حب في الذاكرة

شقاوة طفلة وبداية قصة

ظلت ابتسام تحجيلي عالبيت واوضاعة والولد كلهم طشرو من كاظم وعلاء الي سافر وواىل بكربلاء وصفت بس هي وخالتي وكاعده واداريها وكاظم ديمشي بااجراات الطلاق مشاكل هو ومرتة من مات علي لحد هسة.
دلشاد: سبحان مغير الاحوال جان يتعارك ويا علي عمود مرتة .ابتسام :هو هم يكول الي بية .حوبة علي طلعة بية مشاف راحة. بيني وبينج احساس الذنب ذب الصوج كلة بمرتة وهي طكت روحهة وهجت.كالتلة حكي بركبتي وهاي عافت هالجهال بركبتي احمد وزينب .دلشاد:اوي حبيبتي شكدوتهة ولابسة حجاب. ابتسام: مو تعرفين كاظم ميتفاهم يكول كبرت هي جكد عمرها مابيهة تسعة باوعت ع رزكار وجان يلعب وياها وفرحان مشايف وديعلمهم شون يرتبون الاشكال واجة ابن الجيران وظل يضرب بيهة رزكار لزم ايده وكاله stop ودفعة وبدت عركة طلعت ع صوت الجهال ورزكار يدردم وزينب تصيح عمة عمة واحمد يفاكك طلعنا دنشوف سالت رزكار كالي ع هذا الطفل شون يضرب زينب وهي كعدت تدافع عنة .فجاة تاخذني ذكرياتي واسرح بطفولتي (دلشاد:رجعها الي رجعلي مطارية وواحد يشمرها عالثاني واني اصيح وشافني علي اجة ركض رجعها الهة ولك لااكسرك وكعد يتعارك وياهم وهم ٣يضربون بي واصيح عليهم وشكوو قميصة شلت خشبة من الكاع واستلمتهم ضرب عوفو جلاب حقراء وكامو يونون من الوجع وواحد منهم انكسرت ايدة ودزو ع اهلنا بالمدرسة جان علي مشكوك قميصة وخراميش بجسمة واني صدريتة مرغلة بالتراب وشعري منكوش والدكمة طايرة ودونا للمدير وكعد يحجي علينا ودز ع امي وام علي يجون للمدرسة.لان ابو الطالب اشتكى للمدير ومن سالونا من ضرب الطالب ٢كلنا اني .باوعت ع علي وباوع علية .لا مو انت اني علي مو هي اني ضربتهم لان جانو يتحارشون بخطيبتي. الكل ضحك عالحجاية والبراءة بوكتها جانت حيل حيل حلوة.دلشاد:ومن كال اقبل بيك اني لا مااقبل ازوجك .زاد الضحك وحتة ابو الطالب نسى الموضوع وابنة يون وكالة :يعني هسة ليش سويتو باابني هيج بابا دلشادوعلي سوية :لان يستاهل بيومهة انفصلنا ٢ وخالة ام كاظم توسلت بالمدير بس هاي مو اول مرة يجي طالب مضروب ويشتكي عليهم .احسن شي ينقلون كل واحد بمدرسة عمود نخلص من المشاكل وهيج مشفتة لعلي ولاشافني وصرنا كل واحد مدرسة جنا سادس ابتدائي وكتهة اني امي اخذتني يمهة بمدرسة يم الداىرة مالتها وعلي سجل مدرسة مال ولد ظليت بس اسمع صوتة واني بالمطبخ مطبخهم قريب ع مطبخنا وغرفته فوك قريبة ع غرفتي بينا ممر صغير كلش بين الغرفتين.رجعت ع صوت رزكار mamy I want to go home
دلشاد:حبيبي هسة نروح بس انتظر شوية .
ابتسام :كتلج والله مطلعين خل اخابر هاي المرة تنظفلج البيت وترتبة وانتي ابقي عما يخلص يمي والله ضايجة وطالعة روحي من كعدة البيت خليج مونستنا والله غرفة واىل فارغة نامي بيهة انتي وابنج والله صعب اسمه حنونة مالكيتي غيرة تذكرين.تذكرين من جان علاوي يقلد ع اسمج ضحكت لما ذكرت جان علي كل ميشوفني يكلي جتي الصخلة دولي واكعد اركض ورا واشمر علي حجار ومرة من المرات فشختة وكاظم تعارك ويا امة تهد ع امي يومية مسويتله عاهة ودمة بطولة
ام كاظم:لك يمة هاي جار العمر شتحجي وذولة جهال يومية يتعاركون يتصالحون عيب وفشلة تحجي ويا الجار هيج احسن شي بعد ميلعبون سوا و كلمن بمدرستة.وتجي تالي نهار تعبانة خالتك وجهالهة.
ابتسام:ها اكيد ذكرتيها جانت ذكريات حلوة وجان يشمر حجار ع بيتكم ورا المدرسة عمود طلعين وابوج يطردة لكم والله خبلتونة وانتو صغار.
دلشاد:ياريت ترجع هالايام ونظل صغار منكبر ولانهم تعبت ابتسام تعبت الغربة هدتني مشفت الفرح .
ابتسام ورا مرحتو انتي وزكريا علي انكلبت امورة وكام ميحجي ويا احد وقلت مشاكلة ويا كاظم وكام يروح لشغلة ويرجع ينام وميشوف احد وبيوم الي توفى كاللهة لاامي ابريني الذمة ولاتبجين علية اني رح اكون بخير بس ادعيلي الله يسهلي امي كالت عبالك كلبة علمة رح يموت بس امي بيهة واهس من مات هسة تجي مرتة وابنة لهذا لزمتج وحضنتج تعرف جكد حبج علي ورادج الة اعذريني دلشاد يمكن ضوجتج بالحجي بعد الي صار اكيد مالي حق ادخل بحياتك بس شوكت زوجتي وابنج هذا شوكت اجة .
دلشاد:الحياة تستمر ابتسام صح بدون الوان بس مصيرهة تمشي .مشاعري لعلي منقصت يوم زادت ويوم على يوم احسها بدت تحيطني وتكطع نفسي (الحجي هذا جان بداخل ردت اكولة وسكتت لازم ابلش اجراات اثبات النسب واطلع جنسية لاابني واخلي يتعرف ع اهل ابو قبل مارب العالمين ياخذ امانتة .
ابتسام صدك رتبتلي غرفة واىل جانت فارغة بس سرير وكنتور وكلتلي صفطي هدومج بالكنتور لان ماكو احد بالبيت بس هي وخالة وكاظم يخلص اجراات بكربلاءويبيع البيت واجراات الطلاق ويجي ياخذ جهالة .ابقي شفتي امي جكد فرحت بجيتك الله عليج ابقي.
دلشاد:تسلمين حبيبتي بس عندي كم شغلة واروح والله يسهلي .
ابتسام انتي كلتيهة ابقي لعد عفية لاتروحين وسولفيلي ع حياتك وشون عايشة زكريا وين صفة بيه الدهر.سولفتلهة ع زواجه وعاىلتة .
ابتسام:من زمان مبين يدور حلوات هو الله يسعده .
ظلينا نسولف بغرفة واىل وخالة كل شوي تطل علينة دتتاكد موجودين لو رحنا وتبوس رزكار وتروح .نامت .ونام الكل طلعت اغسل للحمام .غرفة واىل بصف غرفة علي .فتت من يمهة وجدد حنيني واشواقي جرتني رجلي ودخلت بغرفتة وجانت كل غراضة مثل ماهي وصورة كلها حاطيهم بالغرفة كلتلي ابتسام دخلناهم حتة امي متنقهر من شوفهم.فتت كعدت ع كرسية هدومة بعدهم بالكنتور مصفطات شميت ريحتهم ماظلت ريحة راح عطرة واختفت ملامحة مبقت غير صورة بذاكرتي واخاف لاتختفي ويا مرضي بدا ياكلني يارب ثبتني لحد مااهل رزكار يعرفو ظليت ادور بغرفتة وطلعت دفتر ذكرياتة جان يموت عالشعر ويحب يكتبة جان يحب نازك الملائكة ويحب اشعارهة وعلى حبة حبيتهة وكعدت اكلب صفحاتة:
يا ظلامَ الليــلِ يا طــاويَ أحزانِ القلوبِ 
أُنْظُرِ الآنَ فهذا شَبَحٌ بادي الشُحـــــوبِ 
جاء يَسْعَى ، تحتَ أستاركَ ، كالطيفِ الغريبِ 
حاملاً في كفِّه العــودَ يُغنّــــي للغُيوبِ 
ليس يَعْنيهِ سُكونُ الليــلِ في الوادي الكئيبِ 

