بين الحرب والحب

البارت السادس

البارت السادس ..
#بين_الحرب_والحب❤
#بقلمي_شمس…

صفاء .. اجيت من الشغل تعبان سبحت وتغديت وگاعد بالصاله .. واندگ التلفون الارضي ..

الو ..#شمس

شهلاء .. سكتت .. احنا ماعدنا تلفون ارضي عاطل .. ورحت البيبي لان صادف جمعه وكنت متردده اخابر وتالي تجرأت مااعرف احجي وياه بس ليش اتصلت ماادري ..

بقى يحجي .. الو الو تفضل منو .. تالي راد يغلقه ..

گلت الو. وهو بسرعه عرف صوتي . شوشايتي يروحي شنو هاي المفاجئه ..

ضحكت ..كتله ماعندي وقت هواي دا اخابرك من بيت جدو .
گال المهم ذكرتيني وخابرتي .. اشتاقيتلج قاطعته ..

صفاء گلت ..
ياروح صفاء گولي ..#شمس

اني قرأت رسالتك .. وحسيت بكل كلمه ..
بس صفاء اني اخاف ارتبط لان عندي دراسه واريد اكمل وانت تگدر تنتضرني كل هذي الفتره ويبقى حبك الي مثل ماهو وما تتغير مشاعرك ..

صفاء .. شوشايتي اني حثبتلج نيتي وحبي
اني . يعني ??
تعرفين المسافه بعيده بيناتنا .. كم يوم ويوصلج خبر ..

غلقت التلفون ..#شمس
وبقيت افكر بكلامه شنو يقصد ..

مرت الايام وخطب اخويه رامي بنيه يحبها جيرانه. ونحضر للخطبه وصدفه سمعت حجي بين ماما وبابا بالغرفه .

ماما .. ابو رامي ترى شهلاء صغيره وتريد تكمل وثاني شي صفاء ماعنده شهاده ..

گالهه بابا .. هو بس حجى بيها يعرف صغيره وكال اريدها الي يعني ماگال اتزوجها باجر وثاني شي هو يشتغل ومايعيبه شي ..

گالتله الله كريم خلي تخلص اعداديه وبعدين نحجي ..

اني بين. فرحت وبين ضجت من سمعت كلام ماما ..
بس فرحت. من عرفت صفاء خطبني .. عرفت يحبني واني هم گمت احبه رغم كرهي اله قبل ..

وماتوقعت بيوم يجي واحبه .. بس حبيته ..#شمس

ورى يومين عقد اخويه .. لبست نفنوف طويل ومخصر وحجاب .. وحذاء عالي .. من شافني صفاء تخبل واشرلي تعالي .  كان عدنا ممر رحت لگيته واكف هناك ..
ابتسمت من شفته وهو الضحكه ماليه وجهه وصلت يمه گال شوشايتي شطالعه گتله وانت هم طالع حلو ..

كانت اكو كامرات الي بيها فلم او شريط جابهه حتى ياخذ الرامي بيها صور .. گال اريد اخذلج صوره اني ترددت

بس بعد مااصر وافقت واني بحجابي ولابسه مستور بس راد صوره الي يذكرني بيها ..#شمس

اخذلي صوره وردت ادخل للبيت .  حسيت بحبي اله التفتت اله كوتله صفاء .. گال عيونه .  گتله احبك
هو صفن ممتوقع تطلع مني 😂😂
گال شهلاء .. ماكو اني اموت عليج 😘

گلبي كام يدوگ حيل ودخلت بسرعه واني فرحانه. ياربي انت تعرفني ماردته وماحبيته وانت دخلته الگلبي تمم سعادتي يالله ..

مرت الايام والاشهر ومااشوف صفاء هوايه لان بيتهم بغير محافضه بس ع المراسلات او بنهايه الاسبوع يجي بس منحجي سويه لان اهلي. دايما موجودين بس گاضيهه رسائل ونضرات 😉

نجحت من الثالث ودخلت اعداديه واحس نفسي. كبرت وناضجه ومابعيني بس صفاوي حبيبي وابن عمي وصار كولشي بحياتي..

الى ان اجانه الخبرالي مو ع البال ..
وبنص الليل وبالصيف انه علاء ابن عمو اخو صفاء انقتل تعرفون الاوضاع وقتل وهو طالع بالليل يشتري واجو مسلحين مجهولين قتلوا وهو انسان فقير وماعنده اي خصام مع احد .. #شمس

وكانت صدمه بالنسبه النه كولنا والاكثر صفاء خطيه حيل انقهر وتاثر لان كان متعلق بيه هوايه ..
رحنا للفاتحه واول مره ادخل بيت عمو كان بيت بسيط .. بس مااهتميت لان حبي الصفاء اكبر من الماده والبيت ..

ناس هوايه تدخل وتطلع وتعب بس الي يقتلك زوجة علاء ماعبالك زوجها ميت تطلم عادي حالها حال اي غريبه ..
صدگ ضجت منها .. وتفكر بالجوع والاكل اكثر من زوجها
صار الليل وطلعت مختنگه ولكيت صفاء وحده بالطارمه ويبجي اول مره اشوفه يبجي دايما كان يضحك من يشوفني گعدت يمه ..

ومااعرف شلون اوسيه بس هو بسرعه حضني وبقى يبجي واني ابجي وياه هاي اول مره يحضني .. هو ابد مايلمسني لان يگولي اريد حبنا يبقى طاهر .. وصحيح حب قبل كوله برائه وحلو مو مثل هسا ..#شمس

خلصت الفاتحه ورجعنا البيتنا تعبانين وبقينا لابسين اسود النهايه السنه مال علاء .. طبعا زوجه علاء بقت عندهم مارجعت.الأهلها ..

بعد ما خلصت سنه وفاة علاء تزوج اخويه رامي ورحاب انخطبت الابن خالي .. وبالعطله تتزوج لان كانت تدرس معهد ..
وبيوم اجانا صفاء واني فرحانه بي بس هو ضايج مو ع بعضه سألته گال ماكو شي . 
ودخل هو بابا للاستقبال مااعرف شنو حجو وطلع بابا ضايج بس سمعته گاله اذا انت مقتنع تزوجها وحافظ ع بنت اخوك ..

#بقلمي_شمس
يتبع ...