((( مَلَأّګيِّ أّلَحٌأّرَّس )))

البارت السادس

انخبل واتعصب وكام يضرب عالاستيرن ويصيح عليه صوجج  شوفي عنادج وين وصلنه كتلج خلي اجي اخطبج من البداية والله اذا صرتي لغيري لاذبحج واذبحه افتهمتي لزم ايدي قووي وكال شوفي اانتي ماتصيرين لغيري فهمتي انت بس لفارس واليوم العصر جايين خطابة ادز اهلي اني اتوجعت اول مرة اشوفه هيج متعصب كمت ابجي ولازمة ايدي هو هده شوية لزم ايدي وكام يبوسها ويكول انكسرت ايدي اسف بس والله احبج ولج مااتخيل تصيرين لغيري جانت شفايفه دافية تبوس بايدي ماعرف شصارلي حسيت هو شكد يحبني كتله حبيبي والله ماتزوج غيرك اني بس الك اوكي حبي انتظركم اليوم العصر
-- اوكي حبي راح اروح بعد ماانزلج اودي الوالدة واخواتي لبيتكم وبعدين ارجعج
-- اوكي حبي
نزلت للدرس وبدت المدرسة تشرح واني بالي يم البيت شراح يصير ابويه شراح يكول ومرته العقربة شراح تسوي خلص الدرس وطلعت بره انتظر فارس اتأخر اتصل بيه ماكو والله بعدين اجه بس وجهه عصبي فول ويخوف وايده ترجف من العصبية ومن عيونه تجدح نار اتخبلت صعدت كتله هلا حبيبي شخط السيارة بدون كلام وطار متت خوف كمت اصيح شتسوي عفية فارس اوكف اخاف وكف يم فرع مسدود كله صبات دار عليه وجرني من ايدي وعصرها كال ولج اذا قارين فاتحتج ليش مادكولين تضحكين عليه انتي اشايفيتني زعطوط كدامج ولج اندمج والله اتكذبين عليه ولا ولنوب الوالدة هم زعلت مني دكول موديني اخطب وحدة مخطوبة واني كل هذا بس مصدومة كتله بس عوف ايدي وابجي والله ماعرف على شنو تحجي انت والله مامخطوبة شبيك فارس -
-- لعد والدتي راحت وابوج ومرته كايلين قارين فاتحتها واذا تريدون   اختها الاكبر موجودة
-- والله ماعرف صدكني فارس ماكو جذب خليني ارجع للبيت وافتهم شكو
-- شوفي نرجس والخلقج اذا طلع الحجي صدك اموتج بيدي افتهمتي روحي كولليلهم ماريد قندرة كولي ماريد اتزوج زين
-- اي اي زين
--- يله مسحي دموعج لاتبجين
اني بقيت مثل الاطفال اريد دموعي توكف ماكو وايدي توجعني وخايفة ومصدومة ماعرف شسوي
نزلت من السيارة ودخلت للبيت عادي محد حجه شي بس شفت اختي من ابوية اسمها زينب ضايجة وتبجي وامها دكول والله راح يندم ويرجعلج سلمت دارت وجها فضيلة (مرت ابوية)
كالت لاهلا ولا مرحبا عساج مارديتي كتلها شكو شبيج وشبيها زينب كالت سم وزقنبوت ماعليج يله ولي من وجهي حظج كاعد خطابتين بيوم واحد عساج ماتهنيتي اني كمت ابجي وصعدت فوك شفت اختي نور حضنتها وكمت ابجي بالزايد كتلها نور امنا وين شوكت نخلص من العقربة هاي راح تموتني كالت ولج لاتبجين حق اليتيم مايضيع ولج شوفي زيد ابن اختها لفضيلة اجه خطبج وبابا وافق بس فضيلة وبنتها زنوبة ماموافقين يمكن زينب تحب زيد وانوب العصر اجاج خطابة وحدة مرة بس مبينه معدلة خطية طردوها واني اتخبلت بس ردتج تجين حتى اكولج هسه شتسوين انتي تريدين زيد
اني كمت الطم على وجهي ولج لا ماريده ماحبهم شو محد ياخذ رأي اني ماتزوج وينه بابا خلي انزل احجي وياه
-- ولج ثولة والله يموتج
-- خلي يموتني اخلص
نزلت واني عيوني وارمة من البجي كتله يابه ليش عيج تسوي بيه ليش لان ماعندي ام شون تقره فاتحتي وتنطيني مثل السلعة وتبيعني واني ماعندي خبر
كام وكف غلى حيله وضربني راشدي اذني صفرت كال ولج عليمن تصيحين هاي المدارس هيج تعلم بيج ولج انتي اشايفة نفسج يله ولي من وجهي
-- يابه ابوس ايدك ورجلك ماريد زيد عفية لاتزوجني اريد اكمل مدرسة عفية يابه ابوس رجلك لاتسوي  هيج
- مازوجج هسه كطعو مهر وضلو مخطوبين وبالعطلة تتزوجون
-- يابه ماريده دخيلك
-- ولج بس باقي على اخر اىزمن البنات هن يختارن ازواجهن ولج الصوج بيه اني خليتج اداومين مدارس يله كومي ولي باجر زيد راح يجيب الشيخ وتعقدون تره ابطلج من المدرسة
وكام راح كمت اصيح واضرب بنفسي اجت اختي حضنتني وكالت لاتبجين بلكي زيد يحبج و حباب ولج تخلصين من فضيلة
-- اي واوكع باختها ولج وحدة انكس من الثانية ماريدهم ولج احسن شي انتحر
-- لا اسم الله عليج حبي كومي
كمت ويه اهتي واشوف فضيلة عاوجه حلكهه وتباوع عليه وفرحانة لان انضربت وراها اجت وراية للغرفة وكالت -- ولج صخيمة فوكاها احنه ماعاجبيج ولج مو زين زيودي باوع عليج  هم جهرة انتي عابت ولج لاتخافين تره ام زيد هم ماتحبج ووعدتني تسويج خدامة يمها ههههه
- اي مو تغارين لان زيد اختارني وماختار زينب بنتج مو ولج كلكم ملشتريكم بفلس
-- ولج عليمن هاي اني اربيج اصبريلي وكامت تضرب بيه وتغلط وترزل وتغلط على امي واختي تريد تبعدها ماكو كامت تصيح وتبجي لحد ماتعبت وراحت واني بقيت ابجي واصيح يمه لحكيني يمه واختي تبجي يمي الا ان صار الليل وكلهم نامو كمت طلعت الموبايل وشفت ففارس مليون رسالة ومكالمة داز خابرته صاح بعصبية - الو هاي وينج 
-- تتعال انت هم اضربني بقت عليك وكعدت ابجي وهو تخبل يكول شكو بس فهميني كتله ماكدر احجي باجر اشوفك ونحجي سديته ونمت بس من الم جسمي كل شوية افز