Oops! This image does not follow our content guidelines. To continue publishing, please remove it or upload a different image.
الجزء10
بقلمي السيدة العلوية
من وصلنا قريب الشارع ..نزلت ..مكسورة..مجروحة واي كسر اعظم من اللي اني هسة بي..شيجبر كسرتي بعد..ولاول مرة بحياتي وبلاوعي باوعت لنصر واني راسي للكاع:دخيلتك..لاتفضحني
نصر:جبل جليدي قطعني نصفين من سمعت هالكلمتين..موهي ابد مو هي باوعت عليها خفت لاتكون تمثل ..لكن شفت كسرتها وانخرس لساني وماكدرت انطق بمجرد ماابتعدت ومشت اني حركت السيارة بسرعة ..وصلت لمكان شوية فارغ ووكفت..واحس شلال من عيوني انفتح ليش هيج ..عمري مااهتميت لوحدة مثلهن اني يلعبن ويتفاخرن بالحرام واني مثلهن لكن ليش هاي كسرتني باللي صار وياها..تنفست وجريت نفس بصعوبة وبعدها رجعت للبيت
نصر:يمة انطيني حب وجع راس ولحد يكعدني..
الام:خيرك..
نصر:سلامتج وصعدت نمت واني كتلة من التعب ..الصبح خابرت على يعقوب كتلة ياخذلي اجازة..
بوقت الغدة ..كان الكل مجتمعين واني ملتهي بالاكل لكن كلت :بابا اني نويت اتزوج واختاريت وحدة..
الاب بذهول وهو يفكر بداخله(عفية عليك يعقوب قنعته):مناسبة لو لا؟
نصر:اي بابا بس ترى زغيرة كلش..
الاب:تدري بيك متزوج؟
نصر:قصدك منفصل لااا ماتدري اني ارتب الوضع وية اخوها وابلغك..
الام:شوكت اشوفها ..
نصر:بس ارتب الوضع والله كريم..
درة:من رجعت واني وضعي مو تمام وكل شوية واحس مصيبة راح تصير مالي رغبة باي شي وبلا اكل..اخر شي تخربطت..
↑نعود قليلا لنصر↑
قبل المغرب بشوية رحت لبيتهم ودكيت الباب ..طلع اخوها..(اوف لو بيدي الا اشبعك كتل غافل وماتدري ):السلام عليكم..
الاخ:وعليكم السلام..
نصر:بيت ابو ...
الاخ:اي نعم ..تفضل..امر خدمة..
نصر:ممكن نتفضل جوة الموضوع مو مال وكفة بالشارع..
الاخ:اي صح..تفضل تفضل..
نصر:راح دخل يجيب شي يقدمة واني اباوع لكل ركن من البيت احسها هنا تكعد هنا تفتر..بيت متواضع
لكن حلو ومرتب..
الاخ:تفضل ..اشرب..
نصر:خوية اني جايك بموضوع وجاي على سمعتكم الطيبة (بداخلي اي كلش كلش)وكالو عدكم بنية واني اريد اتقدملها ..
الاخ:انتة فاجأتني وبلا زغرا بيك..انتة منو من ياعمام شتشتعل..
نصر:سولفتلة كلشي عني وشفته انعجب بية وتوة يريد يرد واذا اسمع صريخ جوة ..كام ركض وعافني..اني بعد ماكدرت اسيطر على نفسي ..خووف وقلق ..اكيد درة بيها شي..
قويت نفسي وصحت باسم اخوها : اكو شي خوية صاير شي ..خوماالعائلة بيها شي..
رجع اخوها :اي والله خوية الاهل متخربطين تكدر تطلع وياي ناجر تكسي للمستشفى
نصر:روح جيب الاهل اني سيارتي برة..
طلع واشوفة شايل عصفور ..درة متكورة بين ايدة ووجها اصفر ..انتبهت للقيادة واغلي بداخلي واكول{اووف لو الزمك الا اخلي وجهك خريطة ولك يااخ انته متكلي اوففف هذا اهمالك..اشرب بالعافية}
دخلو واني كان مستحيل اكدر ادخل ..بقيت برة وكلتلة راح انتضركم برة ماراح اعوفكم..
بقو لل12بالليل ..
درة عدها هبوط وشاديلها مغذيات ومسوين اللازم..وصلتهم للبيت وانطيت رقمي لاخوها حتى يرجع خبر بالرد مالته..
درة'كعدت تعبانه وايدي توجعني من المغذي..لكيت نفسي بغرفتي . نمت وماحسيت بروحي..ثاني يوم كعدت..
زوجة الاخ:صباح الخير شلون صرتي..
درة بعيون مستغربة:الحمدلله..بس كلش جسمي ناحل وايدي توجعني..
زوجة الاخ:من الابر اكيد ..حيل خوفتينا عليج البارحة..والله ينطي الولد وهمزين عندة سيارة وكدرنا بسرعة نوصل للمستشفى..
درة:ياولد؟ وقلبي مقبوض
زوجة الاخ:مااعرف ولد البارحة اجة المغرب وكعد وية اخوج كعدوا يسولفون وانتي وكعتي ونقلناج للمستشفى..
