السلام عليكم ورجعت وياكم بقصه جديده للكاتبه ام لنون
هواية اكو حالات بالمجتمع اول ميسمعهة العالم يظل ينتقد و يحجي .طبعا و السبب هو معايش هاي الحالة و يحب يحجي حجي زايد و لو همة عايشين الحالة الي راح نقصة جان سووا بالمثل و اكثر خلي نبدي نسولف قصتنا و ادري راح الكي انتقاد
ملاحظة : القصة من الخيال اسفة اذا حيصير تشابه بأسماء و اتمنى ميصير اشكال لان راح اذكر حادثة مر بيها البلد و ان شاء الله اوصل فكرة حلوة (ام النون)
عزام : نايم و اسمع صوت الهلاهل انزرفت اذني و العباس ابو فاضل ادري هذولة بيت ناصر يومية واحد مزوج مخلصوا و اني حاير بتخصص راح يصير عمري 32سنة و هذا حالي و بيت ناصر حتى الي هسة طكت شواربة هسة زوجوا
همسة : و لك عزام اكعد محمود راح نخطبلة
عزام اغمض و افتح بعيني : صدك تحجين يعني مو ابن ناصر الي هسة طكت شواربة
همسة : هههههه خرب بيبليسك لا لا
عزام : منو هاي البنية ؟
همسة : بنية صديقة اريج شايفهة اكثر من مرة و عاجبتة و هي هم من شايفتة منعجبة بي و قابلة
عزام : اممم حب من اول نظرة
همسة : هههههه حبيبي عزام يوم الك و نفرح بيك
عزام : السلام عليكم اني عزام خريج كلية طب جامعة النهرين اشتغل بمستشفى الكاظمية التعليمي هسنة راح اكمل اختصاصي طبعا مو طب نفسي ههههه لا اني جراحة امراض القلبية . حلم حياتي جنت اكون دكتور نسائية بسبب حالة صارت كدامي امرأة فقدت رحمهة بسبب التشخيص الخاطيء بس احنة المجتمع العراقي يصعب عليه يدخل حرمتة على رجال و اني شاطر اتوكلت على الله و فتت اصعب اختصاص (ام النون)
رغم دراستي الصعبة و الضغط النفسي بس اتشوفوني 24ساعة اضحك و انكت و اي شخص يوكع بمشكلة لو عندي مية امتحان اسمعة و اخذ من خاطرة و لهذا السبب اختي الصغيرة هموسة اتصيحلي طبيب الروح
عائلتي متكونة من 4ولد و بنات 2-اخواني الكبار اسماعيل مزوج و عايش بالخارج و محمود مكمل هندسة ميكانيك يشتغل بقسم الصيانة بوزارة المالية و اني طبيب الروح عزام و اريج مزوجة تشتغل بوزارة الاسكان و الاعمار مهندسة حاسبات و مصطفى خريج ادارة و اقتصاد يشتغل بنك اهلي و هموسة خريجة كلية تربية و كاعدة بالبيت . والدي محامي و طبعة قاسي بمعاملتة لكن قساوتة دائما اجيب النتائج الايجابية لحياتنة و امي معلمة رقيقة كلش و اي مشكلة تحاول تدخل بيهة والدي يرفض تدخلهة و يكول انتي متدخلين واجبج تربية و ربيتهم و هسة كبروا اجة دوري اني،ارتب حياتهم و احنة الكبار عبرنة ال30 و شهادات و مراكز بس من نشوف الوالد و هيبتة كلشي ننسنة . اني اقرب شخص لوالدي و ميقسي عليه بسبب دراستي
عزام : يلة حبي هموسة اطلعي خلي اسبح و اروح لمحمود اباركلة و اروح للمستشفى
همسة :-ماشي حبيبي اني طالعة
عزام :سبحت و طلعت رحت لمحمود
وينة عريسنة ؟
محمود: حبيبي عزام
اتحاضنة و تباوسنا
محمود : يمعودين خلي نوصل لبيت البنية و باركولي
عزام : وين يلكون احسن منك مهندس،و حلو و الله الي يشوفك يكول هذا الرجال نازل من الجنة اكول والدي عرف؟
محمود : اي يمعود قبلكم عارف من اريج و رايحلهة للدائرة يريد يشوفهة
عزام :ههههههه ميكعد راحة ابو اسماعيل و شكال عليهة ؟
محمود : كلش عجبتة و كال كلش،خجولة
عزام : شنو اسمهة
محمود : شدن مكملة علوم حاسبات
عزام : ربي يتمملك على خير
محمود : يوم انشوفك عريس،و نفرح بيك
عزام : خلي اخلص البورد و يصير عندي اسم و الله يحلهة
محمود : ان شاء الله يا بطل انت كدها
عزام :شوكت تروحون لبيتهم اتفقتوا وية البنية ؟
محمود : باجر ان شاء الله و حضر روحك ترة انت هم تجي ويانة خوما عندك شغل شي
عزام : لا ما عندي .ان شاء الله اجي وياكم
صدك مسألتك شكد عمرهة ؟
محمود : 28سنة راح تدخل ب29والله ما ادري بس اصغر مني هههههه و خوش بنية كل الجيران و الموظفين مدحوا بيهة و الجامعة مالتهة
عزام : الله يتمملك على خير .
