حب في الذاكرة

علمني حبك

دلشاد :تركني علي لوجعي وهو يعرف انو اقسى شي يأذيني بعدة عني وفهم تعلقي بي وحبي تهور مني يمكن صدك الخطا خطئي لان علي بالنسبة الي حياة بحد ذاتها ويا انسى كل شي اتذكر بس انو ملكي .ملكي انا لوحدي.ماافكر انو هذا عيب او حرام اصلا عقلي مشوش دائما لمن اكون موجودةويا .يمكن فهم تقربي الة خطا وحالة حال اغلب الشباب ياخذ نظرة عالبنية اذا سلمت نفسهة لااحاسيسهة .وسط الغربة جنت عايشتهة وسط اوراقي احس بمعركة داخلي عقلي يرفض وقلبي يستسلم وبالاخر اتعب واستسلم لدموعي ووجعي وهل هناك اقصى من وجع الحب .لايعرف وجعة اله الي ضاق حلاوتة لهذا امي جانت دائما اكول البنية مثل الثوب الابيض اي كلمة تعكر صفو بياضها لهذا الوحدة من تزوج تحس بحلاوة الحب اضعاف احساسها لمن تعيش احساس الحب وتتعذب بي .بهاي الليلة نمت فوق اوراقي ودموعي على خدي حسيت دقات عالشباك مدري جنت بحلم لوعلم وسمعت صوت خافت.
حنون ..حنون..مااوصفلكم شعوري بذاك الوقت كعدت من النوم وجانت اكو ورقة لازكة ع خدي.
دلشاد:عفية عليج انتي لج عقلج وينة هسة كمتي تتخيلي خل اكوم.زادت الدكات ع الشباك .لج حنون هذا اني افتحي ...علي
دلشاد:لا هذا مو خيال حقيقة🤔
رحت للشباك فتحتة لكيت علي عابر عالسياج ويدكدك.علي
دلشاد:شجابك هنا ؟
علي:افتحي الباب اول..
دلشاد :لاماافتحة رووح بيتكم يلا..
علي:دلشاد فتحي الباب بسرعة..
دلشاد :كتلك مرح افتحة رووح لاالم الجوارين عليك ...
علي : هيج سووين بية حنون..
علي:ظليت اتوسل بيهة متفتح حسيتها زعلت مني اخر مرة من صرت عصبي عليهة جان لازم اراضيها وكتها تعبتني بدلالهة ..
دلشاد :ظليت انتظر يروح وقلبي يقولي روحي يلة فتحيلة هذا حبيب القلب شتنتظرين بس جنت حاقدة علي فجاة سمعت صوت ونة وصوت علي كاعد يتوجع الظاهر وكع يو نسيت هو مسوي عملية فتحت الشباك بخوف علي .علي شفتة مدد عالكاع وحسيتة كاعد يتوجع رحت ركض لباب الممر فتحت الباب بسرعة .علييييي. حنون ..انت كاعد دتتوجع انت مخبل حتة خيطك مفاتحة شجابك انت ..
علي:كلبيي جابني .مكدر يتحمل فراكج..
دلشاد:هنا عقلي تبخر ونسيت كل العهود قطعتهة على روحي دخلتة جو وكعدت اعقم الجرح واضمدة.
علي:تعرفين احسن شي بالزواج من وحدة طبيبة .دلشاد شنو وجان يتوجع.. علي: متكلف فلوس ..يعني ميحتاج اروح طبيب واحير زوجتي موجودة..
دلشاد:زوجتك مو وضربتة ع صدرة.
علي:اااااخ .يابة
دلشاد:اسفة 🤕.اسفة🤕.حبيبي وجعتك
علي:هههه.شنو من كلب عندك حنون انيالي ربي جكد يحبني وعوضني بيج .
دلشاد:مبين حبك من الرزالة رزلتهة الي اخر مرة وعفتني..
علي:وانتي ليش تفهميها رزالة فهميها نصح.
دلشاد:شون يعني؟
علي: اتجة عالكرسي .اااخ .ولزم جرحة .كلي حبي اني اريد ام جهالي صير شديدة وتلتزم بكل شي مااريد تجي عليج حجاية وانتي مو يمج تاخذين الناس ع نياتج ومتهتمين شيحجون .انتي جوهرتي مااقبل احد يمسك بكلمة دلشاد اوعديني حبيبتي تكونين كد ثقتي بيج واني متاكد اذا رحت ورايا رجال مو مرة داري غيبتي وتحفظ جهالي خصوصا واني عسكري يعني انتي رح صيرين امهم وابوهم واغلب مسوولية عليج.
دلشاد :تعرف ماعندي شي اني تلقائية وتصرفاتي عفوية ومااعرف اكذب.
