Naglalakad lakad ngayon si Vice sa tabi ng dagat hawak ang kanyang camera, andito sila ngayon para sa isang wedding na gaganapin sa makalawa. At kung itatanong nyo kung bakit sya may dalang camera yun ay dahil gusto nya, bakit ba? (joke) yun ay dahil isa sya sa pinakamagaling at sikat na photographer ngayon. Tinitingnan nya ang paligid ngayon at kinukuhanan ang lahat ng makikitang maganda. Kuha dito, Kuha doon. Bigla naman syang napatigil sa pagkuha ng pictures at napanganga "Wow! Ang ganda..." sambit nya at napatingin kung saan banda nya kinuhanan ang litratong nakapagpanganga sa kanya, isa itong napakagandang babae na nakaupo sa sand at pinagmamasdan ang dagat, nang makita nya tinitigan nya ito sabay balik ng tingin sa picture sa camera tapos balik ulit kung nasaan ang ang magandang babae "pero bakit ang lungkot" nagtataka at medyo malungkot nyang tanong sa sarili. Gustong gusto nyang lapitan ito pero di nya magawa dahil hindi naman nya alam kung ano ang sasabihin dito at isa pa nahihiya sya. Nagstay lang sya sa pwesto nya at walang ginawa kundi titigan at kumuha ng pictures ng babae. Maya maya'y tumayo na ang babae at naglakad papalayo, habang naglalakad ito ay may nalaglag na maliit na notebook mula sa bag nya at nakita naman ito ni Vice. Ngayon may dahilan na sya para lumapit dito agad syang tumakbo at pinulot ang notebook at nagmadaling maglakad para maabutan ang babae. "Miss!" sabi nya pero hindi ata ito narinig ng babae "Miss! Miss! Sandali lang" paguulit ni Vice at napalingon naman na dito ang babae, tiningnan lang naman ng babae si Vice na parang nagtatanong kung bakit sya nito tinatawag nagets naman yun ni Vice kaya itinaas nya yung notebook "Ah .. nakita ko kasi nahulog mo." sabay abot ng notebook sa babae na kinuha naman nito agad. "Sige salamat ah." magsasalita pa lang ulit si Vice ay agad na tumakbo ang babae.
---
"Bestie, baka naman matunaw na yang camera mo kakatitig jan." sabi ni Billy na isa ring photographer at bestfriend nito. Mula kasi nung nakita nya yung babae hanggang sa pagbalik nya sa hotel na pinase-stay-an nila ay wala syang ginawa kundi titigan yung picture nito sa camera nya. "Huuuuy!" sigaw ni Billy ng hindi sya pansinin ni Vice. "Ang ganda nya bestie, ang ganda ganda." sabi ni Vice na nakatitig pa rin sa picture sa camera. Na-curious naman si Billy sa sinabi nito kaya kinuha nya yung camera from Vice para makita kung maganda nga. "Huy akin na yan!" sigaw ni Vice na napatayo sa kinauupuan nya at inaagaw ang camera kay Billy. "Wow! Ang ganda nga nya.... kaso eh bakit parang malungkot?" tanong ni Billy. Nalungkot naman muli ang mukha ni Vice "Yun nga yung kanina ko pa iniisip eh, nakakapagtakang sa ganda nyang yun malungkot sya." sabi ni Vice dito. "Mukhang interesado ka sa kanya bestie ah?" sabi ni Billy at nagsmirk dito. "Hindi ah, nagtataka lang talaga ako kasi nung nilapitan ko sya bigla syang tumakbo palayo." Vice said. "Eh baka napangitan sayo o kaya natakot." Nakatikim naman ng suntok sa braso si Billy dahil sa sinabi nya. "Gago!" Vice said after suntukin si Billy.
---
Ngayon na ang wedding kung saan sila Vice, Billy at iba pa nilang kasamahan ang photographers. Kasal ito nina Vhong at Anne na classmates nila noong college kaya naman agad agad silang pumayag na maging mga photographers nito. ".... Vhong, you may now kiss your bride" and they kissed after the Priest said that at nagpalakpakan naman ang mga tao. Napatigil naman ulit si Vice sa pag take ng pictures ng may nakita na naman sya through his camera, yung babaeng nakuhanan nya ng picture, nasa isang sulok umiiyak at nakikipalakpak sa bagong kasal na sila Vhong at Anne. Hindi na mapigilan ni Vice, hindi nya alam kung bakit pero gustong gusto nya na talagang lapitan ito. "Bestie, reception na diba?" tumango naman si Billy as an answer then bumalik sa pagtake ng picture. "Bestie, saglit lang ha? May pupuntahan lang ako saglit babalik din ako agad kita tayo sa reception." palingon pa lang si Billy dito para tanungin kung saan pupunta pero paglingon nito wala na si Vice. "Sira ulo talaga." bulong ni Billy sa sarili.
