نرجس. اجه زيد دك الباب كال بس فتحي اريد احجي وياج كمت فتحته كتله زيد مابيه شي بس عوفني
-- كولي شبيج حاب اساعدج اترجاج
-- مابيه شي
- اكولج تره اني عرفت من زينب جنتي تحبين واحد وينه
-- ها ...... مايفيد مثل ماكلت جنتي تحبي صار فعل ماضي
-- ليش وين صار
-- خطب اليوم شفته بسوك الذهب هو وخطييته وكمت ابجي بحركة
-- هو شافج
-- اي من جيت صحتني جان كدامي
-- اكولج اخاف عباله اني خطيبج
-- ها ... ماعرف ....شسوي ماكدر اعيش بدونه
-- الله يحلها هسه ارتاحي الله كريم
.زيد . نزلت على خالتي اكولج قبل فترة مو اجت خطابة على نرجس
-- اي ليش -- تعرفيهم --- بيت ام فارس نفس منطقتنه بس شوية بعيدين ليش وليدي
-- هيج شكرا
طلعت بره افتر بالسيارة نزلت يم اسواق ودلاني على بيتهم رحت دكيت الباب طلعلي ولد شاب كتله انت فارس
.فارس اندك الباب طلعت انصدمت اشوف زيد كدامي بدون وعي لزمته من ياخته وضربته بوكس وكع بالكاع
-- يمعوووود فارس انتظر
كام نفض هدومه ومسح شفته لان طلع دم كال يمعودة هيج تستقبل الضيوف
-- شتريد ليش جاي
-- ولك خلي افهمك انت تعرفني منو
-- اي اعرف شتريد لاتحرك اعصابي
-انت شعبالك ... اني خطيب نرجس
-- ...... لعد بتعجب
-- بابا اني خطيب اختها تعال نكعد نحجي
شوف تره اني قبل فترة من نامت بالمستشفى نرجس فهمت هي ماتريدني وعفتها وقبل كم يوم خطبت اختها نرجس لا مخطوبة ولاشي وانقهرت عليها لان بس تبجي وخطيبتي كالت هي الي جمعتنا فه طلبت مني اساعدكم اني هم وجيت ادور عليك حتى اكولك بعد بكيفك انت اتصرف تره خطية صار كم شهر ذبلانة وبس تبجي تره حتى عمي اتغير انت بعد بكيفك تره الانسان يحب مرة وحدة بحياته اذا تريدها روحلها للكلية واذا لا عوفها ماخذة نظرة انت خاطب وراح تتزوج وخليها تنساك .. لان هي ماتعرف بجيتي
يله اني اروح فكر مع السلامة
.فارس. راح زيد وبقيت اني بصدمتي ماعرف شسوي معقولة اني ظلمت حبيبتي كمت اتذكر لحظاتنه واتذكر من نامت بحظني للصبح كامت دموعي تنزل من كيفها اجه عمي بليل كال فارس باجر مر اخذ سهى وامها روحو للمحكمة عقدو اني كلت انشاءالله وجريت حسرة لو يكول شبيك ابجي هيج مقهور
-- وليدي فارس شبيك تره اني بمثابة ابوك شوف راح اسئلك سؤال واحد اشوفك مافرحان اذا ماتحبها لسهى ونفسك ماتريدها عادي كولها
. كمت ابجي وخجلت وحضنت عمي
ضحك وكال عرفت هاي امك جابرتك وليدي سهى ابن عمك وليد يريدها بس اني كلت انت اولى واذا ماتريدها هسه اخابر وليد يجي ياخذها كول لاتستحي
-- عمي اني اسف اني اشوف سهى مثل اختي ونفسي ماتريدها زوجة وكلبي بغير مكان واريدك تخطبلي اياها
-- تدلل ولك انت امانة اخوية اني ربيتك وماريد غير سعادتك هم انت يتيم وماريد كلبك ينكسر هاي هيه اني احلها هسه اخابر وليد
. فرحت حيل شكرت عمي وبست ايده وحضنته وطلعت بره ابجي ماعرف حاس راح اطير..
YOU ARE READING
((( مَلَأّګيِّ أّلَحٌأّرَّس )))
Romanceقصة باللهجة العراقية لكل شخص في الحياة ملاك حارس يدعمه ويقويه على صعاب الدنيا ولايتخلى عنه .... ((( مَلَأّګيِّ أّلَحٌأّرَّس ))) 😇مَلَأّګ أّلَأّحٌمَدِ😇
