💙 أحلامي 💙(باللهجة الجزائرية)😍

||🌸 الحلقة 8 🌸||

في الدار......
قعدت احلام عند الباب تستنا كانت ابارتمو صغيرة فيها زوج شنابر و صالون و كوزينة و سالدوبان و توالات و اثاثها متناسق و الوانو دوس عجبتها دارلها اكرم لقاها مزالها عنند الباب
اكرم(ببرودة دم): ارواحي عندي ما نحكي معاك
احلام:تبع فيه و ساكتة
اكرم:شوفي يا بنت الناس انا باش نصارحك انا نحب وحدوخرا و بابا محبنيش نتزوج بيها و هو مريض بالقلب اول ما تناقشت معاه طاح و طلعناه للسبيطار قالنا الطبيب ما تخليوهش يتقلق و هداك علاش قبلت نتزوج بيك مي بيني بينك ما راح يكون والو ابار الاحترام و انا نفذلك لي حباتو اطلبيه
احلام (ببرودة دم): اوك مش مشكل انا برك حابا نكمل دراستي و حياتك مندخلش فيها نوعدك
اكرم يحكي......
تمنيت كون كنت نحبها ولا تزوجتها باه نبني معاها من الصفر اما هي شوكاتني بجوابها كنت متوقع تبكي و تقولي واش ذنبي و تسبني و تقولي انت ماكش راجل وكنت داير حسابي كون كشما تهدر نضربها مي هي بردتلي اعصابي بكلامها و قلت هادي sur عندها حبيبها حسيت الدم يغلي فعروقي منعرفش علاه حسيت هكاكا اما كبست روحي و جاوبتها بكل برودة دم و بنبرة تهديد: ما فما حتى مشكل اما الزغيد منحبوش تنسيش انك مرتي و اي حاجة توسخلي اسمي..
حسيتها تنرفزت اما سكتت و عملتلي براسها اي
احلام تحكي.....
غاضتني عمري و شعلت الغيرة فقلبي كي قالي بالي يحب وحدوخرا اما كبست روحي مي حرت و تشوكيت كيفاه جاوبتو بكل برودة دم اما نرفزني كي قالي الزغيد لا و ما تنسيش رد واي حاجة توسخلي اسمي شيسخايلني هادا ماشية و نبيع فروحي حبيت نحطلو سعدو فيدو اما تفكرت لمعنديش الزهر الوغ كبست روحي و عملتلو براسي اي و بلعت السكينة بدمها
نضت عملت دوش و نسيت حوايجي فالبيت لفيت المنشفة الي دوب تغطيلي خصري و شعري المبلول طايح على ظهري انا جيت خارجة على طراطش صباعي باه ميحسش و يشوفني هاكا  و اتخبطت فصدرو
اكرم (مربوث):سامحني كان عمبالي كملت
انا:سماح و هربت نجري
اكرم يحكي....
انا رايح ناخذ دوش و هي تخرج و تصدمت بيا كي خزرت فيها عينيا زغللت و حركتلي غريزتي ملا بدن عليها و شعرها بريحة الشمبوا عينيها لي يسحرو و شفارتيها المبلولين لخلختني بكلي و كي هربت تجري و شعرها موراها يطاير وهي حاشمة و المنشفة شعرا لا طيح بقيت مركز معاها حتى غلقت باب الشمبرا و دخلت ندوش و صورتها محبتش تروح من بالي مام كي جيت نرقد مجاتيش  النوم حركتلي غريزتي عيطتلي سوسن تجاهلتها و قعدت نخمم فاحلام ملا فرخة ....