اكرهة وغصبوني عليه عنوان ل قصتين باللهجه العراقيه

البارت الرابع

مساء الخير
قصه لذكرى المندلاوي
اكرهة وغصبوني عليه

انصدم سعد  لجراءة زوجته امل هي مجانت تتجراء تحجي ويه اي واحد من اهل البيت حتة ولو اصغر منهة بس الظاهر هذا امير ماثر بيهة هوايه ويمكن السالفة كبرانة وﻻزم يلكي حل للموضوع
سعد كعد ويه ابوه وفتح موضوع امير
صاح عليه وانته سويتله
مرديت عليه
شنو شتريد اتكله 
مااعرف
صحيح امل متعرف بعدهة بلموضوع وحتمن تعرف هيه زوجتك على سنة الله ورسولة
الاب
خوش باجر عيد وراح اعزم عمامك وعوائلهم ونفتح الموضوع وياهم علمود نحدد موعد العرس
سعد كان رأيه غير رأي ابوه

بس اني مااريد اتزوج هسة اني اشفت من حياتي وامل بعدهة صغيرة

وهنا رد عليه ابوه وهو يصرخ بوجهة
اللبنية مو صغيرة كبرت وصارت مرة هي كاملة مكملة وامير مو اول واحد يجي هواية من العشيرة رادوهة  وكالت اذا سعد مرايدهة وموش  كدهة احنة ناخذهة الولدنه اولهم ولد عمك امل حلت بعين الكل
وكاموا يطمعون بيهة وبورثهة
سعد بس
اني مااريد اي ورث وممستعد هسه للز واج
ابو
اذا مرت اللخ عدت هاي الحجاية ﻻ انت ابني وﻻ اعرفك وراح اكسر عصاتك شتريد يكلون علي ابنه مو زبمه وكد كلمته ؟؟؟؟

سعد راد يكمل وينتظر امل تكبر اكثر وترضة بي كزوج مراد يغصبهة بس حجاية ابو جبيرة
وبلاخير وافق على حجاية ابوه غصب عنه

اول يوم العيد مثل مكال جعفر عزم اﻻهل وذبح الذبايح
والنسوان تطبخ بلمطبخ وتتهامس بيناتهم عل الموضوع
كلهة تدري الة امل المسكينة متعرف شنو القصة
اليوم مرت عمهة جانت زينة وياهة اشترتلهة نفنوف كلش حلو كصير وابيض ﻻك لامل وطلعت مﻻك من صدك وشعرهة
اﻻصفر وعيونهة العسليات  تبرز جمالهة وتزيدهة جمال تفاجئت لمن جابتلهة خلود ذهب ولبستهة  وكالت هليوم اجة وكتهن مفتهمت شنو الموضوع يمكن كلبهة ﻻن اخيرا عليهة

صاحت بنات عمهة يمكلجولهة
بعد مااكلت الزلم وشربوا الجاي
فتح ابو سعد الموضوع وكال
انتو اتعرفون من زمان هي وياه بحكم المتزوجين واحنا كلنة لحد ميصير عمرها 18سنة بس اللبنية مو مثل الولد تكبر  بسرعة وخطابتهة هواية واني اريد اليوم انهي الموضوع ونحدد موضوع زواجهم وسعد رجال وكدهة  وميريد بت عمه تروح لغيرة

عمي البنية كبرت صحيح بس هي راضية بسعد ؟؟؟

صاح جعفر وانت ياهو الحجاك صاير زلمة وتقاطعني وترد عني
حجايتي
اني هم  ابن عمتهة  مو بس ابنك سعد واريد مصلحتهة واشوف لازم ناخذ رايهة وخليهة  بكيفهة تختار
وكام عليه ابوه وراد يضربه لوﻻ سعد
عوفة عمي بعدة صغير وميعرف لكعدت الشيوخ
رد عليه بغضب
انت الصغيرررر
وهنا كام سعد وراد يضربه لوﻻ البقية فكوهم
وطردوا وهو يصيح علمود الورث حسبي الله ونعم الوكيل
وهذا الشاب جان ابن سعاد خالد

صاح جعغر علة امل ودخلت وهي متعرف شنهو القضية وكلبهة يكول مادام اجتمعوا ﻻزم راح يفتحون موضوع يخص زواجهة لعد ليش صاحوا عليهة بﻻخص وهنا اتذكرت المﻻبس والذهب والمكياج
دخلت وكلبهة يدك كل عمامهة كاعدين ولد عمهة وهي خجولة تستحي تسلم عليهم
لم دخلت بعضهم كان مصدوم على التغيير الجبير صار هواي مشايفيهة صدك اللبنيه تكبر بسرعه
وهيه كبرانه وحليانه صايره تشبه امهة
حاطه شالهة على راسهة ومدنكه 

فتح الموضوع عمهة حسين
بنتي امل تعالي اكعدي ولتخافين
ترة احنة اعمامج  ورايديلج الزينه
بنتي انتي بنت اخونة محمد اللة يرحمة وهو عزيز جان علينة وبنتة من معزته وانتي هسه  كبرتي وصرتي مرة يعتمدون عليهة وعمج جعفر مقصر كفة وفة
واني يابنتي من توفة ابوج اتفقنة قبل مدخلين ابيته واتعيشين وية ولدة اتصيرين مرت واحد بيهم واجه السيد وعقد عليج وعليه وانتي من ذاك اليوم بحكم زوجته
فكت امل حلكه وهي مصدومة ومتفاجئة زوجت منو اني عمي ؟؟؟ انييي
ممتزوجة
صحيح بتي كتلج بحكم المتزوجة واليوم جينه نكمل الاتفاق الي صار بينه وراح نتفق اني وعمامج  ونحدد موعد العرس بتي مهرج هلكد $$$ومؤخرج$$$$$واحنا انخاف اللة ونسوي بشرعة
بس عمي اني ممزوجه ترددد امل هذا الكﻻم وهي مصدومة وتريد تتخربط الدنيا اسودت بعينهة
تحس نفسه مخنوكة وتريد تتنفس متكدر تريد تصيح بوجه الكل وتخاف
صاح واحد من عمامهة
سعد كوم لبس مرتك مهرهة
وهنا انقبضت روحهة وصاحت مااريد اتزوج منوا كللكم اني اريد الزواج ولو سعد يصير اخر رجال بلعالم مااخذه

تصويتتتتتت