Gab's Karma

Part 1

Aligaga ang pakiramdam ko ngayon dahil bulong bulungan dito ngayon sa oposina ay papalitan na si Mr. Alonso ng kanyang nag iisang anak.

Kinakabahan ako dahil makikita ko na naman siya. Hindi lang makikita kung hindi araw araw ko na siyang makikita at makakasama.

Natatakot ako na baka hindi ko magawa ng mabuti ang trabaho ko ngayon malapit lang siya.

Napasapo ako sa dibdib ko ng hindi ko namamalayan.

"Heart just calm down. It just him." Bulong ko. "Ay! Kabayo!" Tili ko ng gulatin ako ni Yam.

Kapwa ko secretary at ang nag iisang kaibigan ko. Hinampas ko nga siya ng folder na hawak ko.

"Huwag mo nga akong ginugulat! Aatakin ako sa puso sa ginagawa mo!" I hissed at her.

She just laugh at me and shrugged her shoulder like she don't care at all.

"Tense na tense ka kase bakla. Halatang halata ka." Natatawang sabi niya sa akin.

"Halata na bang masyado?" alanganin kong tanong.

"Ay, oo! Dinaig mo pa si Sir Gabriel sa kaba mo. Ikaw ang papalit na CEO?" biro pa nito sa akin.

I made a face.

"Paano ko gagawin iyon kung alam kong malapit na siyang dumating?"

"Chill, it's just pag ibig!" sabi pa nito.

Napasimangot nalang ako sa sinabi nito.

"Ano ito? Title ng movie? Sabunutan kita dyan!" sabi ko dito.

Tinawanan niya lang ulit ako at hinawakan ang dalawang kamay ko at winagwag.

"Just inhale. Exhale." sabi pa nito.

Nang hindi ko siya ginaya ay pinanlakihan niya lang ako ng mga mata.

"Gayahin mo ako." sabi pa nito.

Ginawa ko nalang din ang pinagagawa nito.

"Close your eyes. Then inhale. Exhale. Inhale. Exhale."

Kakapatol ko sa kapraningan ng kaibigan ko ay naabutan kami ni Mr. Alonso.

"Oh, Goodmorning ladies. Mukang tuwang tuwa yata kayo na aalis na ako ah?" Biro pa nito sa amin.

"Naku Sir. Excited na excited si Liway. Makikita na niya ulit ang a-" tinakpan ko agad ang bibig nito bago pa maibunyag ang sekreto ko.

"Naku Sir hindi po. Huwag po kayong nagpapapaniwala dito kay Yam. Hindi po kase siya nakapag agahan." dahilan ko. Tinawanan lang kami nito.

"Liway hija, you don't need to hide it from me. Alam kong may gusto ka sa anak ko." Walang paligoy ligoy na sabi nito sa akin.

"Po?"Nanlalaking mata na tiningnan ko ito.

"Hija, I know how you looked at my son. Infact, gusto kita para sa kanya. Pero ito lang ang ibibilin ko sayo. Huwag na huwag kang papauto sa anak ko." Seryosong sabi nito.

"Hindi naman po kase Sir." dahilan ko pa din.

Pasimpleng kinurot ko sa braso si Yam na ngingisi ngisi lang sa akin.

"Oh,siya siya. Go back to work. Any minute dadating na ang anak ko."

Tumango lang kami ni Yam at nagtuloy tuloy na ito sa private office niya.

"Bakit mo sinabi iyon kay Sir?" Sita ko kay Yam.

"Asus, kung hindi mo pa ako kaibigan. Mabanggit lang ang pangalan ni Sir Gabriel nagniningning na iyang mga mata mo." Dagdag pa nito.