........
دينا : انت رايح فين
علي: رايحين لعمي .. و هطلبك رسمي ..
دينا : دلوقتي يا مجنون
علي : اه دلوقتي .. انا مش مستعد اسيبك ابدا لو عليا هطلع للمؤذون الاول و بعدين اروح لعمي
دينا : مجنون
علي : بيكي
دينا :طب هكلمهم ف البيت اقولهم
علي : لا .. هنخليها مفاجأه .. هي طلبت معايا جنان
...
لما وصلوا .. طلعوا و رن ع الجرس
ام دينا : حاضر ياللي بتخبط جاية اهو
فتحت
علي : سلام عليكم
ام دينا : علي ؟ دينا ؟
علي : بصراحه يا طنط عايزكوا ف موضوع مهم ميستناش .. هو عمي موجود
ام دينا : اه يابني اتفضل .. يابو دينا يابو دينا.. تعالى يا راجل عندنا ضيوف
ابو دينا: اهلا اهلا .. ازيك يا علي. .
علي : تمام الحمدلله ياعمي .. انا اسف اني جيت من غير ميعاد .. بس اعمل ايه ( و بص ع دينا ) الموضوع مهم جدا
ابو دينا : خير يابني
علي : عمي انا طالب منك ايد دينا بنتك ع سنه الله و رسوله .. بص لو انت موافق ننزل دلوقتي للمؤذون .. انا مش هكدب عليك ( و بص ع دينا تاني ) .. بنتك دي لبستني ف حيطه .. انا بحبها اوووي
ابو دينا : حيلك حيلك .. لاحظ اني قاعد و لسه موافقتش
علي : خير البر عاجله بقى يا عمو
ابو دينا : طبعا طبعا .. بس مش نعرف رأي العروسه
دينا بكسوف : اللي تشوفه يابابا
ابو دينا : دي العروسه كمان موافقه و شكلها مستعجله زي عريسها
دينا : انا مقلتش حاجة
ابوها : بس عينك قالت .. شوف يابني ع بركه الله .. بس طبعا في حاجات لازم نتفق عليها .. و الامور دي مفيهاش كسوف ولا قرابه
علي : طبعا يا عمي .. انا تحت امرك
ابو دينا : خلاص اديني فرصه اتكلم مع دينا و تصلي استخارة .. و نسأل عليك .. متأخذنيش يابني .. بس احنا من زمان منعرفش عنك حاجة .. ولازم اطمن ع بنتي بردو
علي : حقك يا عمي طبعا
ابو دينا : خلاص ميعادنا الجمعه الجايه .. عشان الخميس انتو رايحين الفرح
علي : خلاص ماشي يا عمي وانا اسف مرة تانيه لو جيت من غير ميعاد
......
ف عربيه جوانا
ادهم : ساكته ليه ..
جوانا: عادي .. معنديش حاجة اقولها
ادهم : طب متشغلي حاجة نسمعها
جوانا : حاضر
و تشغل جوانا اغاني .. و اول اغنيه اتفتحت اغنيه يانهار و دي اغنيتها المفضله ف غنت معاها و نسيت نفسها .. ( صاحيه مروقه واحشني كتير متشوقه بقالي كام يوم متعلقه بيك انت يا واد يا جميل بقى .. من الاخر كدا بحبك انا متأكدة و بس انا مش متعودة ومش واخده يا ناس ع الشقى .. يانهار الحقوني دانا بنهار .. جوه قلبي حريقه و نار مين يطفيها .. يا خواتي الجدع دا قلبلي حياتي .. وانا غلبانه ع نياتي .. و مليش فيها )
ادهم : هو مين دا
جوانا : مين
ادهم : الجدع اللي قلبلك حياتك
جوانا : يابني هو عشان بحب الاغنيه يبقى لازم كل كلمه بتتقال فيها .. بتحصل معايا
ادهم : يعني مفيش
جوانا : لا
ادهم : طيب
الاغنيه التانيه كانت كل اللهجات و طبعا انتو عارفين ادهم بيعشقها اد ايه .. دي يارا تشهدله ههههه
ادهم : الله دي اكتر اغنيه بحبها .. و طبها بدأ يغني معاها
هلبا هلبا .. برشا برشا .. مرة مرة .. كتير كتير .. بالزاف ... وايد .. اوي اوي
جوانا : انجليزي دا يا مرسي
ادهم : لا انا ثقافتي الماني
هما الاتنين : هههههههههههه
ادهم : ايه دا وصلنا بسرعه
جوانا : اه فعلا وصلنا بسرعه
ادهم : هي الاوقات الحلوة كدا دايما تعدي بسرعه .. ملحقناش نقعد مع بعد انهارده
جوانا : حرام عليك .. انا مستقبلي هيضيع ع ايدك .. انا طول اليوم معاكم و ضيعت محاضرتي .. و بعدين اصلا مش معنى اني قعدت معاك انهارده ان دا هيحصل كل يوم .. و قطع كلامهم .....
............
خلصت الحلقه .. بكرا هكمل انشاء الله .. بس ادعولي يا جماعه بالله عليكم امتحاناني الاحد الجاي و ممكن اوقف اكتب شويه من اول يوم السبت .. بس اوعدكم كل ما اكون فاضيه هكتب .. يس شجعوني .. و مش تنسوا نقولولي رأيكو
# فوت + #كومنت =هكمل
في انتظار توقعاتكو