The Perfect Fake Marriage (BOOK 1 COMPLETE)

Kabanata 36- The Plan

Keiser's POV

"Finn, sige na, pumayag ka na kahit isa lang, give her flowers, treat her to the nearby restaurant, sige na, tulungan mo ang kaibigan natin," nagmamakaawa na ako sa kay Finn na kakarating lang kagabi. Nakatingin siya sa aming apat. Knowing Finn, hindi siya sasabak sa ganitong mga plano.

"Alam niyo ba ang ginagawa niyo? You're will cause trouble, at idadamay niyo pa ako. At, alam niyo naman na may girlfriend na 'yung tao, ipagpipilitan pa ang hindi na."

"Finn, hindi mo ba nakikita. Xander is not totally happy. Parang hindi siya kumpleto, parang may kulang. Madami na siyang nagawa sa atin, kahit ganito, matulungan natin siya na mahanap ang totoo niyang nararamdaman."

"But he has Charmaine now, at nakikita kong masaya siya sa kanya."

"Hindi mo kami naiintindihan, prinsipe. The complete happiness, hindi pa siya naka-move on, sabi niya di ba, mahal pa niya. Mahal pa niya. We're just helping him realize, forget, forgive, and define the word of fight. Hindi siya marunong ipaglaban ang nararamdan niya, kaya, tutulungan natin siya. Narinig mo, mahal pa niya si Jenelle, at girlfriend niya si Charmaine, tutulungan din natin na hindi na sila maglokohan sa isa't-isa. Masasaktan lang si Charmaine kapag naipagpatuloy lang ito. At, ikaw, gusto mo bang masaktan ang babaeng mahal mo, hindi, di ba?" hindi na ako ang nagdaldal nun, si Slater na. Pero, may point naman siya. Ganito talaga ang plano namin.

"Kung ano ang pinagsasabi ninyo, I will try. Kapag masasabit ako, kayo talaga ang itutulak ko sa problema."

"No problem, basta tumulong ka lang."

"Anong gagawin nga?," sa wakas naging interesado na rin. Ang hirap talagang mapasagot ng prinsipeng ito. Kasing hirap ng trigonometry.

"Jessica is part of this 'Starting Over Again Plan'. Kasabwat namin siya, at huwag ka ng aangal diyan," susubukan pang umangal, eh. "Jenelle is taking her coffee at the Garden Cafe, kasama niya si Alexis, you've got to say good morning, alam mo na 'yun, makipag-usap ka sa kanya, treat her lunch or something. Don't forget to make Alex jealous, nandoon rin siya nakikipag-usap kay Micheal."

"Basta, sundin mo lang ang ipagagawa namin, Mr. President slash Prince Charming."

***

Jenelle's POV

Alexis was busy eating his breakfast while Alexiane was with Carol, strolling in the seashore. Maaga silang natulog, maaga rin silang gumising. Wala talaga ako sa mood na mabuhay ngayon. Naguguluhan pa rin ako, 'Do you really see that I am happy?', isang tanong na nakakapagpabagabag sa utak ko ngayon. Ano ang ibig niyang sabihin? May ibig sabihin ba nun? Bakit? Ano?

"Hi, Jenelle," napatingin ako sa bumati sa akin, at bumungad sa akin ang gwapong prinsipe. Hay naman. Buti wala si Chaniel dito, at baka, nasunggaban na ito ng mga madaming selfies.

"Hi, Finn, good morning, nandito ka rin? Bakit ngayon lang kita nakita?," umupo siya sa tabi ni Alexis. At ngumiti ang bata sa kanya, nag-ngitian silang dalawa.

"Good morning,..."

"Ah, Alexis, anak ko," magugulat pa ba siya kung may anak ako?

"Good morning, Alexis, I'm Finn, or you can all me Tito Finn if you want," nagkamayan silang dalawa. My son was smiling great, may naalala na naman siya siguro, dahil na naman ito sa magazine na palagi nilang pinapaunod ng Ate niya.

"Hi, Tito Finn, nice to meet you," maliit talaga ang tinig ng anak ko, kasing liit niya. Nagkibit ako ng balikat sa titig niya sa akin, at ngumiti lang.

"Well, dumating ako kagabi, hindi ako sumama sa kanila dahil masyado silang maingay kapag nagkakasamang anim. Kung anu-anong pinag-uusapan." Pailing-iling siya sa mga kaibigan niya, Tama nga naman, ang ingay-ingay nila kapag nagkakasama. "Eh, ikaw, anong ginagawa mo rito? Di ba, may trabaho ka? And, by the way, thank you for letting us enter your mall. We owe you something."