💙 أحلامي 💙(باللهجة الجزائرية)😍

||🌸 الحلقة 4 🌸||

اكرم يحكي.....
انا اكرم بن ... عمري 27 سنة بابا حب يزوجني و يخليني نستقر و نهار جبتلو اللي نحبها رفض و قال اللي ميشرفوش مرت ولدو تكون متاع كباريات ومن  هديك الهدرا اما قلبي يهواها اما كي شفتها حاجا جبدتني ليها عينيها مدبالين فيهم وجيعة باينة مكسورة اما بالرغم هادا الشي جمالها فتان و اسطوري شفايفها بدنها بالرغم اللبسة اللي لابستها ... كي دخلت ما ارتحتش لبوها و بالأخص مرتو باينة باللي مسمامة مي تبين باللي هي فرحانة و اللي صدمني اكثر انو فيسع ما وافقوا و حددوا انو العرس يكون على شهر عيطت لسوسن حب حياتي و تفاهمت باه نتلاقا معاها فبلاصتنا  ......
احلام تحكي........
غدوا باش نخرج مع تا نجاة و مرت بابا باه نوجدو لتصديرتي تا نجاة مخلات ما تشري و لمسمامة مرت بابا ميتة بالغيرة ديتها 15يوم و انا ندور و نشري من حانوت لحانوت ومن بوتيك لآخر  مع حماتي لي ما خلات ما شرات شي بيجامات و شي نويزات و ملابس داخلية اللي جابتلي منهم الألوان الكل هه و انا حاشمة الموهيم ديسيداو السمانة الجاية نعقدو و نفتحو و السمانة الأخرى العرس و انا لا حول ولا قوة لي يقولولي عليه لازموا يتنفذ