بقلمي .. الاميره الموسويه 👑
ما احلل لاي شخص ياخذ كتاباتي وينشرهم (ذمه)
بعد اسبوع ...
فتحت عيوني اني بالمستشفى .. ومحد يمي
جسمي احسه نحلان مااكدر احرك اصبع اصلا ..
وعيوني مغوشه
بقيت صافنه اباوع للسقف ... احاول اتذكر شصار واني شجابني هناا ؟!!
فجأة انفتحت الباب ودخلت عليه ممرضه شافتني .. وطلعت بسرعه!!
بعدها بكم دقيقه رجعت بس وياها دكتور ودكتوره .. سألني الدكتور شدااحس واذا اكو شي يوجعني؟
بس اني مكدرت ارد احس نفسي مشلوله كل جسمي مشلول!
اجه قاسلي الضغط وشاف حرارتي وبقى يتراطن هو والدكتوره ..
كنت دايخه ومسطوره ماافهم شديحجون ..كال للممرضه انطيها الابره .. وطلع!
هي ضربتني الابره واني ورحت بسابع نوووومه .. مااعرف اشكد مر من الوقت رجعت صحيت ..
بس هالمره لكيت اهلي واكفين على راسي فتحت عيوني شفتهم!!
ملامح بابا تعبانه .. وماما عيونها وارمه من البجي!!
اجوي بوسوني وتحمدولي السلامه ..
اشويه واجه الدكتور ..كال الحمدلله ع السلامه .. يمعوده خوفتينا عليج
وامج خطيه بس تبجي عليج
بس انت بطله ما شاء الله كدرتي تتجاوزين الازمه وترجعين لاهلج .. هو يحجي واني صافنه بوجهه مااعرف شديقصد!!!
شنو ازمه؟!!
شنو الي اتجاوزته؟!
اني شجابني هناا؟!!
حاولت استرجع الي صار بس مكدرت حسيت الدنيا دتفتر بيه .. الدكتور كالي حاولي لتضغطين على نفسج وترتاحين هاي الفتره.. وتتجنبين اي ضغوطات عصبيه او نفسيه!
لان مو بصالحج وممكن يصير عندج انهيار او تسوء حالتج .. هزيتله راسي بمعنى اوكي بس اني كولشي مفاهمه!
وكتبلي وصفه كال الاخويه هذا العلاج لازم اتجيبو الهاا وتاخذه ضروري.
اخويه مرتضى اخذها وطلع يشتري الدوا الظاهر الموضوع جدي لانو راح بسرعه!!
طلع الدكتور بقيت بس اني وماما وبابا .. حسيت نظرات ابويه اليه مو طبيعيه وبعينه الف سؤال!!
اما امي كانت بس تبجي حتى محجت وياي ولا كلمه ... حقهاااااا ؟!!
لليل كولش .. كالو اتكدرين اتطلعين من المستشفى حالتج استقرت .. اخذوني ورجعت للبيت!
لكيت اخواني وزوجاتهم واخواتي واطفالهم والبيت خبصه .. بس الوجوه كلها اتباوع عليه والحزن غاطيهم!!
سبحان الله بين السعاده والحزن شعره .. قبل كم ساعه كانو يركصون وفرحانين !!
دخلت ومرتضى اخويه ساندني .. سلمو عليه اخواتي وتحمدولي السلامه .. اما اخواني كل واحد منهم ساكت بالغصب .. كل واحد يريد يعرف شنو السبب وينتظر مني جواب!!
اعرف يردون يفهمون شنو الي صار ولويش العرس انتهى هالنهايه!!
بس اني محجيت شي .. شنو احجي اصلاً!!
شنو اكوللهم!!
نظرات اخواني المليانه غضب شرحت كل الي يدور ابالهم .. لو ان النظرات تقتل كان هسه مفترسيني ، بس الظاهر الي مانعهم كلام الدكتور عن حالتي!!
طبعاً ما عدا اخويه الصغير مرتضى هذا يختلف عنهم اختلاف جذري.
YOU ARE READING
انا قبل ان التقيك
Romanceبقلم .. #آلٱمِـيّـره ٱلَمِـوٌسًـوٌيّـه ? قصه حقيقيه.. فتاة تتعرف على شخص عن طريق الخطأ ويقع في حبهاا ولكن لسبب هي فقط تعلمه تقرر ان تبتعد عنه .. تتدمر حياة الشاب على اثرهاا ثم تجمعهم الصدفه ثانيا هل سيستمر حبهماااا ام يلعب القدر دوره ويفرقهما؟!!! ...
