اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الجزء3
بقلمي السيدة العلوية
وصلت للدوام واني افكر بهاي البنية..
يعقوب:هلة باابو طيف
نصر:بالمهلي ..شلونك شبيك البارحة مااجيت
يعقوب:الوالدة كلش تعبانة صحتها واخذتها للدكتور..
نصر:خيرها...
يعقوب:والله يابوطيف يكولون عدها مشاكل بالكلى..
نصر:لااااا لااا ماتستاهل خالتي ام الخبز الطيب..اليوم المغرب امرلكم اشوفها...
يعقوب:البيت بيتك..
وجان يرن جهاز تلفوني..
نصر:ياهلة ومية هلة هيج تبتعدين وماتسألين..شكم وحدة عندي ومااشوف الا يعقوب يأشر بأليد عشرة عشرة بمامعناه عندي غيرها عشرة
الحركة اللي سواها خلتني اضحك بصوت عالي
نصر:يلة حبي امرلج السبت ونطلع..
قفلت التلفون وكلت ليعقوب :ماتبطل همزين ماسمعتك..
يعقوب:خايب اانته بطل شلك بيهن ماتتزوج وتلم نفسك وابنك..عيب بابا كبرنا على هالسوالف..
نصر:اصلا شباب..وبعدين اني احب اطفر من وردة لوردة ..استنشقها واشمرها بالزبالة..
يعقوب:ولك اعراض الناس ديربالك لاتوكع..خطية بنات يمعود..
نصر:يابنات يمعود..هن احد داري بيهن ..لازمهن ..وبعدين هن يجن بأرادتهن ..
يعقوب:وانتة مسكين عاقل ماتسد بابك..
نصر:مااكدر موبيدي زير نساء ..وبعدين اني شمصبرني اسمعك..
يعقوب:لان خويك ولان اريد دوم محد يغثك ..دير بالك ع روحك الخاطري..
نصر:بدأ يسولف السوالف المااعرف اردهن..شوية شوية وابطل بس الكة المناسبة وابطل..
■درة■
شهد:دودو حضري نفسج باجر
درة:شكو باجر..
شهد:نضرب الدوام وياخذنا ابوالخط اطلع وياه..
درة:وانتي تكعدون سوية واني شأسوي ..
شهد:عود انطيج تلفوني حديث بي برامج ومفعل النت والتهي ..
درة:اخاف احد يشوفنا..
شهد:لاتخافين ..الخاطري مواعدني ع الزواج وحيل معجبة بي.ومصدكته اني..
درة:الله كريم..
☆بيت درة ظهرا☆
درة:شنو اليوم مسوين ثواب..
الاخ:اي مال امي ..
درة:تعيش وتذكر..خل اساعد
زوجة الاخ:اي عفية وهماتين وزعي للجوارين..
درة:من يكمل اوزع ..
♡بيت درة مجاور لبيت يعقوب ..♡
نصر:حجية ماتجين وياي
الام:وين وليدي خير
نصر:يمة ام يعقوب مريضة ولازم نشوفها..
الام:اي يمة واجب ..بس مانتأخر لان راح نعوف اختك بالبيت ..
نصر:ان شاء الله..
وفعلا وصلنا ودخلنا لبيت يعقوب واثناء الكلام..وانطرق الباب..
يعقوب:كوم نصر افتح بينما اجيب الضيافة..
الام:لاااا عمة ضيافتيش اكعد خل نشوفكم..
نصر:مشيت افتح الباب واذا بمنظر غريب اول مرة اشوفة..ام الصدرية لكن الله بالعباية..شكد تلوكلها العباية والستر..ومبين ماتعرف تلبسها لان كل شوية تلزم طرفها طرف الصينية لاتوكع..
درة:هذا ثواب على روح امي..
نصر:ان شاء الله واصل بس اريد ماعونين..احنه عائلتين..
درة:تفضل ..ومشيت ..
واني بقيت مرابط يم الباب اريد اشوف وين تدخل واذا احس بأيد تلزم كتفي..
يعقوب:عوفها ماتفيدك..
نصر:منية؟؟
يعقوب:اللي جاي تراقبها
نصر:وشمسوي..(بضحكة ماكرة)
يعقوب:بعدها طفلة لاتلوثها ..
نصر:عود اجيبلها قاصر وتنضف نفسها اخاف الوثها..
يعقوب:لاصدك داحجي بنية مستورة عوفها
نصر(مستحيل بنية تطلع من حلكي اذا مااغرد بكل اللي اعرفه عنها لكن من اجيت اسولف عنها انخرس لساني ماادري ليش ..ليش هاي ماكدرت اسولف عنها بسوء كدام يعقوب ماادري..)
★ثاني يوم ماكدرت اروح للدوام وكلت خل اراقبها★
درة:كعدت الصبح ماحطيت كل كتبي علويش هو اصلا اني مزوغة من المدرسة..
صعدنا بالخط ومن وصلو كل البنات تحججت شهد انه نست فد شي ولازم نرجع نجيبة من البيت حتى لايشكون البنات..
ابو الخط:اخيرا راح نطلع
شهد:اي حبيبي ..
درة جنت اكعد بالخانه الاخيرة العب بالتلفون واقلب بالبرامج وومامنتبهة او مسوية نفسي مامنتبهة لشهد لان كانو جريئين كلش وخجلت شوية بعدين نزلو يفترون
يفترون واني كاعدة بالسيارة واقلب بالجهاز..وبوحدة من البرامج شفت ولد داز صورته ورقمة لشهد وعجبني اجرب واخذت الرقم..
