حب في الذاكرة

لو انك لم تقل..؟

من شفت علي مدد عالسدية وكلة دماية مااعرف شنو احساسي بذاك الوكت .دموع على رجفة ع تعب اريد اوكع بس علي فوتي غرفة العمليات ابوية جان ع قاىمة الاطباء المشرفين عالعمليات ومن اشهر اطباء الجراحة العامة  جانو يريدون يوكفون النزيف لاتنضرب الكلة لذا قررو يبترون الرجل ويوقفون النزف ساعتها انهاريت معناهة نهايتة العلي .بابا الله يخليك لاتبترهة ارجوك بابا لادمر مستقبلة .كالي ابوية د.دلشاد :هنا حياة مريض ولازم نركز ع انقاذة الشراين اكيد صار بيهة تلف.حتة لو بقت ميكدر يمشي عليهة .بابا ارجوك ذكرتة بحالات مشابهة الاطباء يربطون الاوعية الدموية الشعرية الصغيرة مابالك الشراين والاوردة .صفن ابوية بية واشرلي باابهامة اعجاب و د.صفاء كالة بنتك الها مستقبل باهر احسنتي .
دلشاد مستقبلي ويا علي مااريد غيرة .طبعا ساعتها انجطلت بصفة وتبرعت اله بالدم لان جان اكو شحة اصلا بالدم .لهذا كملت العملية وطلع سلامات وقف النزيف واني وراهة اغمى علية من التعب ولان تبرعت بالدم. ورا مكعدت ركضت على علي جان بعدة نايم وخالة جانت جاية وكاظم وابتسام.
كاظم:ها وينج خاتون ..رجلج هنا وانتي ماكو يمة محد علمج المرة لازم تكون ويا رجلها بهيج مواقف مااعتب عليج اصلا منو عندك يعلمج.ظليت صافنة بي سلمت على خالة وبوست ابتسام وكفت يم راس علي ودخل د.صفاء ديفحص علي وسلم عليهم .تشكرو من الدكتورة دلشاد لوما كفاءتها وذكاءها بالتصرف جان كصينا رجلة.بالاضافة ذلك نامت نص العملية مدت ايدهة تبرعت لاابنكم.
خالتي دمعت عينهة .ادري دكتور هي بنتي اصلا .ومو غريبة عليهة بعد رجلهة غير.
لا. د.دلشاد انتي مزوجة والله مااعرف.
كاظم :بعصبية وهسة عرفت هي مرتة خنزرت بوجهة وطلعت ويا الطبيب. اسفة د.صفاء اكيد متوترين بسبب ابنهم .
د.صفاء:لايمعودة يومية اشوف اشكال الوان .بس انت اول متتخرجين بوجهك للمستشفى مالتي لاتنسين .دلشاد:ماشي دكتور.
رجعت يم علي بدا يصحصح .
علي:حنين  حنين ردت اموت بس رجعتلج رجعتلج وكلت ربي طلعني منها بس خاطر مرتي وامي .لج دلشاد موت احمر والله متت وجماعتي ماعرفت جثثهم ماعت من العنقودي ذبو عالمطار .
دلشاد: علي معليك بغيرك المهم انت طلعت .بهاي اللحظة حاسة بمشاعر الناس ماتو اولادهم.صح المصيبة ميحس بيهة الا صاحبهةواني مصيبتي مصيبة مابعدهة مصيبة .خلص اسبوعين علي ميحس برجلة ميتة وهو راسا انهار وتعب .
كاظم : صوج مرتك هي كلتلهم لاتكصوهة وشكلوهة هيج شون مجان.
دلشاد انت شدتحجي شعدنا احنة نلزك.
علي :صدك رادو يكصون رجلي؟
دلشاد:علاوي  حبيبي معليك بحجي كاظم انت رح ترجع تمشي بس يحتاجلك علاج طبيعى.
علي: الحمدلله على كل حال .شكرا حنون لان مخليتيهم يكصوهة جان متت من القهر.
دلشاد:سلامتك حبي ان شاء الله تكوم بالسلامة وترجع احسن من اول المهم مترجع للجيش.اكيد وراها بيومين بغداد سقطت بيد الامريكان وبدت الحواسم والسلب والنهب والثارات انهجم البلد  ظليت ويا علي لحد مبدت عافيتتة ترجع ورجع الحمدلله مشةوبدا يدور شغل
بسنتهة تخرجت وجنت اروح وارجع ويا ابوية جان تطبك علينا سيارتين سودة خطفونة واخذونة للمجهول...
ابوية جان يتوسل بيهم عوفو بنتي واخذوني شتريدون انطيكم بس عوفوها...
لا. لا هاي متوصي عليها بالاسم
ابو زكريا:الله يخليك ابني شتريد انت بس هد بنتي وخليهة تروح لحال سبيلها .
