اكرهة وغصبوني عليه عنوان ل قصتين باللهجه العراقيه

السادس

بقلم ذكرى المندلاوي
اكرهة وغصبوني عليه

الكل مكدر يحجي وية سعد حتى ابو ﻻن جانوا يعرفونة رجال
وعنده غيرة وميقبل مرة تكلة ﻻ
بس خلود امة جانت فرحانة تعرفوهة زين ماكو داعي احجيلكم اسوت

وظل سعد هاملهة ﻻمل ويرجع اخر الليل وهي نايمة
خطية تتعب النهار كله وية خلود وشغل البيت الي يكسر الظهر
مرت الايام والحال نفس الحال
وفد يوم اجه مثل عوايدة بليل متاخر راح على غرفته لكاهة نايمة
وهو ضايج وروحة طافرة ركع باب الغرفة وشغل التلفزيون بصوت عالي قصدة يكعدهة
امل جانت نازكة من اي حركة تكعد من سمعت ركع الباب وهي كعدت بس سوت روحه نايمه تعرفه كلش زين من طخ خبلاته واليوم امبين واصله حدهة
اجه كعد على القنفه وظل
كلب بلتلفزيون  وكل شويه قناة شكل ويكول شوف شوف هي هاي النسوان
مو هاي المجطولة هنا
جنهة دجاجة تنام من صﻻة العشة
وكام يندب حظة العاثر وهي تسمعة متحملت
كمزت من فراشهة وصاحت بي اذا معاجبتك طلكني وخليني
اروح لعمتي سعاد وارتاح منك عل اﻻقل هناك اكمل دراسة
ومدللة الكل يريد خاطري
مو مثل هنا اطبخ وانفخ تاليه معاجبين احد
رد عليهةسعد
لعد اني المن ماخذج وكعتي براسي كوة
بعدين انتي لهامج سعاد لو ابنهة
صدك انتة متستحي ادكول علة مرتك هيج
عمي يامرة انتي هم حاسبة روحج وية النسوان.
اني مرة غصبن ما عليك

وكبت العيطة بنص الليل والكل كعد من النوم وجعفر يصيح
علة ابنة ولك خاف اللة وخلود تكولة حيل بيهة تستاهل
وصبح الصبح وامل عيونه مزوركة
من الكتل
وصادف زيارة عمتهة سعاد وابنهة جايين يشوفوهة

شافتهة عمتهة شهكت  وصاحت
ها ولج شبيه وجهج هذا ياهو السوه بيج هيجي
تقدمت عليهة
حظنتهة امل وهي تبجي وتكول عمة خلصيني من هل الناس  اني ما اريد اعيش هنا
صاح خالد  وهو متعصب
ولكم رحمة ماكو هاي عروس بعده عل اﻻقل جان كلتوا بنت عمنة الميت ويتيمة وامانة بركبتنة
سعد سمعه واجاه وجه نار
اني مو كلتلك لتجي بعد هنا
ومنا حجايه ومنا حجايه
كبت هوسة لوخ وعاطت النسوان يبو يبو الحكولنة سعد كتل خالد
ومن هذا اليوم وذاك اليوم خالد يسال عل امل بلتليفون وسعاد تخاف علة ابنهة من المشاكل
وظلت امل عل هل الحال

وظل الوضع مكهرب بلبيت
الحد ما
اجه اليوم الي  صار عمرهة 18سنة وﻻزم تستلم ورث ابوهة
دز عليهة عمهة وكللهة
بنتي باجر اوديج لمحكمة القاصرين علمود تستلمين الورث مال المرحوم
وراحت واستلمت ورثة وطلع ورثة اكثر من الي جانوا متوقعينة
ﻻن اﻻسهم زادت واﻻرباح كثرت
بس كل هذا مخلة امل فرحانة  ﻻن فرحتهة رادت تكمل دراستهة
ظلت تفكر امل بنفسه وبسعد من جانت صغيرة وشلون جان يعاملهة وشخلا يتغير بهاي الطريقة ﻻزم تلكي حل وتخلي يغير طريقته وياهة 
ﻻن ماكو طريقة لتحقق امالهة اﻻ عن طريق سعد هو صار الكل بلكل بلبيت والبيت كلة يعتمد عليهة
وابوهم كبر وتعب مابي حيل الكلشي
فقررت تفاتحة اول شي بموضوع الورث وخلي هو يستلم اﻻرباح والزايدة والناقصة ﻻن هي كلشي متعرف وتخاف لفلوسهة تروح
بيوم اجه من شغله
كللهة حضريلي الحمام اربد اسبح واطلع
وين طالع
هاذا شي ميخصج
ﻻ الله عليك وين مو اني بت عمك اموله لو نسيت

انتبه سعد لحركات امل كان كلش واضح
تريد نتقرب منة وتكسب عطفه
جاوب
رايح لعرس صاحبي بعد اكو شي
امل
زين هذا صاحبك بس عازمك الك وحدك وعائلتك معازمهة شكد ماعنده ذوق
سعد استغفر الله
داكلج صاحبي يعني واحد غريب  مو  واحد من العشيرة علمود اخذج
زين تعال من وكت عندي حجاية وياك
وهنا تاكد من ظنه تقرب منهة كلش بحيث صار وجه بوجةوهمس
وهي شمت عطرة وبعدت وجهة ليغاد منة الظاهر  جان متقصد يدوخهة بعطره
غمز الهة
شنو هسة حسيتي نفسج مزوجة وتريدني اجي من وكت
امل
ﻻ لتروح بعيد
علمود الورث واﻻرباح اريدك تلزمهن انتة وتتكفل بيهن اني كلشي مااعرف
خابت اماله اتعصب
صاح بيهة واني هم مااعرف
ولدخليني بهيج مواضيع ﻻورث وﻻ هم يحزنون
لعد المن اروح انتة مو زوجي
كتلج لدخليني وراح اتاخر الليلة
وعافهة بحيرته وراح
*****
اليوم
ابو سعد عزم اخوته علة العشة واجة الكل طبعا بنات عمهة
الكل حضر وظلن يسولفن علة المخطوبة والمعرسة ومن هذي القصص وصلت الحجاية ﻻمل وسالتهة بنت عمهة تحبي لسعد
جوابتهة وحدة منهم اكيد
بس ليش بت ام احمد تكول اخوية وية سعد ذاك اليوم بحنة صديقهم وحجة وية وحدة كلش حلوة كل الشباب حزدوة عليهة
اي هاي زينب بت جيرانه اتكول ياريت يطلك مرتة وياخذني وحته لو مطلك اصيرله الثانيه قابله هذا سعودي

اسكتي شنو هل الحجي عيب من مرتة مو بنت عمنة اصير

وامل تسمع وبدت الغيرة (غيرة النسوان) تاكل بيهة
شبيه اني وليش يباوع علة غيري ومن هذا الحجي