شدن : صارت يوم مشاية النسوان امه و هموسة و اريج هم وياهم كلش حبابات اتفقوا على كلشي و اتفاجئنة خابر والدهم كال حنجيب السيد و نقرة الفاتحة اجوي و صار الاتفاق بين الرياجيل و صارت الهلاهل و قروا الفاتحة
اريج : لج شدن شنو هذا الجمال الي شايلتة ولج كلة ضامتة ورة الحجاب عيني انيالة لحمودي على هذا الجمال
شدن : تسلمين حبي هذا من ذوقج اتباوسنة و اتحاضنة يا اختي الثانية
اريج : اول مرة شفتج اتمنيت اتصيرين لواحد من اخوتي و الحمد لله الله استجاب دعاءي
شدن : فدوة لقلبلج ان شاء الله احط محمود بعيوني
و صار يوم المهر جان احلى يوم محمود جان طالع عبالك ملاك من الجنة بأدبة و بأخلاقة الابتسامة مفاركت وجهة و كلامة الحلو
محمود : ولج و الله معرفتج شنو هذا الجمال عاد هذا شعرج لو باروكة ههههههه
شدن : لا و الله طبعا شعري و عيني ترة مرتك حلوة مو بس انت حلو
ظل صافن علية و اني ادلع علية ابتسم و كلي احبج
محمود :اشو سكتي اي من اول يوم شفتج بي عجبتيني
اريج : يلة كوم لبسهة النيشان مو وقت مصارحات انريد نركص يلة
محمود :ههههههه
شدن :بدة يلبسني الذهب انتبه عندي شامة برقبتي
محمود عض بشفتة وغمز:خوش مكان هاي الشامة ههههه
شدن : كملنة تلبيس الحلقات و الذهب باسني من خدي و رقبتي
محمود : احبج
و بدت الهلاهل و الاغاني و ركص البنات
عزام : جنة كاعدين بالحديقة و سمعت الهلاهل و هسة شصار ؟
مصطفى :هسة لبسهة النيشان و بدوا يركصون البنات
عزام :خير ان شاء الله
نهى :طه طه تعال اخذ المي و العصاير للولد
عزام : سمعت صوت بنية باوعت عليهة تشبه اختهة بس صغيرة و عيونهة كبااار كلش
مصطفى :هاي حلوة اختهة ؟
عزام :اي يا عوينجي
مصطفى : شدن هم حلوة مثل هاي يعني راح نحافظ على النسل الحلو
عزام :شكد ادبسيز ههههههه
اتنهدت اي كلش حلوة زوجت اخوك الله يسعدهم
و خلصت الحفلة و رجعنة للبيت سوينة حفلة الولد نركص جوبي و مصطفى كامش همسة و اريج و يركص مثل البنات و نضحك عليه
مصطفى : احجزولي نهى خاف اتخارب اني و مروة عندي بديل ههههه
عزام : يا طايح الحظ لك البنية تموت بيك ليش تخونهة
مصطفى : الي يسمعك رحت خطبتهة
هو اني اكدر بدون مروة
محمود : اصلا حاجزهة ابن خالهم امير
عزام و مصطفى :شنو يا امير هذا الي دخل البارد
محمود :يا بارد يا حار اصلا الولد مسافر هذا الي شفتوا ولد يشتغل بمحل ابوهم
عزام : اكول راد يصير بيه جلطة
محمود :ههههههه لا هذا عامل .اني شايف امير صدك امير جمال و اخلاق و ثكيل
عزام :الله يتمملهم على خير
شدن :مرت ايام الخطوبة استمرت شهرين طبعا احنة انخطبنة بشهر الثالث و صار زواجنة بشهر الخامس 2009 الحفلة جانت بقاعة الولد ركصوا كل الدبكات و ضحكهم و ونستهم اخر شي محمود و عزام ركصوا الدبكة التركية الي نتفرجهة بالمسلسلات
عزام :كلش اتونسة اخر شي سحبت محمود جنة متفقين نركص مثل الاتراك
مثل يحيى بسنوات الضياع و من كل عقلنة فتحنة اليوتيوب و اتعلمناهة حتى نركصهة بالعرس
عزام :خلصت الحفلة و ودينة العرسان للفندق حجزلهم والدي 4ايام حتى ياخذون راحتهم
شدن :دخلوا اهلي وياية نزعت البدلة و اخذوهة حتى برجعوهة و لبست السيت الابيض و دخل محمود
ظل يباوع بنظرتة الملائكية و اتنهد
محمود :تعالي يمي
شدن : اجيت حبيبي
حضني و باسني من كصتي و خدي و شفايفي كلش خجلت منة
محمود : لتعبيني بعد صرتي حلالي خلي نصلي و ناكل و نسوي الواجب
شدن : من حجة هيجي خفت هدوئة يخبلني
كملنة صلاة و سحبني ظل يبوس،بية و يتغزل مرة اخاف و من اصير بين ايدة و اسمع حجية و الغزل ارتاح جابوا الاكل و اني دايخة كملنة اكل و هو يسولف و مسيطير و اني صافنة بي
محمود : شبيج مخرسة غمز بعدنة ممسوين شي خلي اكل زين حتى يصير عندي طاقة وراية هواية شغل
شدن :هااا اي ان شاء الله .و هو مبتسم و يضحك عليه
كملنة العشة و غسلنة حسيت بدت ساعة الصفر صارت رجفة بجسمي،طلعت من الحمام سحبني على الحايط و لزم حنجي
و بدة يلعب بشعري
محمود : اذا نظل هيجي حنبقى اخوان و ادورلي مرة غيرج
شدن :ليش هيجي تحجي بس بعدني ...مخلاني اكمل بدة يبوس بية بهدوء و سحبني للفراش ........ .........
خلص بعد صرتي مرتي
شدن : ها بعدك تفكر تاخذ غيري بس شوية على كيفك
محمود : هههههههه غير اضوجج حتى تستسلمين الي
شدن : احبك محمود انت مو بشر انت ملاك نازل من السمة
محمود :بس ترة اني شوية عصبي
شدن :اشو ممبين
محمود : من تعاشريني تعرفيني
شدن: ان شاء الله ما اخليك اتصير عصبي و اخليك اسعد انسان بالعالم حبيبي،و بستة من خدة وشفتة
كمنة سبحنة و رجعنة نمنة كضينة اربع ايام احلى ايام بعمرنة حب و غزل سولفلي على اطباعة افتهمت شنو الي يحبة و شنو الي ميحبة وراهة رجعنة لبيت عمي نكمل الاسبوع و نسافر لشمال 5ايام .