دلشاد :توسلات ابوية بعدها طن بااذني لحد هاي اللحظة مرت ايام مجنت اعرف ليلي من نهاري واشوف ابوية تعبان بالنهاية هو رجال جبير ميتحمل لااكل ولاشرب حضة السيء لو حضي اني الي بي اني سببة .بهالاثناء علي وزكريا ومراد جانو يدورون علينة مخلو لاطب عدلي لامراكز شرطة حتة منظمات انسانية سجلنا بقاىمة المفقودين وبدو ييااسون يلكونة جانت عيني طول الوقت على ابوية وبلحظتها شفتة بدا يفقد واني مجتفة مو كادرة اساعدة من التعب جان نايم وهو كاعد ومدنك راسة يابة سامحني اذا دنكت راسك بسببي جانت دموعي تجري وراهة فكو الحبال وشالو العصب عيوني مجنت اشوف بيها جان مكان اظلم ومااعرف ليل لو نهار ماكو حس بشر بالمنكطعة ابوية هبط ضغطة وكعد يوصيني ع زكريا وعلى نفسي .
ابو زكريا:دير بالج على اخوج وعلى نفسج اذا الله كتبلك لاتبقين بغداد سافري بنتي هذا البلد مو انة صار وقنعي رجلج هم .
دلشاد :بابا لاتحجي هيج حسك بالدنيا ربي مايحرمني منك ولا من وجودك ...
ابو زكريا:العمر اله حوبة قابل جكد ريد نعيش يعني اول وتالي ربج لازم ياخذ امانتة بنتي البلد انهجم ومرح ينعدل تالي صار بيد الحرامية . تعرفين دلشاد عمج ابو كاظم جان صديقي المقرب جنا كلة سوا مخلينا دكة مسويناهة بشبابنا شون علي و زكريا الله يرحمك احمد نعم الصاحب انت الله يرحمك فجاة سمعنا صوت طلقات وصياح فوت طكهم وخل روح يلا منا الامريكان جان ابوية بدا يفقد شوية واني جنت كاعده وانتظر يومي تشاهدت سمعت واحد كالي تفضلي حنون هاي هدية من يحبها كلبج تشاهدي على روحج من مسافة غمضت عيني وسمعت صوت الطلقة وركضو سمعت وقع اقدامهم طلعو حسيت وكع علية ثقل واسمعة لك غبي مدبرتهة انت امشي يلا امشي لايكضونة الامريكان فتحت عيني ومااشوف الا ابوية وكع علية واستشهد بيومهة وكسر ظهري للمرة الثانية فاتو الامريكان ولكوني حاضنة ابوية ونقلوني للمستشفى المسلحين ٢نكتلو وواحد صوب ولزمو ا اما اني فما حسيت بشي واحس صوت الطلقة بااذني كل مااغمض عيني اسمعة وصل الخبر لزكريا وعلي وجووي للمستشفى زكريا اول مشافني حضني وكعد يبجي ويايا وجنت مكسورة مكسورة نفسيا لك زكريا يعرفوني كالولي متقصديج مراقبيني حتة يعرفون اسمي حنين شكد قريبين ومحسيت بيهم .وظليت ابجي علي جان يوضع الصدمة مسمع من كلامي بس ،كسروني، وباوع بوجهي وكالي سوولج شي ذولة الحقراء لمسوج احجي ..احجي. لج باوعت بعينة وظليت ساكتة زكريا جرة برة وجانت عيونة مدماية من الوجع على ابوية اخذ الرصاصة بدل مني يعني جان متت اني وعلي يسالني سوولج شي.
زكريا: علي طلك اختي .طلكها هسة وكافي الي اجانا بسببكم .
علي :بسببنا ليش؟
دلشاد كالتلي العصابة كالتلهة هاي هدية من يحبهة كلبج حنون ...
يعني منو عندة عداوة ويريد يخلص .علي طلكها وخليها ترتاح كافي العذاب شافتة ....
علي عفتة ورحت معرفت اجاوب يعني معقولة .معقولة كاظم توصل بي هيج لامستحيل مو قاتل هو .لا مو قاتل مرت ٣ايام اني حبست روحي بغرفتي وظليت صافن بالحياطين معقول جنت حقير ونسيت حنون شكد وكفت وياي وجكد ساندتني خلتني اوكف على رجلية.واني من موقف خنتهة جان صحوة الضمير متاخرة من رحت للمستشفى لكيتهم طالعين .مخليت مكان مسالت بي عليهم لاخليت شمال لاموصل حتة بيت خالتهة وهم هم ميعرفون وينهم .حسيت بكسرة كلبي شكبرهة. اسف  اسف حبيبتي ظليت ارددها بلكي تسمع بلكي ترجع بس الاوان فات وحبيبتي خلص عافتني وراحت بالاحرى كسرتهة بكلامي وهجرتني...