رهام : يا امي ياخ ما عايزه اسافر واقراء في الخرطوم 😭 انتي عارفه انا جبته نسبه كويسه بتدخلني هنا طب جامعه الجزيره وهنا احسن لي ف مدني بلدي وعارفاها
هاجر : ولا على كيفك يا رهام مافي سبب بخليني اقعد ف البلد الفقر دي 😡 كفايه ابوك كان دافنا بلحياااء هنا ف مدني وماعايشين كويس ، اها مات ابوك وش الفقر البقعدنا شنو تاني 😏 ،، واحسن ليك جامعه الخرطوم والخرطوم زاته حنيييييينه 😉
رهام : اولا يام امي اذكرو محاسن موتاكم وانتي عارفاني مابحبك تنبذي ابوي
هاجر : البووو يايمه ماخايبه زيو انتي ماشى غريب يعني 😒 المهم امشي جهزي شنطتك وانا جهزته حاجاتي وحنسافر بكره
رهام : بكره 😳 كيف وحنقعد وين مامجهزين بيت وناس حبوبه الهنا ماكلمناهم 😳 ، امي لااااا ارجوك 😭
هاجر : ماتخافي عندي ناس معرفه كدا جهزو لينا شقه في جبره 😌 ،، وحبوبتك قلتي لي يايمممخ حممممه تاخده تلحقه ولده ، حبوبتك مافي شى بدخله تعرف بكره اننا مسافرين وانتهينا يلا يلا امشي ستفي ...
رهام : معارفك ديل منو ع حد علمي مابتعرفي زول ف الخرطوم ؟؟
هاجر : يابت قووومي كرهتيني جنك اسئله
نجي نتعرف على ابطالنا
رهام وحيده امها وابوها بت ملتزمه وقنووووعه جدا متوسطه الطول جميله خلقه واخلاق 😍 بيضاء بشرتها وشعرها طويل ناعم ناس حلتهم مسمنها اشواريا الهنديه لانو بتشبها شديد بتحب ابوها شديد كان وشاطره في قرايته كانت ، عايشين هي وامها وابوها ف مدني ف بيت صغير كدا ،، ابوها كان علاقتو متوتره مع اهلو لانو ماكانو عايزنو يعرس هاجر بس هو اصر واختلف معاهم اتوفى قبل سنتين ف حادث
كان شغال سواق بصات سفريه ربنا يرحموو.. سكنت رهام بعد وفاه ابوهة هي وامها مع حبوبته ام ابوها حاجه سعاد الاصرو انو بت ولدهم ما تمشي مع اهل امها وتكون قريبه ليهم ،، اهل هاجر اخوها واحد بس اسمو سهيل ودا وجودو وعدمو واحددد اصغر واحد هو لا بحل لا بربط عاطل اخواتو البصرفو عشان كدا مابقدر يفتح خشمو ، ام هاجر وابوها اتوفو ، عندها اخواته اتنين هدى وهيام فاكت فكه شششديده ومامتزوجات ..