علي:لهذا .. اني احبج وحلفت ماالمسج الة صيرين حلالي ذاك الوكت انتي كلج الي تخلص هاي السنة ارجع احجي ويا ابوج اخطبك واحسن كدام الناس مو بالبوكة.
دلشاد:حجية اثلج قلبي وعرفت احساسي عمرة ميخيب حب علي الي جان طاهر ونظيف وصافي يمكن الحب هذا انقرض .انقرض خوف الرجال على حبيبتة حتى من نفسة .واحساس الخوف والحب زاد اضعاف ورا هاي الفترة طبعا علي علمني على كل شي وظل يحجيلي قصص حب الانبياء لزوجاتهم .صوم صلاة وحتة كلت اذا تخرجت اتحجب عمود علي لا رب العالمين يكون راضي عني هيج علي كلي خلي نيتك صافية ويا رب العالمين وهو مرح يتركك ابداا. جنت اسولف وخالة ام كاظم تسمعني وعيونهة دموع موكفت .اخ .يمة .اخ .اخ يمة عليك يلي متهنيت بشبابك ولافرحت بمرتك ولاشفت ابنك . سودة علية يمة يابعد بيتي ياكسرة ظهري عليك ساعتها حضنتها لخالتي وخلينا جروحنا على بعض وظلينا نبجي ونسولف هي تحجيلي بيتهم صار واني احجيلها الاحداث صارت.
دلشاد: وراهة اتفقنا نبقة ع حجي ابوية واتفاقنا نتشاوف كل شهر بالاجازة ونسولف لبعض هو التهة بتدريبة ودراستة واني هم التهيت بالدراسة خلصت السنة والسنة بعدها ع نفس المنوال حسيت روحي انسانة جديدة روحي تغيرت تصرفاتي حتة شخصيتي تغيرت وتحولت ذيج البنية البريئة الى رجال يعتمد عليه ههه مثل مكال علي مرت هاي الفترة بساع وهاي السنة علي يتخرج واني السنة بعدهة اتخرج يعني حتة لو زوجنا سنة جاية سنير بالمستشفى اغلب دوامنابالمستشفى يكون ورا متخرج علي واجة زارني شاف انسانة جديدة واني شفت فارس احلامي هيبة وحلو ويامحلا البدلة العسكرية وعيون الكلية كلها علي طبعا ذاك الوكت الضابط فد شي كلش حلو من شفتة تقدمت بهدوء وتواضع وسلمت علي .السلام عليكم .
علي:تفاجات لمن شفتها حيل متغيرة وهديانة باوعت منا منا ومن وراهة .
دلشاد :شكو .شدور انت 🤔
علي:بلا زحمة عليج اكو وحدة بكليتكم مخبلة وقزمة هلكدتاة اسمها حنون تعرفيها 😃.
دلشاد:لا والله اكو بنية اسمها دلشاد واكفة كدامك 🙄.
علي:صدك...معرفتج شنو انتي تخبلين حبيبتي انتي ..
دلشاد اليوم نرجع سوا ونفاتح عمي بموضوع زواجنا وانتي مبقالج شي .خ ننجمع عاد واني عن نفسي مرح اكعد ويا اهلي نكعد بيت وحدنا لما نحصل كاع ونبني وحدنا.
دلشاد:ماشي حبيبي اروح للقسم الم غراضي ونطلع .رجعنا لبغداد وطول الطريق بس اشم ريحة عطرة من بعيد .وهو كل شوي يباع ويضحك جر ايدي خلاهة جوا ايدة وكالي شكلج نعسانة يلة اغفي حبيبتي كلها ساعات ونوصل وصيرين مرتي .جان بالراديو فاتحين اغنية تركية قديمة حلوة اريد اذكر اسمها مااعرف بس اعرف ادندندهة بس حبيتها حيل وكل مااسمع نغم حزين يذكرني بي وبحبة وحنيتة ..
ياحبيبي ياعلي ياعيني جكد تحمل وشاف ربي يرحمة ويسكنة فسيح جناتة ربي يتقبلك شهيد ويسكنك ربي جنات .جانت خالة تترحملة .بس اني احساس داخلي عمرة ممات عمرة ماغاب عن عيني لحظة جنت دائما اراقب الباب او اكعد الصبح بلكي يفتح الباب بلكي جنت عايشة بكابوس وراح .بس نفسي تريد شي عقلي يرفضة لان مموجود .اول مرجعت للعراق والمواجع هاجت عليه .اووف ياربي .يارب اجعل لي مخرجا .ظليت حاظنتة طول الطريق ع الرغم جان متعب بس مردتة يخلص كعدت لكيت علي مغطيني بسترتة وصلنا ساعة تسعة بالليل للبيت واستقبلنا بابا صح اتفاجا بس من شاف علي بالبدلة فرح كلش شكلة هيبة وحلو واكيد متغير مو ذاك العلي الطايش...
تفضل.تفضل.. ابني..
للقصة بقية .