بين الحرب والحب

البارت السابع

البارت السابع ..
#بين_الحرب_والحب❤
#بقلمي_شمس…

معقوله اني افتهمت خطأ .. رحت الماما گولتلهه ماما شبي صفاء اشو ضايج وبابا هم .. منطتني حجايه وگالت ماكو شي ..

بقيت حايره .. بعدين بابا وماما دخلوا للغرفه يسولفون ورامي بالمحل گولت الرحاب تباوع خاف يطلعون بابا وماما .. ودخلت للاستقبال من جهه الحديقه شفت صفاء مخلي ايده ع راسه ومنصي ..

رفع راسه شافني ابتسم شوشايتي حياتي هسا ارتاحيت بشوفتج ..

گوتله صفاء شكو من الي يتزوج .. وجهه انگلب اصفر گال منو گلج ..

اني .. يعني الي سمعته صحيح وانت ضام عليه ..
حاول يبرر ..  واني بس اسمع ومااشوف شي وهو يگول عساس ام زوجه علاء تگول لو يتزوجها صفاء لو ناخذها هي وبتنا وبعد ميشوفوهه وامه تصر عليه ياخذهه حتى ماتبتعد عنها حفيدتها وهو مقابل وصايره مشاكل ..

وبقى يحجي وحده واني عفته وطلعت…
بقى يصيح ورايه شهلاء شهلاء واني مااسمع اي شي دخلت. للغرفه ومتحملت بقيت. بس ابجي
ورحاب گالت ..
شكو ??
سولفتلها  كولشي ..

رحاب .. هاي شگد حقيره اكول ليش باقيه عندهم لسا تالي عينها ع صفاء .. هي مبينه مو راحه من الفاتحه منزلت دمعه على زوجها ..

وثاني شغله صفاء اصغر منها .. شلون تقبلها ع نفسها ..
گمت اعيط واول مره يطلع صوتي .. ماادري لتسأليني شي كوله بسببج انتي الي قرأتي براسي
وخليتيني. احبه اني ويني وين الحب حطمتوا حياتي ..

رحاب .. اوكفي شبيج ختمتيها خلي اشوف صفاء واني اعرف شأحجي وياه ..
مشت رحاب للاستقبال واني بقيت بالغرفه ابجي ..

رحاب .. دخلت ع صفاء گام بسرعه وگال .. شهلاء شلونهه ..
گوتله مع الاسف هيج صفاء ..
صفاء .. اسمعي انتي شفتهمتي بسرعه حكمتوا عليه اني مستحيل ابدل شهلاء باي وحده ولا اقبل بهذا الشي لو مو امي تصر حتى لو تتبرأ مني اني گلبي وعقلي الشهلاء ..
رحاب .. ارتاحيت من سمعت حجيه .. وانت هسا شناوي تسوي ..
صفاء .. اجيت العمي اريد حل بس هو يگول مااگدر اتدخل لان تكبر الشغله ويگولون اني الي اضغط عليك واهل امي مو هالگد يحبون عمي فهو خايف من هاي الشغله ..

رحاب عفيه انطيني ورقه وقلم بسرعه قبل مااطلع ..
رحاب .. رحت جبت ورقه وقلم. .
وكتب وطبگها ونطانياهه .. رحاب اخيج انطيهه الشوشايتي هاي الورقه وگوليلها ماابدل اضفر منها ..

(لن اتخلى عنكي ولن ارضى في البديل لان حبي لغيركي بات شئ مستحيل .. )
#بقلمي_شمس
يتبع…