The Wicked Princess

Kabanata 4

Nahulog.

"So, asan si Zeus?" tanong sa akin ni Sunshine nang umupo kami sa bleacher. Nagpupunas siya ng kanyang pawis dahil katatapos lang ng practice namin ng cheerdance.

I was part of this group because Zeus is part of the basketball team. Napilitan tuloy ako maging sporty para pumantay sa kanya. Mommy would be busy every intercollegiate watching him play, so, I should have a part too. Para hindi naman masayang ang punta ni Mommy.

"May training pa," kalmado kong sagot kahit ang totoo ay 'di ko rin tiyak. Kanina pa siya hindi nagpaparamdam.

"Noong 18th birthday ninyo ay hindi ka nag-debut hindi ba? You went to Australia to see Koalas. Your photos are so fab! Of course, with Zeus beside you. Oh, my God, you both looked gorg!" eksaheradong papuri ni Sunshine.

Hindi ko 'yon pinansin dahil may umagaw ng atensiyon ko. Kumunot ang noo ko nang makita kong paparating si Maria, ang bago kong kaibigan na Freshman. She has no idea that it is my birthday today. I will invite her later kahit hindi ko alam kung ano'ng meron sa bahay namin. I stopped spoiling Mom's surprises for a while now, she would 'surprise' me still anyway.

Tumayo ako para salubungin si Ria. But then parang wala siya sa sarili. Binully na naman ata ni Gaelan.

"Ria," I called her. Her face is like a saint, literally. Napakaamo ng mukha, kaya lagi siyang kinakawawa. Nangunguna pa ang kinakapatid ko roon na apparently, boyfriend daw siya ni Ria. Talaga lang ha!

"Hi Selene..." maliit na boses na sabi niya. Binaba niya ang kanyang bag at umupo sa tabi ko.

I should go home by now, si Ria ang kapalit ko sa isang stunt. But then I stayed because I don't want to seem like waiting for Zeus while doing nothing. Nagpaalam pa naman ako na maagang uuwi dahil birthday namin ni Zeus. He's supposed to pick me up today after his training, pero isang oras na rin siyang late.

Where is he by the way?

We started our practice, naliligaw ako sa steps dahil kakaisip kung nasaan si Zeus.

"Ria! Ano ba? Bakit ang bagal ng kilos mo?" Naibalik lang ako sa kamalayan nang magsalita si Rona, ang tumatayong cheerleader. Napayuko agad si Ria dahil sa takot. "Break muna! Para kayong mga lantang gulay! Lakas makahawa ni Ria!" sambit ni Rona, at nagpatiunang lumabas ng gym.

"May problema ba?" I asked Ria kahit parehas naman kaming wala sa sarili. She smiled sadly but she shook her head.

"Gano'n ba? Kanina ka pa kasi wala sa sarili. Imbes na ako ang masigawan ni Rona, ikaw pa tuloy."

I started asking questions para mawala rin ako sa sariling iniisip, pero nahagip ng pandinig ko ang usapan ng dalawang freshies na pumasok sa gym.

"Grabe! Ang pogi ni Zeus! Nakita mo ba kung paano niya tingnan si Olivia?"

Wala sa sariling naglakad ako patungo sa kanila at iniwan si Ria.

"Sino ulit, Tish?" singit ko sa usapan.

"Si Zeus! Nakita namin doon sa Accountancy Building. Buhat niya si Olivia kasi na-sprain doon sa practice ng Miss Keio 2016."

Something crashed on my chest. And this is happening so much lately.

There are rumors that you don't want to believe. But not believing isn't enough if people around you make you believe that it is the truth. Parang 'yon tuloy ang totoo kahit hindi naman. I should know Zeus, right? Araw-araw kaming magkasama. Si Olivia ay imposibleng mangyari.

But why the hell has it's been going around for months now? Na si Olivia at Zeus ay lagi raw magkasama.

Sumugod ako sa infirmary para kumpirmahin, hindi na nagpaalam pa sa mga kagrupo ko. Hindi ako kumatok pagdating sa infirmary. Walang nurse roon sa maliit na lamesa. Nakarinig lang ako ng mga boses na nag-uusap mula roon sa asul na curtain division ng mga hospital beds.