Periodical Death Exam 2: HAUNTED

Chapter 29: Christmas Party, Part 1

Chapter 29: Christmas Party, Part 1

AJ Magnifico's Point of View

Malaki ang pagkagulat namin doon. SI SIR VINCENT MAULEON, NAGBALIK NA. AT SUMUGOD SIYA NGAYON!!!

Natakot agad kami nang marinig namin ang boses ni Sir Vincent sa katawan ni Anna.

Sinugod ng mag-pinsan na sina Noel at 4A si Anna at pinagsusuntok siya ni 4A at pinagsasakal ni Noel upang masubukang alisin ang kaluluwa ni Sir Mauleon sa katawan niya, ngunit nabigo sila at si Sir Mauleon ay ginantihan na lang sila, pinakita ang buong galit upang makalaya sa pagkasakal ni Noel at masakit na pagsusuntok ni 4A. Sinakal ng nasanibang Anna si 4A gamit ang kaliwa niyang kamay at sa kanan naman ay si Noel.

"Ano ito? Abear Brothers nanaman? Bwahahaha!!! Subukan niyo pa akong atakihin, at parehas na kayong mamamatay ngayon!" sabi ni Sir Mauleon.

"Noel! 4A!" agad na pag-alala ni Chachi, at pagkatapos, agad na pinakita ang galit kay Sir Mauleon, finlying-kick niya ang katawan ni Anna, natumba ito, ngunit nakasakal pa rin ng konti kina Noel at 4A. Ako naman ay tumulong na sa pag-aksyon.

Inapak-apakan ko ang mga kamay ng katawan ni Anna, hanggang sa maging sapat na ito upang makalaban sina Noel at 4A, nakalaya na rin sila mula sa pagkasakal. Inuubo sila pagkalaya sa pagkasakal. Nilapitan sila nina Chachi at Cane.

"Boys. Okay lang kayo?" tanong ni Cane.

Agad naman na yumakap si Chachi kay Noel, at nagbigay ng thumbs-up si 4A habang nirerecover ang sarili niya.

Nilabanan ko naman na ang nasanibang Anna ngayon kasama sina Axle at V, hanggang sa mapahangin kaming tatlo, tumama kami sa whiteboard. Nang matumba kami, tumama kami sa platform na medyo masakit.

Sunod, nagpahangin ulit si Sir Mauleon, at ang iba naman ay ang natamaan, maliban kina Andrei, Raffy, Gerica, Aila, Samuel at Heaven na nakalayo bago ang malakas na hangin.

"Gerica, my sunshine pizza. Stand back. Me and Raffy will fight for you and Aila!" sabi ni Andrei, habang hinahawakan ang kamay ni Gerica.

Samantala, hinalikan lamang ni Raffy si Aila, at pagkatapos sumama na kay Andrei papunta kay Sir Mauleon.

"Sama na ako sa inyo!" sabi ni Samuel, na nakapag-paalam na rin kay Heaven ng malambing. Pumwesto siya sa kaliwa ni Andrei.

"Rosaries, rosaries!" sabi ni Andrei, na nasa gitna ng tatlo, at nilabas ang rosary niya. Ganon din ang ginawa nina Samuel at Raffy. Tinapat nila ito kay Anna.

"MGA ROSARYO??? SINUSUMPA KO YAN, ARGH!!!" sigaw ni Sir Mauleon at lalong nagalit, pinalipad niya ang mga rosaryo, pinatalsik niya ito sa mga pintuan. Pagkatapos, pinalipad niya sina Andrei at Raffy papunta sa bulletin board.

Lumapit naman siya kay Samuel, na inilagan siya at pagkatapos sinipa siya ng malakas, napatalsik siya ng malayong malayo.

"Samuel!" sigaw ni Heaven para sa kasintahan niya at sinalo siya, ngunit parehas silang bumangga sa pintuan ng malakas sa pagkasipa ng nasanibang Anna.

Pinuntahan naman sila ng ibang nakabangon na, sina KJ, Jerome, Chantellia, Myla, Cane at Sir Darius. Tinulungan ko muna sina V at Axle na mukhang mas nasaktan sa akin sa pagkatalsik. Pinuntahan naman kami nina Yuri at Dana, ang mga concerned na girlfriend namin ni Axle.

Nang pabangon naman sina Andrei at Raffy, kinuha siya sa kamay ng nasanibang Anna at sinakal; si Andrei sa kaliwang kamay, si Raffy sa kanang kamay, katulad ng ginawa kina Noel at 4A kanina.

Nagalit naman ang mga girlfriend nilang sina Gerica at Aila, kaya binuhos nila ang mga bote ng holy water kay Sir Mauleon.

"Ah!!! Nakakainis na kayo!!! Nakakabulag..nakakasunog!!!" sabi ni Sir Mauleon at tumakbo upang umilag. Nabitawan na niya sina Andrei at Raffy. Tumigil muna sina Gerica at Aila at pumunta sa mga boyfriend nila.