ALAHAKI NEH!!

Page 6

🌸🦋🌸🦋🌸🦋🌸🦋🌸

*ALHAKI NEH!*

🌸🦋🌸🦋🌸🦋🌸🦋🌸🦋

® *_REAL PURE MOMENT OF LIFE WRITERS_*

_ɯɛ ɖơŋ'ŧ ơŋٳყ ɛŋŧɛřŧąıŋ ŋɖ ɛɖųĆąŧɛ, ცųŧ ɯɛ ąٳŞơ ŧơųĆɧ ŧɧɛ ɧɛąřŧ ơʄ řɛąɖɛřŞ_

By the applomb writer: *Hamagee*

Jan,2018.

# WWW.PMLWRITERS@GMAIL.COM
# IG PML WRITERS
# https://www.facebook.com/PML_-Writers-FANS-459256761123035
# http://maryamsbello.blogspot.com

Wattpad @Hama_gee

Sorry for the late post🙏

Page 06

°
Mahdi ya d'an sassauta rashin mutuncin da yake yida Kawu Bello dan yanzu har zuwa gaishe shi yakeyi, shima Kawu Bellon ya d'an sauk'o saidai ba sosai ba. Kusan ance me hali baya dainawa,koya rage shi dai yana nan dan bazai iya daina shi ba,to Zuwaira na nan akan bakan ta na wulak'anta mutane,musamman ma y'an uwan Mahdi.

Tun bayan rasuwar mahaifiyar Mahdi aka gyara d'akinta ma Aminu dan ya fara wayo,gashi da hankali da hangen nesa. Aminu yaro ne me ban sha'awa,yasan mutuncin mutane duk da yanayin mahaifiyar tashi. Sai dai wani hanzari ba gudu ba,Aminu ya taso babu wata shak'uwa a tsakanin shi da iyayen nan nashi guda biyu,barin ma Zuwaira dan yafi zama da Baban akan da ita.

Hakan yasa ya taso bai damu dasu ba,hakanan suma d'in. Wannan shine babban kuskure da iyayenshi suka sake tafkawa a karo na biyu. A sannu a hankali yana zuwa makaranta yana k'ara girma da wayo,har ta kaimu yanzu Aminu yana aji shida a makaranta secondary. Kuma a halin yanzu bai wuci saura y'an watanni su zana jarabawar kammalawar su ba. Hakan yasa shi k'ara dagewa a karatunshi daman yana k'ok'ari sosai a makarantar.

Wani abin birgewa ma shine,tun yana aji uku amatakin secondary ya haddace alqur'ani me girma,ta ko'ina dai ba'a barshi a baya ba kama daga bokon har islaman. Wannan kuma shine babban gatan daya samu daga wajen iyayenshi.

Bayan shekara guda.
Aminu ya gama secondary school,har result ya fito kuma yayi kyau dan JAMB d'inshi ya samu 190points,WAEC kuma duka ya samu credit. Sannan Industrial design ya cika a matakin degree a Abubakar Tafawa Balewa University Bauchi (ATBU) dake akwai k'anin kakanshi wato k'anin Baban Mahdi.

Tun Aminu na matakin secondary yayi wa Babanshi magana kan idan ya kammala yana so ya d'aukeshi ya saka shi a makarantar gaba. Allah me yin yadda yaso kenan,har yau har gobe Zuwaira bata sake haihuwa ba in banda b'ari da tayi shekaru hud'u da suka wuce,yanzu ko b'arin ma babu,Aminu neh idon ganinsu duka.

Aminu kuwa ya dage da karatunshi dan ya riga ya saka ma ranshi cewa karatun ne gatanshi. Lokaci lokaci ya kan lek'asu idan ya samu hutun makarantar. Duk da wahalar da ATBU kedashi hakan bai rage mishi k'warin gwiwa ba saima k'ara dagewa da yakeyi.

A kwana a tashi babu wuya,Aminu na final year a ATBU. Watarana yana karatu a library yaga shigowar wata 'yar budurwa,tunda ya shiga makarantar bai tab'a tsare wata yarinya da sunan tayi mishi ba,in fact bai tab'a soyayya ba baima da lokacin yinta,sai dai ya zamo dole ya karya record yau dan ba kad'an ba yaji yarinyar ta kwanta mishi a rai.

Sanye take da atampa sai dai ba lallai kasan wane irin d'inki bane dan himar ne dogo a jikinta,doguwa ce amma ba sosai ba,bata da k'iba ko kad'an. Sannan daga ganinta kaga farar mace,tana da kyau dai-dai misali. Sannan da fara'a cike a fuskarta,daga ganinta kaga fresher ma'ana sabuwar shiga daga yanayin tafiyarta na rashin sabawa da wurin.

Can Aminu ya dawo daga tunanin da yakeyi,wajen 9:30pm yaga ta taso zata bar wajen.Babu shiri shima ya kwashe kayanshi yabi bayanta duk da cewa ba lokacin yayi niyyar fita ba,yaso ace ya kai koda 10 ne amma dai ya fito.Tana tafe yana binta sai dai ya kasa mata magana ganin dare yayi kuma daga gani sauri take ta koma hostel.

Shi dai yarinyar ta birgeshi ganin yadda takeda nutsuwa,daga gani bata shiga shirgin k'awaye dan bai ganta da kowa ba.

     hghausanovelseries.blogspot.com