Imagines بالمصري

im.13

ليام بيخبط علي باب الحمام

ليام: ما تنجز يا عم زين بقالك خمس ساعات بتستحمي.

*زين عمال بيغني تحت الدش و مطنش ليام*
*بيخرج من البانيو*
بيتزحلق في الصابونةو يقع*

زين: ااااه ياني يا ضهري يا رجلي يا راسي.

ليام ميت ضحك برة عادي
....

زين قاعد علي الكنبة و مجبس رجله و هي متكسرتش اصلا بس هو اوڤر و البت شيشي قاعدة جمبه

چيچي: يا عيني يا زيزو هتقضي العيد ازاي دلوقتي.

زين بيتشحتف: والله انا كل اللي جاهرني الخمس ساعات اللي استحمتهم و المايوه الجديد اللي جبته عشان نروح جمسه

چيچي: جمسه يا معفن انا قولت هتخودني نعيد في باريس لندن حته نضيفة كدة
بس اقول ايه حظي هباب خود اطفح

*چيچي حشرت الكحكايه في بقه*

زين: ما براحة يا بت هموت منك

چيچي: معلش يا روحي هات بوسة بقي

لوي بيقتحم عليهم الصالة

لوي:  👈

لوي: في بيتي و علي كنبتي يا معفن.
زين: ايه يا لوي هو انا كنت مراتك.

لوي بيحدف عليه الكوتشي

لوي: قوم امشي و خد البت المقشفة دي معاك هي نقصاكو عالم معفنييين

چيچي*بتشهق*: مقشفة.. اسم الله عليك و انت شبه سلاكة السنان. مسم

لوي: اخرجي يا بت من هنا انا مش طيقك اصلا و خدي الواد زين معاكي

لوي طردهم و اترمي علي الكنبة بيقلع الشراب و حدفه في اي حته

شوية و هاري دخل الصاله هو و نايل

هاري: واد يا لوي ايه رأيك في لبس العيد بتاعي
نايل: و انا؟

هاري كان لابس بدلة معفنة كده الحمرة امه ورد ديه ماشية مع الموضة

و نايل لابس قميص عليه جواميس*اللي كان لبسه في بيرفكت. 😂*

لوي: ايه القرف ده

هاري: انت مبتفهمش في اللبس حاجة اصلا تعالي يا نايولتشي نسأل ليام الوحيد اللي بيفهم

هاري و نايل دخلو علي ليام الاوضة لقوه بيلعب مع ابنه الدبدوب

ليام: انت عارف ان انت اغلي حاجة في حياتي ولا لا؟

نايل: ليام؟
ليام: احم.. عايزين ايه؟

هاري بيلف حوالين نفسه:ايه رأيك؟
ليام مش بيرد عليهم احسن.

....

بعد تلت ساعات كلهم قاعدين في الصالة

نايل: انا زهقت كل العزاز طلعو اندال بإمتياز و طلعو يصيفو و سابونااا
زين: سابونااا لوكس اهاههاها

ليام حدفه بالمخدة في وشه

ليام: مش ناقصين ظرافة امك

هاري كان قاعد بيفكر بعمق و فجأة قام نط من علي الكنبة

هاري: انا عندي حتة فكرة نقضي بيها العيد
لوي: قول ونبي

....

كلهم قاعدين علي الارض بالفنلات و الشرابات مسكين الفشار و علب بيتزا في كل حته و سجاير بقي و قاعدين يتفرجو علي فيلم هاري

نايل: بجد يا هاري الفيلم تحفة انا اصلا الفيلم عجبني لما انت غرقت

هاري: قول كده بقي انت اصلا عايزني اموت عشان تاخد مجموعة الشرابات المنقطة بتاعتي منا عارفك

نايل: هو لازم تموت يعني منا بلبسهم كل يوم من غير ماتعرف

هاري مصدوم اوڤر: نايل هو انت محدش قالك علي قلبتشي
نايل: لا
هاري: طب انا هوريهالك

هاري قعد يجري وراه بالمقشة و باقي العيال نايمين من اول الفيلم اصلا

نايل اتكعبل في زين المغمي عليه علي الارض و هاري جه اتكعبل وراه و وقعوه علي بعض

هاري: اااه يخربيتك يا زين
نايل: تعالي نكمل خناق بكره عشان تعبت من الجري
هاري: ماشي انا عايز انام اصلا

و نامو هما الاتنين جمب الباقي علي الارض و قضو العيد نايمين و كل سنة و انتو طيبين.
_________________________
هوب هوب هوب ايماچن اخيرا. 😂💪
بقالي كتير منزلتش انا آسفة

انا آسفة عشان مش هعرف انزل ايماچنز البنات اللي طلبت انا آسفة والله بس هما كانو كتير فا انا خايفة انزل لبنات و الباقي لا انا آسفة اوي والله

المهم عيد سعيد يا برنسيسات هتعملو ايه بقي؟

باااااي
Love ya. 😘