Write Me A Heartache (The Starving Squad #2)

Chapter 25: Damned

Ilang araw nang lutang si Aika. Sinukuan na rin yata siya ni Yaya Norma dahil maghapon siyang palaging tulala. Mickey kissed her! Twice! At kahit nakailang toothbrush na siya, hindi pa rin niya makalimutan 'yong nangyari! Ramdam na ramdam pa rin niya. Kahit 'yong pagpipigil niya ng hininga, damang-dama niya.

Hindi siya makakain nang maayos. Hindi siya makanuod ng kahit ano. Mas masaya kasing tumulala at alalahanin 'yong nangyari. Kahit pa ba pagkatapos noon ay sumiksik siyang muli sa sulok ng upuan habang nakatakip ang isang unan sa mukha. Kahit pa ba hindi na sila nag-usap hanggang sa dumating si Yaya Norma. Kahit pa sobrang daming tanong ng matanda nang makaalis si Mickey dahil hindi maalis ang ngiti niya.

Kahit pa ba masama na naman ang tingin sa kanya ng matanda dahil para siyang tangang nakangiti na naman, three days later.

"Umamin ka nga. May sapi ka ba?" nakanguso nitong tanong.

Ngumisi siya, nilapitan ang matanda, at niyakap ito nang mahigpit.

"Dyaskeng bata are! Ano ba'ng nangyayari sa 'yo, ha? Nagtapat na ba sya sa 'yo?"

Umiling siya.

"E bakit ganyan ka kung makangiti? Daig mo pa ang may sanib."

"Masaya lang ako, Ya."

Tatlong araw na simula noong halikan siya ni Mickey ng—not once, but twice!—pero hindi pa rin humuhupa ang saya niya. Pero dahil sa ayaw niyang maging masyadong obvious, hindi na rin muna niya kinausap si Mickey nang tatlong araw.

Tatlong araw na ring nananahimik ang online profiles niya. Tatlong araw na rin niyang hindi kinakausap si Austin. She told him a few days ago to just leave her alone for a few days. Kasi ayaw niyang masira 'yong nostalgia ng first real kiss niya.

And for those three days, palagi siyang nakatambay sa profile ni Mickey. Just to see if he posted anything about the kiss. The sad news is he didn't. The sadder news is he's talking to his ex more often. Tuwing bubuksan naman niya ang chat box, tahimik naman ito. Hindi na niya nakikita ang ellipses kahit oras-oras yata niya iyong chini-check.

But she asked for this, right? Sinabi niya sa sariling lulubusin na niya ang pagiging tanga. She told herself that she'll be contented with a kiss. May bonus pa ngang isa. Kaya magsasaya siya kahit para do'n lang.

--

When she couldn't contain the feeling anymore, she called Mona to tell her about what happened. Kasalukuyang abala ang kaibigan niya nang tumawag siya. May tinatapos daw kasi itong cake para sa party nang gabi ring iyon.

"Beh, later na lang. Mga 7. Busy pa ako e," sabi nito.

She looked at the wall clock. It's just 5:30PM.

"Seven pa?"

"Sobrang importante ba ng sasabihin mo? Kasi may ginagawa pa 'ko e. I need both my hands."

Sumimangot siya. "Importante sa 'kin."

Bumuntong-hininga ito. "All right. Five minutes lang ha."

Huminga siya nang malalim. "Okay."

"Shoot."

"Mickey and I... we kissed."

She heard Mona give instructions to her employees. Hindi yata nito narinig ang sinabi niya. Sobrang ingay sa background. Marami ngang ginagawa ang mga ito.

"Sorry, Beh. Ano ulit?"

Kinagat niya ang labi. Humingang muli. "Sabi ko... nag-kiss kami ni Mickey."