ازيكو وحشتوني جدا اسفه علي التأخير بس والله كان وارايا امتحانات😞
ده ايماچن صغنن كده علي السريع😂و للاسف مش هكتب غير ان شاء لما اخلص امتحانات ادعولي😄
___________________________
فكرة الايماچن مكرره بس انا معنديش افكار للاسف😂بس انا هكتبها علي طريقتي وان شاء هتعجبكو😊
____________________________
#البويز شغالين علي ميكروباص😂
لوي: عتبه.. عتبه.. عتشبه.
يا ناس يل لوكال يا شعبيين فككو من الميكروباصات التنيين.. وكام بيبي كام كام .
هاري: يلا اربعه ورا واللي مش عجبو هعمل معاه الجلاشه.
نايل: ايه الجلاشه ديه يا هاري؟
هاري: مش عارف و الله بس بسمعهم بيقولو كده. 😅
زين قاعد بيسوق بيشرب السيجاره بتاعته و مخرج ايده من الشباك و اخر روقان.
مشغل اغنية شعبي حزينه و بيغني معاها و متأثر اوي.
زين: ولا و لعبت يا زهر و اتبدلت لحوال و اركبت اول موجه في سكة الامواااععل.
لقي واد رخم قاعد جمبه عمال يلعب في الكست.
زين: بس يا بابا.
لسه بيلعب برده.
زين: بس يا بابا.
برده بيلعب.
زين بيزعق: ماتلمي ابنك يا مدام بدل ما ارميه من الشباك.
الست: يووه ماتسيب الواد يلعب.
زين: بقولك ايه متبوزليش الدماغ اللي انا عاملها علي الصبح.
الست:*شهقه* جرا ايه يا حيلتها.
زين بقي قاعد يتخانق مع الست وهي قاعدة تردحله لحد ما رماهم علي اقرب رصيف😂.
ليام بيلم الاجره.
راجل: خد يابني فك العشره ديه.
ليام: طب ما نفرفشها شويه هيهيهي😂
الراجل بصله بصة استحقار:ابو غلاسة امك.
ليام:خلاص ياعم ماتهدي نفسك.. هاتي ياست اتنين جونيه.
الست: طب خد جنيه و خد البطه ديه.
ليام صرخ عشان الست رمت عليه البطه.
ليام: ايه يا ست انت بط ايه و وز ايه ما اتلمي فراخك يا حجه. .
في هذه الاثناء و هما بيتخنقو كانو وقفين في لجنه.
الظابط: طلعلي رخصك يلا.
زين: بصراحه معيش الرخصه معايا كرنيه مركز شباب امبابه ينفع.
الظابط :انت هتستظرف يا روح امك.
الست اللي كانت بتتخانق مع ليام:الحقني يا حضرة الظابط بيتحمرش بيا الواطي.
ليام: والله ما جت جمبها ده.. ده هي اللي اعتدت عليا ده انا مظلووووم. 😂
في الاخر راحو القسم عشان مفيش رخص و الست اللي قعدت تصوت ديه و دفعو غرامه 2000 جونيه😂😂
وبعد كده راحو يتغدو عند عبده نتانه😂
____________________________
متنسوش فوت و كومنت.
عارفه الايماچن دمه تقيل بس والله ده اللي طلع مني.
اسفه علي التاخير تاني.
Love ya😘
YOU ARE READING
Imagines بالمصري
Humorاعزائي القراء في كل مكان اعزائي القراء في كل بيت السلام عليكم و رحمة الله و بركاته الايماچينز دي هتبقي كوميدي و ان شاء الله هتعجبكو المهم تضحكو حتي لو مضايق و قرفان من حياتك هتضحك برده بعبكو اوي ________________________ #الايماچينز نضيفه. البدايه:...
