"1... 2... 3... clear!"
"1... 2... 3.. clear!"
Lumabas ang isang doktor sa isa sa mga hospital rooms. "Doc, kamusta na ho ang anak ko?" tanong ng isang matandang babae. "Sa ngayon stable naman na ang lagay nya pero tatapatin ko ho kayo.. mahina na po talaga ang puso nya." sabi ng doktor. "Ano pong kailangang gawin para mapabuti sya? tanong ulit ng matandang babae na alalang alala sa lagay ng anak nya. "Sa ngayon inoobserbahan pa namin ang puso nya, may gagawin pa kaming mga tests. Kailangan nya din inumin ang mga inireseta kong gamot para sa kanya" sabi ng doktor. "Sige ho. Salamat po doc, pwede ko na po ba syang puntahan?" tanong pa ulit ng matanda. "Opo pwede na" doctor said.
------
Nagising ang lalaking galing sa mahabang pagkakatulog, babangon sana sya ng kaunti ng makita ang nanay nyang natutulog sa upuan sa tabi nya. "Nay.." mahinang sabi nito. Naalimpungatan naman ang matanda at agad pinabalik sa pagkakahiga ang anak nya. "Tutoy, wag ka munang gumalaw, mahina ka pa" sabi ni Nanay Rosario. Hindi naman na umangal si Vice at bumalik na sa pagkakahiga. "Hindi pa ba tayo uuwi? Sa bahay na lang tayo nay. Ayoko dito, magagastusan pa tayo ng malaki dito." sabi ni Vice. "Anak Tutoy, wag mong intindihin ang gastusin, ang dapat mong gawin ay magpahinga at magpagaling." sabi ni Nanay Rosario. "Hindi naman na ko gagaling" mahinang sabi ni Vice. "Ayokong sinasabi mo yan Tutoy, gagaling ka! Yan ang isipin mo." medyo may inis na sabi ng ina. Wala naman ng sinabi si Vice at bumalik na lang sa pagtulog.
------
Magiisang linggo na si Vice sa hospital, nababagot na sya gustong gusto na nya umuwi ngunit hindi pa daw pwede sabi ng kanyang doctor. "Lecheng sakit sa puso to! Panira ng buhay!" sabi nya. Narinig naman ito ng nurse na kasalukuyang nagchecheck sa vital signs nya. Nagulat man ang babae ay hindi na nya ito pinansin, "Sir, oras na po ng pag inom ng gamot nyo" sabi ng nurse. Hindi naman umimik si Vice. "Nang kukunin na ng nurse ang mga gamot sa maliit na mesa napansin naman nyang hindi bawas ang pagkain ng pasyente nya. "Ah Sir Vice, kumain na po ba kayo? Mukha po kasing hindi nyo ginalaw ang pagkain nyo hindi po kayo makakainom ng gamot hangga't hindi kumakain." sabi nung nurse. "Ayoko. Wala akong gana." mariing sagot ni Vice. Kinuha nung nurse ang pagkain at nilapitan ang pasyente para pakainin "Pero sir kailangan nyo po kumain, heto na po oh" sabi nya. "Ano bang hindi mo maintindihan sa wala akong gana ha!" galit na sabi nito sabay tabig sa pagkaing hawak ng nurse, na-out of balance naman ang nurse at sa kanya natapon ang pagkain. Nagulat naman si Vice sa nagawa nya, hindi naman kasi nya sinasadya .. "Sorry" sabi ni Vice na walang emosyon at hindi nakatingin sa natulak nya. Tumayo naman ang nurse at inayos ang sarili at ang pagkaing natapon "Pakuha na lang po ako ulit ng pagkain para makainom na din po kayo ng gamot." sabi nya sabay labas ng kwarto.
-------
Padalawang linggo na ni Vice sa hospital, ganon pa rin bagot na bagot na sya at halos di mo makitang ngumingiti man lang. Galit sya sa mundo dahil sa sakit nya, hindi na sya nakikipagkaibigan, hindi na sya nakikipagusap masyado sa mga tao kahit pa sa pamilya nya. Feeling nya kasi wala na syang silbi sa lipunan dahil may sakit sya at anytime pwede na syang mamatay. "Sir Vice, oras na po ng paginom ng gamot nyo." Nakangiting sabi sa kanya ng nurse. Tumingin naman ng blanko dito si Vice, ito ang unang beses na titingin sya sa mukha ng nurse na nagaalaga sa kanya "Bakit mo ginagawa to?" sabi nya. "Ang alin po?" nagtatakang tanong naman ng nurse. "Ito. Inaalagaan ako" sabi ni Vice. "Nurse po ako. Trabaho ko po ang alagaan kayo" nakangiting sabi nya. "Pero nasigawan kita, nabastos kita pero ayan ka pa rin hindi mo piniling magpalit ng aalagaang pasyente." mahina nitong sabi. "Naiintindihan naman kita kung san ka nanggagaling, alam ko yung nararamdaman mo saka masaya akong ikaw ang inaalagaan ko" muling nakangiting sabi ng nurse. Natuwa naman si Vice sa narinig nya pero hindi nya ito pinahalata, tumingin sya sa nurse at napatingin sa name plate nito. Pinainom naman na ng nurse ng gamot si Vice at aktong palabas na ng kwarto ng magsalita si Vice "Salamat.... Nurse Karylle." Lumingon naman ang nurse at ngumiti dito.