ديلة حبايب اني طالع هسة رايديني بالمستشفى
الاهل :الله وياك محروس
عزام : خلص اليوم و صار اليوم الثاني و رحنة اني و الوالد و محمود لبيت البنية
ابو شدن : وين طه و احمد ؟ترة العالم اجوي
الولد : اي عيني نازلين
ابو شدن : حضروا الشاي و هاي السوالف مالتكم
ام شدن و شدن : اي كلشي محضرين بابا
عزام : كاعدين و الرياجيل الكبار يسولفون مبقوا موضوع سياسي محجوا بي
اكولك محمود
محمود :ها عزام .
عزام :هاي خطوبة لو قناة الجزيرة ؟
محمود : هههه انت متكعد راحة
وراهة بدة يحجي الوالد
الوالد : طبعا يشرفنة نطلب ايد بتكم شدن لابنة محمود
والد البنية ظل يسأل علينا و تفاصيل معينة و اتفقوا على كعدة النسوان حتى ام الولد و عماتة يشوفوهة و همة يتفقون اباقي الامور
والد شدن : و الله اني لو علية هسة بنتي اطيهة الكم صدك انتوا ناس تخشون للقلب الله يحميكم و يسهل امر ولدنة و اتصير قسمتهم
محمود :الله يخليك عمي الله يسمع منك احطة بعيوني
ابو شدن : بابا شدن وينج تعالي جيبي العصير
طه : هسة اني اجيبة
ابو شدن : لا هي،اجيبة
عزام : دخلت شدن البنية كلش حلوة ملامحهة هادئة و كلش نازكة طولهة حلو و رشيقة
شدن : السلام عليكم
الكل : و عليكم السلام
عزام : قدمت العصير النة و نظراتهم جانت كلش حلوة امبينين واحد يحب الثاني
طلعنة من بيتهم
عزام : اي مهندس،محمود سولف؟
محمود :شحجي؟
عزام : حاجي وياهة قبل ترة عيونكم فاضتحتكم ؟
محمود : بس مرتين و هي متقبل كالت يريد شي يتقدملي اني ما اسوي علاقات و خلتني استسلم
عزام : ما شاء الله عليهة هي كلش حلوة . هيجي وحدة مو مال اظل ل29 ممزوجة
محمود : اريج سولفتلي ميقبلون بأي شي و اخوانهة صح اصغر منهة بس يدورون ورة الي يتقدملوهة الصغيرة و الجبيرة
عزام : طبعا هو المفروض هيجي
شدن : ها بابا و ماما بشروني شنو رأيكم بالولد؟
الوالد : كلش امبينين اوادم و خوش ولد . اكلج هذا اخو الي ويا مو ؟
شدن : اي اتوقع الأصغر منة الطبيب
دكتور عزام اختصاص قلب
الوالد و الوالدة : ما شاء الله
نهى : اي راح ياخذج افندي محمود
شدن: ههههه ديلة كملي،كلية و اخذج لاخو عزام طبيب و حلو
نهى :مااريد شفتة معجبني
شدن :على اساس هو الي راح يموت عليج طبيب جراحة امراض قلبية و تتعيقل
نهى :هههههههه .شاورتهة ما ابدل امير بالدنيا كلهة
شدن : هيجي تحبي . هو هم ابن خالنة وردة امير
نهى :ادعينة شدن
شدن : الله يسهل امركم
شدن : مرحبا اني شدن مكملة علوم حاسبات صديقتي و روحي بالدنيا اريج اشتغل وياهة هي مهندسة و اني علوم بنية مؤدبة و بنت ناس قبل فترة جانت تعبانة جابت ابنهة وياهة و كالت اخوهة راح يجي ياخذهة ساعدتهة شلت من غراضهة و وصلتهة للسيارة اتعرفت على اخوهة محمود شاب لطيف طويل كلش حلووو و وجهة مبتسم تقريبا ظلت 5ايام يمهم و كل مرة اطلع وياهة
اخر شي اجتي حجت وياية بصراحة اني عجبني من اول يوم بس،كالت يريد يحاجيج و يتعرف عليج سولفنة مرة كلش حباب بس عندة نوع من العصبية و يتخبل من الغموض بالجواب
مرة ثانية اجتي اريج طلبت مني نطلع مطعم ميصير لقاء بالدائرة مقبلت جاوبتهة اذا يريد اخوج شي بالحلال يجي يتقدملي اني ما اكدر اخش و اطلع بكيفي و اذا ميعجبة كل واحد يروح لطريقة اريج جاوبتني براحتج راح اوصلة حجيج
محمود كال براحتهة و اني عجبتني و تعارفنة يصير بالخطوبة
اليوم اجوي اهلة امبينين مثقفين ان شاء الله تصير الموافقة
بعد يومين راح يجون النسوان والدتة و خواتة و خالاتة و عماتة
