💙 أحلامي 💙(باللهجة الجزائرية)😍

||🌸 الحلقة 45🌸||

عند احلام....
دخلت للدار لقات السكات راحت طل على ولدها لقاتو راقد و مفماش سخانة راحت لشومبرتها تنحي دبشها تفكرتو قلبها تقبض عليه هي هكاكا و صونا تلفونها لقاتو هو ردت
احلام: وي اكرم شفما
اما سمعت صوت مش متاع اكرم :مدام لقينا تلفون المسيو و لقيناك انتي اخر ابال لذلك حبينا نعلموك الي هو في السبيطار عمل حادث (يحكي بالفرنسي بالطبيعة)
احلام :و شنية حالتو
....: في السبيطار تعرف مدام سبيطار ******
احلام :اوك
كانت مفجوعة عليه طول الطريق و هي تقول انا السبب و تبكي يا ربي رجعهولي سالم حابة نعيش معاه و مع ولدنا فراحة يا ربي
وصلت قالولها الي هو فغرفة العمليات قاعدة تستنى لين خرجوه شافتو بكلو جروح قالها الطبيب الي هو تعدى مرحلة الخطورة اما لازمو يبقى تحت العناية المشددة في 48 ساعة الجاية و الا تعداهم يخرجوة من العناية و ينقلوه لغرفة عادية احلام كانت تسمع و تبكي لكن الطبيب طمنها و قالها :مدام راجلك قوي و قادر يجاوزها احلام كانت طول الليل و هي تقرا فالقران سمحولها تدخل تشوفو كانت تقولو سامحني و الله ما بيدي ارجع و تو نبداو من جديد و نربيو ولدنا ارجع على خاطري و على خاطر عماد والله انا زادة نحبببك جازو 24 ساعة الاولى كانت حالتو مضطربة شوية اما تحسن في ال24 ساعة الاخرى راحت احلام للدار طل على ولدها تبدل دبشها و تولي .....كي ولات ملقاتوش في العناية هي متعرش الي حالتو تحسنت ولات تعيط و تبكي جات ليها الممرضة قالتلها الي هو بخير و نقلناه لغرفة عادية هي كي قالتلها اكاكا فرحت ولات دموعها دموع فرحة داتها الممرضة لبيتو كان فايق يستنا فيها ...هي دخلت كي شافتو ترمات عليه و ولات تبكي و تقولو :سامحني انا زادة نحبك و حابة نكون معاك و نربيو ولدنا مع بعضنا
هو كان باش يجبد روحو منها اما كي شافها نادمة و تحبو سامحها بينو و بين نفسو زاد عنقها و كبش فيها
اكرم :فينو عماد؟؟!
احلام :فالدار محبيتش نفجعو قتلو الي بابا مريض و كي يبرا شوية نديك ليه العشية نجيبهولك نشاالله
وعنقاتو و قعدو يحكيو.......