Kay daming mga posibilidad
Nang mga daang pwede nating hakbangan
Pwedeng sa ibang paaralan ka napunta
Pwede ring hindi na ako nagtapos pa
Pwedeng magkaiba ang mga kurso natin
Pwede ring magkaiba ang sinasampalatayanan nating Diyos
Pwede namang hindi na nagkatinginan ang mata nating dalawa
Pwede ring naduwag na lang ako at nawala noong gustung-gusto na kita.
Kaso hindi,
Sa kani-kaniyang paghakbang natin, nagtagpo tayong dalawa
Sa unang pagsasalit-salit pa lang ng ating mga daliri
Sa unang pagpapalitan pa lang ng pawis ng ating mga palad
Alam ko na agad kung hanggang saan kita sasamahan
At kahit saan ka humakbang, ang kamay mo ay hahawakan.
Kay daming posibilidad
Pero na-tsambahan pa rin kita
Sobrang malas ko na lang talaga siguro
Kung sa dulo ay bibitiw ka pa