هو ، يا ليلُ ، فتاةٌ شُهد الوادي سُـــرَاها 
أقبلَ الليلُ عليهــا فأفاقتْ مُقْلتاهـــــا 
ومَضتْ تستقبلُ الواديْ بألحــانِ أساهــا 
ليتَ آفاقَكَ تــدري ما تُغنّــي شَفَتاهــا 
آهِ يا ليلُ ويا ليتَــكَ تـدري ما مُنَاهــا
بعد الغياب عفت طفلة مشاكسة افترقت عنها اليوم فتحت باب هواها ودق قلبي لجمال العيون اه جكد صارلي مشايفهة شلون حب طفولي ينقلب بيوم وليلة وادك الباب (وكتة زكريا كبر وطلعاتة وطباتة كلها ويا علي وجان ثالثهم مراد هذا الولد كسرت ايدة من جنا صغار)منو عالباب؟فتحت جان علي بوجهي كبران وسمنان وتوا ديكولي الكلمة داىما يكولياها واني جنت اضربة بسببهة هلو حنين شونج .!دلشاد :عمة بعينة حتة اسمي محافظة .دلشاد اسمي دلشاد احفظة زين . علي:عمي .تيشرت زكريا موجود .دلشاد: لامموجود بعصبية وسديت الباب بوجهة حيل وظليت متضايقة منا.رجعت اقرا صفحاتة حبيت الوجه ويامحلى عيونهة الحلوات واحلى شي من تتعصب تورد الوجنات حبيبتي القلب السعيد. جانت الغرفة مليانة تراب ودموعي ظلت تنزل واني اذكر واقرا .ايامي ويا علي مستحيل انساها.اكثر شي جان يااذيني من جنت اسمع يتعارك ويا كاظم واسمعة يكتلة وصوتة يطلع جنت احس يدك بكلبي واكعد اتوسل باامي يعوفة تعرفني قلبي ميتحمل اذى ولايتحمل ظلم علاوي جان يتيم ابو مات ورا سنة من ولادتة وكاظم اخو الجبير وجان حيل قاسي بكلامة جان من يتعارك ويا كاظم ويركض ورا يكمز ع بيتنا وبيوم من الايام شباك زكريا مسدود والبيت فارغ بس اني بي وامي وابوية بالدوام وجنت غاسلة واشوف خيال بغرفتي خفت اكو ايد انمدت وسدت حلكي..