Oups ! Cette image n'est pas conforme à nos directives de contenu. Afin de continuer la publication, veuillez la retirer ou télécharger une autre image.
بقلمي السيدة العلوية الجزء2 بطريق الرجعة اني وشهد نتمشى ... شهد:اكلج شرادت ست وسن؟ درة:سلامتج حجت على صدريتي !! شهد:معليج بيها لو بيها خير تلبس مثلنا ..هاي القبيحة..اكلج تعالي بهالشارع خل نفوت درة:ليش هو من هذاك الشارع طريق بيتنا.. شهد:ايييي مو الحلو منتظرني.. درة:منووو احمد؟ بنظرة استهزاء وضحكة :احمديش يمعودة شكد قديمة انتي.. درة:لعد منو؟! شهد:هذا تيسير ابن جيرانه.. درة:عزة العزاج..ولج بابا خاف يكول لاهلج.. شهد:شبيج يمعودة العب واتسلى واخذ هدايا..دمشي امشي هسة.. وصلنا وكان الجو حار والكل باقي بالبيت لهذا الشارع فارغ ..وصلنا وكفت شهد وية تيسير
(وين ..شدة مايطفيها الغروب...والتعب في الدنيا مكتوب..وين..وين)
كملت كلامها شهد ورجعنا...رجعت للبيت زوجة الاخ:درة تعالي نظفي وياية الزوالي؟ درة:هو هسة ..العصر خل اكل..وارتاح.. زوجة الاخ:لعد اوكي نظفيهن العصر بوحدج .. درة:وانتي؟ زوجة الاخ:شنو خدامة حضرتج اني ..عمي عمي الحك علية شوف درة شتسوي بية..وبدأت دموع التماسيح ..صفراء كصاحبتها .. عفتها ومشيت رحت اصب اكل وبعدني واكفة ومااحس الا ايد الجفجير(مغرفة الاكل)على ضهري شلت حالي شل والالم مثل البرق انتشر بجسمي والتفت واذا بوالدي هو اللي يضرب.. الاب:لسان دلالة..شكالتلج مرت اخوج ..حضرتج تجين ومسوية روحج بس بالمدرسة وهي تخدم البيت ولامكلفة نفسج .. درة:ياابة والله.. الاب:اش...لكمة ماتاكلين امشي هسة تغسليهن.. واشوف كلمة تطلع من حلكج.. درة(بقلبي )عادي تعودت عليك وعلى ظلمك الي ..انته اللي سويته بامي كوم هسة جاي انتظر منك محنه لو عاطفة اب كمت طلعت غضبي بالغسل وكملت وشلتهن وانكسر ضهري من الوجع.. بالليل كعدت مهدودة من التعب..اون وميته جوع..نزلت اخذت لفة ورجعت الصبح كعدت ورحت للمدرسة.. شهد:شبيج دودو.. درة:تعبت شهد تعبت مت وضعيتي ووضع البيت.. شهد:بابا عيشي فري (free)وبطلي الحزن درة:اي يالفهيمة دليني.. شهد:اكلج وكعت رجلينا من المشي ..واكو واحد دوخته وماحصل من عندي شي وعندة خط وطلب من عندي نصير بالخط وياهم.. درة:متأكدة ماحصل شي ههههه.. شهد:يالذيبة عود غشيمة اي ماحصل بعد..ماتشوفين يريد يخلينا وياه بالخط.. درة:يعني هوة ويلهث وراج اني شعلية.. شهد:ماعليج بس انتي صديقتي ولازم دوم وياي واني شرطت عليه نصعد بالخط مالته بشرط انتي تجين ويانه.. درة بعصبية:شنو شنو..خطيش باباتي.. شهد:شبيج والله بلاش درة:والمقابل شنو شهد:سلامتج بس مرات من ياخذني يفتر وياي تجين انتي حتى اهلي مايشكون.. درة :افكر... بدات الدروس وانشغلنا واليوم امتحان الرياضيات اووو شكد صعب ..كملت وطلعت اشتري من الحانوت.. شهد:دودو شكلتي.. درة:موافقة....شهد اريد اسولفلج تعبت.. شهد:عمري انتي بيج شي.. درة:تعبت من وضع البيت محد مهتم بية..ومحد فاهمني..وهاي حاطة عقلها وياي.. شهد:تغار منج..بس لو تسمعين كلامي.. درة:بشنوو.. شهد:جربي سوي علاقة درة: اخاف يمعودة شهد:دضلي ضلي خايفة..يجوز تتعرفين على واحد وياخذج وتخلصين.. رجعت للبيت واني افكر بكلام شهد..ليش لااا ..اجرب ..اشغل وقتي..
