بين الحرب والحب

البارت الثاني

البارت الثاني… .
#بين_الحرب_والحب..
#بقلمي_شمس…

بهذي الفتره احنا حايرين بالحرب والناس الي تهجرت والي استشهدت ودخول الامريكان والوضع متأزم بشكل
والكل ضايج ومقهور ع الاوضاع ..

.. بس صفاء بقى يباوعلي ويستغل اي فرصه يحاجيني بيها بس اني كنت اتجنبه لان بابا من النوع العصبي وصفاء طايش ..

والمشكلة يغار عليه كولش عبالك اني احبه وهو يغار ويحاسبني لان بيت خوالي هم عدنا اجو فيغار عليه منهم ويگولي لتحجين وياهم ولتگعدين يمهم .

صدوگ ضجت منه بعد ماتحملت گولتله وانت شعليك ..

هو ضاج وصار احمر بنفس الوقت #شمس
اني رحت للمطبخ ماما دا تسوي كليجه وبقيت يمها اساعدها ومطلعت من المطبخ حتى مااشوفه ..

صفاء .. اني دمي فار من اشوفهه تحجي وي ولد خالهه  ادري هي متربايه وياهم وعلاقتها بيهم قويه بس مااگدر اشوفها تضحك وياهم .. اخاف واحد بيهم يفر عقلهه وهي بعدها صغيره وتصدگ واني هويتها كلش ..
وبقيت الوم الوكت الي خلانا بعيدين عن بيت عمي او بنت عمي الله يسامحج يووم ..

بس حبيت الحرب ادري بيكم تستغربون الناس خايفه وماتعرف الوضع واني حبيته لان عرفني ببنت عمي الحلوه ❤#شمس

ومايأست بقيت احاول ومن شفت مامنها فائده .. رحت الرحاب اختها گلتلها رحاب اريد احجي وياج بموضوع .. ضحكت .. وگالت يمكن اعرف شنو الموضوع .. گلتلها ليش مبين عليه .. گالت كلش اثگل ابن عمي ترى بعد كم يوم حتخلي حتى بابا يحس ..

صفاء .. شأسوي واختج قافلتها من كل الجهات .. طبعا اني علاقتي قويه برحاب لان من كنت اجيهم اني وعلاء هي دايما تقدملنا وتسولف ويانا مرحه وحبابه ..

رحاب .. شهلاء بعدها طفله ومتعرف شي وتكره شي اسمه حب ومتصدگه تگول الحب بس بالروايات الي اكتبها ..#شمس

صفاء .. بس اني ابن عمها ومستحيل اضحك عليها هي شرفي وعرضي ..

رحاب .. صفاء اني مصدگتك لان واضح من عيونك شلون تباوعلها من تمر .. بس انطيها مجال تعرفك واني هم احاجيها ع اسلوبها وياك بلكي يتعدل شويه ..

صفاء .. اي والله بنت العم حياج .. ترى اني اخوج وطالبها من الله ومنج ..
رحاب.. 😂😂 يصير خير ان شاء الله..

ماذا سوف يحدث في حياتي؟

لو أعشق امرأةً تكون بمستواك.

أي انقلابٍ سوف يحدث – لو أحبك –

في نظام الكائنات..

أي ارتجاجٍ في ضمير الكون..

لو مرت على رأسي يداك...

لو مثلك امرأةٌ تكون حبيبتي..

عمرت للعشاق ألف مدينةٍ

وبسطت سلطاني

على كل الممالك واللغات..

لو مثلك امرأةٌ.. تكون حبيبتي

ماذا سيحدث في الطبيعة من عجائب..

ماذا سيحدث للبحار، وللمراكب..

ماذا سيحدث للكواكب؟

ماذا سيحدث للحضارة..

للمدنية ، لو رأت عينيك ، أو سمعت خطاك..

ماذا سيحدث للفتون إذا تشكل ناهداك..

ماذا سيحدث للثقافة كلها؟

لو أعشق امرأةً تكون بمستواك..(نزار القباني)

يتبع…
#بقلمي_شمس