((( مَلَأّګيِّ أّلَحٌأّرَّس )))

البارت الحادي عشر

نرجس. مرت اسابيع واني متت من القهر لا نوم بليل بس افكر واتمنى اوصل لفارس بأية طريقة طلعت النتائج وطلعت ناجحة دور اول بس مافرحت لان حبيت فارس يشاركني بهاي الفرحة راحت ايام وقدمت عالكليات وقدمت معهد طبي حتى تعين مركزي شوية اساعد اهلي براتبي رحت معهد طبي قسم تحليلات واختي نور اجتها قسمة زينة واتزوجت فرحتلها هواية وصار البيت كأبة من دونها ومرت اربعة اشهر واني بعدني احاول الوصول لفارس بس ماكدر اجه زيد بهالفترة وخطب زينب وفضيلة فرحت سوو خطوبة بالحديقة وفرحتلها اني هم لان اخذت الي تحبه
.فارس. مرت اشهر متت من الاشتياق لنرجس كمت صعدت بالسيارة ومريت من يم بيتهم جان اشوف هوسة وصوت اغاني سئلت الولد الي بره واكفين كالو هذا زيد راح يتزوج كتلهم منو كالو بنت ابو محمد انعصر كلبي عصر حسيت نار وشبت بيه ردت ادخل اخرب العرس بس بعدين كلت مادام هي الي باعت اني هم ابيع رحت للبيت وكلت يمه خطبيلي سهى بس هالفترة خطوبة حتى اتعود عليها كامت تهلل وفرحت كبل خابرت عمي وهذاك ماصدك فرح وكال تعالو كل الهلا وبليل رحنا لببت عمي وخطبتها والكل جان فرحان بس اني ميت روحي يم نرجس اتفقو النسوان باجر نروح نشتري ذهب وبعدها نعقد
.نرجس جان الكل فرحان ويركص بالخطوبة بس اني جنت اداري دمعي اتمنى لو اني وفارس مثلهم بليل راحو النسوان واتفق زيد يجي ياخذهم باجر حتى ياخذون ذهب ابويه كال نرجس انتي هم روحي وياهم واخذيلج تراجي انصدمت حتى فضيلة كالت اي صدك نرجس انتي ماعندج قطعة ذهب عيب باجر يجون يخطبوج مايكولون هاي ليش ماعدها ذهبة كلت بكلبي اخ فارس حتى اهلي غيرتهم من بعد حادثتك الكل تغير ويايه كتلهم ماشي صار ثاني يوم لبست ملابس جديد اشتريتها لخطوبة زينب وشوية مكياج لان صرت طالبة كلية كمت اهتم بنفسي دخلنا السوك وكمنا نفتر عجبها زينب اسوارات اني كلت لفضيلة راح اروح ادور بالمحل الثاني على تراجي كالت روحي دااتفرج اشوف صوت يمي حبيبي ياهو حلو انت اختارلي درت وجهي شفت فارس وسهى وهي لازمة ايده ويختارون ذهب جمدت بمكاني بقيت اباوع ودموعي تنزل هو دار عليه انصدم بقه يباوع عليه سهى ومشغولة بالذهب اريد احجي انطق ماكدر اريد بس يطلع صوتي ماكو بس دموعي ماوكفت حسيت كلبي انعصر
.فارس. اخذت امي وسهى وامها لسوك الذهب حتى يختارون واني ماعاجبني بس امي كل شوية وخازرتني بلكوة امشي واكفة تتميع ودكول حبيبي اختارلي ذهب درت وجهي شفت نرجس واكفة كدامي ودموعها نازلة انصدمت بقيت اباوع عليها اريد اخذها بحضني جنت مشتاقلها بكد الكون انشل كل جسمي بقينا دقايق واحد يباوع  عالثاني💔💔💔💔💔اجه من وراها زيد كال يله نرجس تعالي يريدوج جوا فارت اعصابي ردت اضربه واكول ولك هاي نرجستي بس كرامتي ماسمحت انزل نفسي الها وهي باعتني درت على سهى وكلت ها حبي شختاريتي بس ردت احرك كلبها واخذت سهى ودخلنا جوا بلمحل
بس كلبي كله يم نرجس
.نرجس كمت بس ابجي كالو شبيج كتلهم ماكو شي بقه زيد يحاول كلت ماريد تراجي بس رجعوني للبيت رجعنا واني لازمة نفسي بلكوة دخلت البيت وركضت للغرفة وقفلتها وكمت ابجي طلعت الهدايا مالته وملابسة وكمت اكسر بيها شكد دكو الباب ماقبلت افتح احترك كلبي من شفته خاطب
.فارس. كتلهم يله استعجلو خلي نروح بالي ولا يمهم صعدت بالسيارة شغلت هيثم وطلعت جكاير وكمت ادخن صعدو امي كالت يمه شنو هالحزن بابا انت خاطب لازم تخلي اغاني فرح كتلها يمه عوفيني خاطر الله وكعدت اسمع بهيثم عبالك بالصميم يضرب
شو كدرتي على فراكي شو كدرتي وابد ما تعبتي نفسج ما سالتي شرخص الي جان غالي احجيلي بلكي اغمض ساعة انام ليلي
يامة كلتي ابقى وياك العمر تريد ترحل وابقى اتاني ونتضر وين اروح ومن حجي الاموني شغيرج هسة ونسيتي عيوني
يامة كلتي ابقى وياك العمر سنين ترحل وابقى اتاني ونتضر وين اروح ومن حجي الاموني شغيرج هسة ونسيتي عيوني
يامة كلتي عمري ما انسى هواك كلبي مو كلبي اذا لحضة نساك كولي شلي صار بس فهميني من عذابي كافي بس ريحيني