نجي لي هاجر او كما يدعوها محبينها بي جوجو هاجر دي زي اخواتها واكعب اكبر وحده فيهم وهي الورتهم الطريق دا كانت من بنات مدني المعروووفات انهم ما كويسات ودا السبب الكان مخلي اهل ابو رهام يرفضو بس هو ماكان بصدق اي شى كعب في مرتو وخاتيها الملاك هاجر طويله جسمها منسق دماااار شامل بس 🙊 بيضاء زي بتها عيونه واسه وشعرها طويل بس ما زي هيام هاجر جميله وورثت الجمال لبتها ،، هاجر بعد راجله مات اخدت راحته خالص اصلا عرستو عشان سمعته انتشرت وحبت تستر نفسها بس لكن بعد مات رجعت ديمه لعادته القديمه 😉
نشووووف حصل شنو ،،،
* في الصباح *
هاجر : رهام جهزتي ؟؟
رهام : وهي صاره وشها اي جهزته يمه ،، ( اتنهدت وختت حاجاته ف الارض ) امي الله يرضى عليك ممكن مانسافر امي الخرطوم بلد غريبه علينا بنمشيها مرررره مررره وهنا بلدنا ووسط اهلنا ي امي عليك الله مافي سبب بودينا 😭
هاجر : والله يارهام تاني تعيد السيره دي شفتي اسوقد الخرطوم وجامعه زاتو ماتقريها تقعدي ممغسه كدا بس انا الكلام دا حسمتو فاهمه
ولا مافاهمه
رهام : فاهمه ي امي 😔
( طلعو رهام وامها مشو غرفه حبوبتهم )
حاجه سعاد : صباح الله بلخير بسم الله مالكن شايلات شنطكن على وين
هاجر برفعه نخره ولويه خشم : قايمين الخرطوم حنسكن هناك جينا نودعك بس يلا فتناك بعافيه
حاجه سعاد : اجي يا هاجر ي بتي دا كلام شنو ماكلمتوني ليه واعمام البت دي ماعارفين سايبه هي
هاجر : اي سايبه هي ،، اعمام قلتي لي ، شكلك ياحجه خرفتي هم اولادك بعرفو لي بت اخوهم حاجه المهم نحنا قايمين ورهام حتقراء ف الخرطوم يلا سلام يلااااا ي بت رهام ( وطلعت طوالي )
رهام : جرت على حبوبته باست راسه ويدها وطلبت عفوها وقالت ليها حتحاول تقنع امها انهم يرجعو هنا بكو الاتنين ورهام لحقت امها
( حاجه سعاد ماكان في يدها حاجه لانو فعلا اعمام رهام بسبب امها والعارفنو عنها شبه علاقتهم مقطوعه بيهم بس كل البعملوهو برسلو مصاريف لي رهام عن طريق حاجه سعاد بس )
سافرو بلبص رهام وامها وكان منتظرنهم ف المينا البري اخوات هاجر ، هدي وهيام ، اخوهم قعد في مدني ماسافر او بلاصح قعدوهو بلجبر قالو ليهو تحرس بيتنا وبنرسل ليك مصاريف كل شهررر
هدى : وواي ي جوجو مالكم اتاخرتو كدااا ( هدى الاخت الوسطانيه بشرته سمراء مازي باقي اخواتها دي كمان كساره شديد طويله ومليانه شويه مركبه زمام في نخرتها وطول الوقت اللبانه ف خشمها ،، قرت ززمان سنه تالته ما نجحت وتاني ماعادت قعدت ف البيت وطبعا كلو يوم مع واحد من بيت لي بيت )
هيام : طبعا انا متحمسه انو حنسكن ف الخرطوم وغمزت لي اخواته ( اختهم الصغيره بعد اخوهم طوالي اخر العنقود دي غايتو كدا كدا نجحت وقرت دبلوم ف مدني اقتصاد واتخرجت ليها سنه ططبعا الجامعه كانت بلنسبه ليها منبع للعلاقات وتجميع القروش لفت ليك على اولاد جلابة مدني كلهم هي
ام متوسطه الطول قمحيه عيونه واسعه وشعرها طويل باختصار ملامحه جميله وجسمها منسق )
هيام : ( بتعاين لي خالاتها ونظرت حزن جواها )
هاجر : الاخرني المره الخرفانه دي انسونا منها ،، وقبلت على هيام ،، والله ي هوووومه انا متحممممسه اكتر منك هناك الشغل عجيب 😉
رهام : عاينت لي امها وسالته امي شغل شنو وصحي حناكل من وين هنا كان اعمامي برسلو بس ف الخرطوم حنصرف من وين ؟؟ ( طبعا ي جماعم رهام ماعارفه اي حاجه عن سلوكيات امها وخالاته وهم عاملين حزرهم ما تحس ولا تسمع )
هدى : ( بنهره كدا وصرت وش ) رهااااااااااااام دي حاجات مابتخصك ماعليك الا بي قرايتك ووووبس
ياربي حيحصل شنو ف الخرطوم ?? وهل الجو حيعجب رهام ولا لا نشوف ف الحلقه الجايه
يتبع....
